सार्‍या जातींना खड्ड्यात जावुद्या

सार्‍या जातींना खड्यात जावूद्या

सार्‍या जातींना खड्ड्यात जावूद्या
आपल्या देशाची प्रगती होवूद्या ||धृ||

नका कुणी हो जातपात मानू
नव्या कल्पना अंमलात आणू
जुने विचार मसणात जावूद्या
आपल्या देशाची प्रगती होवूद्या ||१||

ह्या जातींनी काय नाय केलं
माणसामाणसात भांडण लावून दिलं
सख्खेशेजारी वैरी होती
एकमेकांचे गळे कापती
मी उच्च तू निच ते म्हणती
असलं वाईट वागणं तुम्ही थांबवा
या जातींना खड्यात जावूद्या ||२||

ब्राम्हण, मराठा, शिंपी, सोनार
तेली तांबोळी कुणगर, महार
कोळी कोष्टी कोकणा भामटा
भिल्ल रामोशी मातंग बेमटा
किती जाती तुम्ही निर्माण केल्या
माणसामाणसात भिंती उभ्या झाल्या
आतातरी जातपात माननं टाकूनद्या ||३||

किती किती ह्या हो जाती
देशाच्या प्रगतीला खीळ घालती
देशात माणूसकीची जात तुम्ही राहूद्या
आपल्या देशाची प्रगती होवूद्या ||४||

ज्ञानदेवानं जात कधी मानली काहो?
नाय हो
साईबाबानं जात कधी मानली काहो?
नाय हो
राजाशिवाजीनं जात कधी मानली काहो?
नाय हो
शाहूराजानं जात कधी मानली काहो?
गांधीबाबानं जात कधी मानली काहो?
साने गुरूजींनी जात कधी मानली काहो?
सावरकरांनी जात कधी मानली काहो?
आंबेडकरांनी जात कधी मानली काहो?
नाय हो, नाय हो, नाय हो

मग तुम्ही आम्ही जातीवरून का हो भांडता?
आपल्या देशाची प्रगती होवूद्या ||५||

उच्चनिच करून काय मिळते?
दुसरा अन्न खातो तेच सार्‍यांना मिळते
या जातीमुळे माणसे हैवान झाली
इतर जातीला पाण्यात पाहू लागली
पुर्वजांनी केले ते काळाच्या पडद्याआड जावूद्या
आपल्या देशाची प्रगती होवूद्या ||६||

- पाषाणभेद (दगडफोड्या)
२२/०२/२०११