ओरिसा: आळूपोटळं तरकारी (फोटोसहीत)

कोवळ्या परवरात नसतात कडक बिया. या परवरात खवा भरुन, पाकात घोळवून एक गोड पदार्थ करतात. रुचिरा मधे आहे.

परवर कधी ऐकले/बघितले नव्हते. भाजी छान दिसतेय.

नंद्या,

माझा एक ओरिया मित्र करतो अशी भाजी पण त्यात तो वाटलेली मोहरी पण लावतो. मस्त लागते ही भाजी.

आमच्याकडे परवराची भाजी आवडीनं खाल्ली जाते. मी परवरं उभी अर्धी चिरून मग आडवे पातळ काप करते. गोल पातळ कापली तरी चालतील. जून असतील तर बिया काढून टाकायच्या. तेलावर मोहरी, हिंगाची फोडणी करून त्यात वालाची डाळ (जरा १० मिनिटं आधी भिजवून) टाकून परतून घ्यायची. मग बारीक चिरलेला कांदा घालून परतायचा. तो लाल झाला की परवरं, हळद, तिखट, मीठ घालून शिजवायची. थोडं थोडं पाणी (भाजी करपणार नाही इतपत) टाकायचं. एक वाफ आली की त्यात धणा पावडर आणि जिरे पावडर, किंचित साखर घालून शिजवायचं. वर झाकणात पाणी घालतं तर भाजीत जास्त घालावं लागत नाही. सुकी भाजी, वर कोथिंबीर घालून आणि हवं तर लिंबू घालून चपाती बरोबर खायची. ही भाजी, दही आणि चपाती हे कोम्बो फारच मस्त लागतं. दही-भाताबरोबर पण छान लागते. तसंही सगळ्या सुक्या भाज्यांबरोबर दही मस्तच लागतं. उदा. कारली, तोंडली वगैरे.

अरे, ही तर तोंडली! (एकवचन तोंडलं)

नानबा ही तोंडली नाहीत. तोंडल्यांचा चुलत भाऊ.

अगंगंगं नानबा- नहीऽऽऽऽ तुमने वही किया जिसका मुझे डर था.
तू आत्ताच पुढील सुमारे ७० पोस्टींची सोय केलीस बघ.
आता येतीलच प्रश्न
परवर म्हणजेच तोंडली म्हणजेच गिलके म्हणजेच दोडके म्हणजेच शिराळे म्हणजेच दुधीभोपळा का ?

स्व्पनाली- नवीनच पाकृ.

रैना ,
एकदा चुकुन परवर आणलेलं पण त्याचं काय नी कसं करावं हेच माहित नसल्याने वाया गेली भाजी. तरी तोंडली जास्त आवडतील असं वाटतं .

नानबा मलाही ती तोंडलीच वाटली पण वरती मराठीत त्याला परवल म्हणतात अस वाचल्यावर काही विचारलच नाही.

मी बहुतेक हे आणून तोंडलं समजून त्याची कोरडी भाजी करून झाली आहे म्हणजे!

परवर म्हणजेच तोंडली म्हणजेच गिलके म्हणजेच दोडके म्हणजेच शिराळे म्हणजेच दुधीभोपळा का ?
>> पडवळ राहिला की (मला बरेच वर्ष 'दोडका-पडवळ', 'गाय-म्हैस', 'शेळी-बकरी' ह्यातला फरक कळायचा नाही.खूप जणांनी क्लासेस घेतले.. माझा घोळ कायम असायचा.. शेळी बकरी सोडून बाकीच्यातले फरक आता कळतील (बहुतेक) असं म्हणेतो हा 'तोंडली-परवर' प्रकार आलाय :()

नानबा, इंगळी म्हणजे मोठा विंचू, या चालीवर सगळे लक्षात ठेवायचे.

सावली,
हे 'परवर' तर सेम तोंडली सारखे दिसतात ..!

आम्ही पडवळ म्हणतो.. काही नवीन नाहिये..

पण इतकी मोठाली चिरुन १ तास लागेल ना शिजायला
बंगाली आणि ओरीया अशीच चीरतात पण..

छान दिसतीय पण.. अशी करुन बघेन

छान भाजी सावली.
रैना, मुख्य प्रश्ण राहीला परवर नसेल तर तोंडली चालतील का? (मला खरच हा प्रश्ण पडला आहे.)

सावली, भाजी छान आहे. मलाही हे परवर म्हणजे तोंडलीच वाटली.

तोंडलीसारखीच दिसतात. तोम्डली वापरुन के ली तर? परवर तोंडली समान... ( नरवर क्रूष्णा समान)

नानबा शिराळे म्हणजे दोडका बहुतेक (माझ्या माहितीनुसार हो)

धन्यवाद सावली! तुमच्या कृतीने आज ही भाजी केली. चवदार लागली. तेच ते खोबरं-खसखस वाटण,गरम मसाले, काळे मसाले, चिंच, गूळ प्रकरण नसल्यामुळे जरा वेगळी चव आवडली. कॅरामेल रंगासाठी साखर घालायला विसरले. कोथिंबीर संपवायची म्हणून ती पण घातली. बाकी काही फरक केला नाही.

राखीने या पाककृतीची आठवण करून दिली म्हणून तिला धन्यवाद!

जबरा दिसतोय की वरचा फोटो, मस्त मसालेदार असावी असं वाटतंय.

धन्यवाद!

नेहमीच्या भुकट्या वापरण्यापेक्षा ताजे धणे आणि जिरे वाटणात घेतल्यामुळे खरंच मस्त चव आली. वाटणात घेतलेल्या लाल मिरच्या बर्‍यापैकी तिखट आहेत. वाटीभर ताक प्यावं झालं.

रेसिपी आणि फोटो दोन्ही मस्तच.

मी परवर फ्राय भाजी करते तोंडल्यासारखी. कधी बटाटा टाकून किंवा न टाकता. कोवळ्या परवराची छान होते तशी. बिया नसतात.

आई गुजराथची असल्याने ही भाजी केली जाते आमच्याकडे. तिथे फेमस आहे.

मस्त लागते ही भाजी. फार आवडते
मी अशीच चिरुन जरा जास्त तेलावर असेच बटाटे आणि परवर परतते आणि सोनेरी झाल्यावर मीठ घालून ढवळून झाकण ठेवून वाफेवर शिजवते. गरज पडली तर दोन चमचे पाणी घालायचे.
शिजल्यावर वरुन लाल तिखट आणि धणे पावडर फक्त. चमचमीत लागते ही तळलेली कोरडी भाजी एवढ्याच मसाल्यांवर.

सध्या बिहारात नोकरी ला असल्यामुळे रोजच आलू परवल ची भाजी होते, थोडा वैतागलो आहे पण ही भाजी उत्तम असते परवल ही अतिशय पौष्टिक अन बहुगुणी भाजी आहे त्याचे अजुन काही प्रकार करतात

१ लांब लांब स्ट्रिप्स कापून केलेली वांगयाची असतात तशी भजी अतिशय मस्त लागतात चवीला (आतून मऊ असतात बाहेरून कुरकुरित)

परवल २ भागात चिरून मधला गर काढून त्याला चासनी म्हणजे पाकात बुडवून बनवलेला एक मिठाई चा प्रकार पण असतो, नाव आठवत नाही

परवलला हरा आलू सुद्धा म्हणतात, ह्या भाजी ला स्वतःची काही चव नसते तस्मात् ज्या दुसऱ्याभाजीत घालाल तिची किंवा इतर मसाल्यांची चव परवल नीट "जस्प" करतात! तसेच कुरकुरीत किंवा मऊ कुठल्याही पद्धतीने शिजवली तरी उत्तम लागतात

अजुन एक रेसिपी सांगायची होती, भरवां परवल फ्राय ह्यात परवल अर्धे चिरून त्यातला गर कोरून काढतात तो गर थोड़े कच्चे सरसो तेल मीठ मसाला वगैरे घालुन नीट मळुन घेतात आता परवल माधे हा मसाला भरून ते दोर्याने बंधतात व खरपुस भाजतात उत्तम तोंडीलावणे होते हे व वर सांगितल्या प्रमाणे ब्लांड असते तस्मात् मसाले मस्त अब्सोर्ब होतात