पाककृती हवी आहे. माहिती आहे का? -२

मसुराच(डाळ) वरण, आमटी कस करतात?

प्राजक्ता, विपु बघ

Bob's Red mill Gluten free Mighty Tasty Hot Cereal असं खतरा नाव वाचून आण्लं आणि दोन कप शिजवलं तर ़ कुणालाच फारसं आवडलं नाही..शिजलेलं तसंच फ्रीजमध्ये ठेवलंय. कशात खपवता येईल?
आणि उरल्या पाकिटाचं काय करू? त्यांनी त्या पाकिटावर एक मफिनची रेस्पि दिली आहे. पण ती कोंबडीपेक्षा मसाला महाग टाइप वाटतेय. आणि शिवाय माझ्या बेकिंग स्कीलला आव्हान दिल्यासारखं होईल ते वेगळंच
Ingredient list for the cereal says Whole Brown Rice,corn,sorghum,buckwheat.
Any suggestions for any different receipt to try???

वेका, फार कोअर्स नसेल तर सरळ आलं-मिर्ची-मीठ्-कोथींबीर लावून दोसे टाक. दहीपण घाल.

थोडंसं रवाळ टाइप दिसतंय...कदाचित आण्खी कसलं पिठ घालून दोसे होऊ शकतील. पण शिजलेलं थोडं गचका झाल्यासारखं दिसतंय. त्याचं काय करावं हा प्र्श्न्च आहे..नवर्याचं म्ह्णणं वडे कर अर्थात त्याला कशाचेही वडे चालतील पण मला फार काही सुचत नाही...त्यात थोडं आटवलेलं दुध घालून खीरीसारखं करून (एकदाचं) संपवावं लागेल असं दिसतय.

ओह, मग ढोकळ्याचं बघ थोडा रवा घालून. जर पीठ होईल असं वाटल्यास मिक्सीतून काढून दोसे घालता येतील का ते पहा.

वेका, उकडलेल्या कुस्करलेल्या बटाट्यात तिखट, मीठ, ही सीरियल आणि इतर मालमसाला (चवीप्रमाणे) घालून त्याचे चपटे गोळे करायचे व नॉन स्टिक तव्यावर थोडेसे तेल घालून त्यावर खरपूस भाजायचे असे करता येईल का? क्रंची कटलेट / टिक्की स्टाईल काहीतरी पदार्थ होईल तयार बहुतेक!

buckwheat / Kuttu ka atta म्हणजे मराठीमध्ये काय म्हणतात?
हे मुंबई मध्ये मिळते का?

मुग्धा, मंजूडी, सुचारिता खुप खुप धन्यवाद. केल्यावर नक्की सांगते व आंबोळ्यांचे फोटोही टाकते.

पीआरार,
कुट्टु का आटा म्हणजे मखाण्याचा आटा / पिठ. मखाणे म्हणजे कमळाचे बी.उपवासाला याच्या तिखट पुर्‍या, तुपात भाजुन गोड शिरा,भजी,वडे असे बरेच पदार्थ करतात.आजारी व्यक्तिला कुट्टु च्या आट्याची खीर बनवुन देतात.पचनाला कलके/सुपाच्य तसेच पौष्टीक आहे.हे मुंबईत मिळत नाही. ग्वाल्हेर्,दिल्ली , उ.प्र. हरियाणा मधे जास्त मिळते.पोळ्याच्या दिवशी --कुट्टु पदार्थांचा विशेष भोग लावतात.या कुट्टु आट्याचेच लहान लहान आकाराचे दोन बैल बनवुन त्याची साग्रसंगीत पूजा करतात आणि त्यांचे संध्याकाळी विसर्जन करतात.

मी पटेल मधुन अक्खा राजगीरा आणलाय. लाडु करायचे होते.
पण तो फुलतच नाहीये .. खुप प्रयत्न करुन पाहीले. .. पण काही उपयोग नाही.

काय करुन संपवू, उपाय सुचवा.

सब्जाचं बी आणलं आहे, ते कशात वापरता येईल? शरीरातील उष्णता कमी करण्यासाठी उपयुक्त आहे ना ते?

काळजीवाहू, सब्जाचं बी पाण्यात भिजवायचं... तासाभरात चांगलं फुलतं... मग त्यात गार दूध + साखर, हवं असेल तर रोझ सिरप असं घालून प्यायचं. फालुद्यात पण वापरतात.

राजगिर्‍याचे पिठ करुन चपाती / पुर्‍या करता येतील ( थोडी कचकच लागते.) तो भिजवून, मिक्सरमधून एकदा काढून, पाखडून त्याची खीर करता येईल. याचाच उपम्यासारखा प्रकार करता येईल.
गरम कढईत तो अर्धा मूठ घालून नॅपकीनच्या बोळ्याने घोळवल्यास लाही फुटायला पाहिजे. तसे होत नसल्यास तो जूना असण्याची शक्यता आहे. पिठ वापरण्यापूर्वी ते चवीला कडवट नाही, याची खात्री करा.

सब्जा, साध्या पाण्यात, लिंबू किंवा इतर सरबतात, फालुदामधे घालून खाता येईल ( अर्धा तास पाण्यात भिजवून मग वापरायचा ) शक्य असल्यास तो कुंडीत पेरायचा. त्याची पाने सुगंधी असतात.

सब्जा चं बी - फालुदा मधे आहाहा.... थंडगार फलुदा.... यम्मी यम्मी

सब्जाचे बी थंड दूध्+साखर मधे पण चांगले लागते.

व्हॅनिला आयस्क्रिम वर सब्जा आणि वरतून केशर सिरप....

स्ट्रॉबेरी आयस्क्रिम वर सब्जा आणि वरतून व्हॅनिला केकचा चुरा ....

सब्जा आणी तुळस बी उन्हाळ्यात गुलकंदासारखे जास्त उपयुक्तच .

जेली करण्यासाठी मिक्स पॅकेटस मिळतात पण अनफ्लेवर्ड, अनस्वीटनड अशी जिलेटिन पावडर नुसती मिळते का आपल्याकडे?
पार्ल्यात कुठेही मिळाली नाही. रेडी पॅकेटस मधे खूप साखर असते. शॉटससाठी बोर होतात.

धन्स दिनेशदा.... चपाती करुन बघेन....

नी,

काही दुकानातच मिळते. अनफ्लेवर्ड जिलेटीन ( सध्या भारतात जिलेटीन म्हणजेच अगर अगर / कार्गीनान असे मानतात ) किंवा आस्पिक पावडर मागून बघ. फाईव्ह स्टार कंपनीचे पॅकेट आहे. प्लेन अगर अगर पण मिळेल.
अनफ्लेव्हर्ड चायना ग्रास या नावाने पण मिळेल

टकमरिया नावाने देसी दुकानात असते ते सब्जाचे बी असते का?

अर्रर्र हे माहित नव्हतं. रेडिमिक्स्ड पाकिटं आणली ऑलरेडी. अगार अगार मिळतं पार्ल्यात. आता नेक्स्ट टाइम.
थँक्स दिनेश!

धन्यवाद सुलेखा एवढी सविस्तर माहिती दिल्याबद्द्ल. पण इथे जे दिसतेय ते मखाणे नाहि वाटत.

टकमरिया नावाने देसी दुकानात असते ते सब्जाचे बी असते का? >> हो
हे बघ http://www.nirala-naturally.com/tukmaria.html

चिकन किती प्रकारे मॅरीनेट करता येवु शकेल?
आलं+लसुण्+दही+लाल तिखट, मिठ+तेल्+काळीमिरी पावडर, ह्या व्यतिरिक्त अजुन काही आहे का?

माझी आई एक हिरवं चिकन करते त्याला ती कोथिंबीर (भरपूर), मिरच्या (झेपतील तशा) आलं लसूण, हळद, मीठ असं लावून ठेवते. हेच मटणाला पण लावते पण ते नेहमीच..चिकन हिरवं करायचं असेल तेव्हा हे हिरवं ट्राय करून बघ.

दिनेशदा, सब्जाची पाने खातात का ? ती मेथीसारखी मातीविना (मागे इथे एक कॄती होती) उगवतील का ?

mala masale bhatasathi masale gharachya ghari kase tayar karayche tyachi mahiti pahije ahe
pls.

सब्जाची पाने खात नाहीत पण विठ्ठलाला सबज्याच्या तूर्‍यासकट वाहतात. टेबलावर ठेवली तरी सुगंध येतो.
मेथीच्या मोडासारखे मोड काढता येतील असे वाटत नाही.

ओल्या काजूची उसळ काळे वाटणे घालून करतात का? कधी केली नाही पण एका कोकणातल्याच मैत्रीणीने सान्गीतले. आई घरी त्यात बटाटे घालून करते.

सामी, काळ्या वाटाण्याच्या उसळीत कधी कधी ओले काजू घालतात. मुबलक असल्याने त्या सिझनमधे वांगी, फणस अशा भाज्यातही घालतात.