ओट्स चे धिरडे (फोटोसहीत)

हे धिरडे खरच मस्त अन पौष्टिक! मी यात कांदा बारिक चिरुन घालते. खुप टेस्टी लागतात. नवरा, मुले अगदी आनंदाने खातात. आणि हो अगदी एक एक आठवडा फ्रिजमध्ये हे पीठ असते.
धन्यवाद दिनेशदा.

दिनेशदा, तुमच्या रेसिपीस एकदम अभिनव असतात... प्रचि पाहून फारच तों.पा.सु. कधी बनवेन असं झालंय आता...

अगो, पाककृतीच्या शब्दखुणांमध्ये 'ओट्स' आणि 'धिरडे' असे दोन शब्द आहेत. तू ओटसचे धिरडे सर्च केले त्यामुळे नसेल सापडले. ओट्स धिरडे असे देऊन बघ, पहिलीच कृती येते.

पाककृती लिहिणार्‍या सर्वांनीच पाककृतीचे शिर्षक शब्दखुणांमध्ये सुद्धा दिले तर नंतर शोधणार्‍यांना ते सोप्पे होइल.

आजच हे केले एकदाचे. किती दिवसापासुन विचार होता... एकदम मस्त लागतात ही धिरडी. दिनेशदा थँक्स. आता त्यात भाज्या किसुन वगैरे कशी लागतील ते पुढील वेळेस करुन पाहणार.

आमच्याकडे हे धिरडे आता आठवड्यातून दोनदा तरी बनतेच. ओट्स मिक्सरमधून वगैरे काही काढत नाही. दह्यात जरा वेळ भिजवते. मग त्यातच रवा, पाणी घालते. आले किसून आणि पालक बारीक चिरुन घालते बरेचदा. नाहीतर मग गाजर किसून, कोथिंबीर, मिरची असेही करते. नवर्‍याला आणि मुलालाही फारच आवडले आहे. धन्यवाद परत एकदा
कालच केले होते त्याचा हा फोटो. रवा आणि दह्यामुळे रवा डोशासारखे लागते.

दिनेशदा,
धिरडे खुप छान आहेत चव पण मस्त असणार..
अमेरिकेत चटणी चे कारले इन्डियन स्टोअर्स मधे कोणत्या नावाने मिळतात्त

दिनेशदा, मि ओटस दह्यात भिजवुन केले ते धिरडे छान झाले, पण ओटस पावडर व तांदुळाचे पीठ याचे खुप छान झाले होते.

दिनेशदा, आजच सौ ने ही रेसिपी कॉपी करुन ठेवायला सांगितली. प्रत्यक्ष करुन बघितलं की सांगेनच.

आज बनवलं आणि खाल्लं सुद्धा. आमच्या सगळ्यांकडून तुम्हाला धन्यवाद

मस्त रेसिपी. दिनेशदा, तुम्ही खरच gr8 आहात, किती चांगल्या रेसिपी करता आणि मायबोलीवर share पण करता. मी नेहमी रेसिपी द्यायची म्हणते पण आळस माझा मित्र आहे.
लहान मुलांसाठी oats चा cake करता येतो , आणि oats रवा खीर पण चांगली होते.

सहीच...मस्त...ओट्स मधे व्हरायटी मिळाली. अजुन काही असतील ओट्स मधे तर नक्की शेअर करा.

आज केले होते. मस्त झाले.
धन्यवाद, दिनेशदा!

परवा ही धिरडी करताना कच्च्या पालकाच्या पानांची पेस्ट घातली भिजवलेल्या पीठात! छान हिरवा रंग आला. आणि मग तीळाच्या चटणीबरोबर गट्टम !

काल मी पण ट्राय केली ही धिरडी. मी त्यात गाजर किसून घातलं आणि ओट्स आणि ओट्ब्रॅन समप्रमाणात घातलं. तीळ्-खोबरं-दाणे-लसणाच्य कोरड्या चटणीबरोबर छान लागलं. काल रात्रीच २ जास्त धिरडी करून ठेवली आणी ती ऑफीसमध्ये नाष्ट्याला आनली आणि मावेत गरम करून मस्त लागली. पुढच्या वेळी रव्याऐवजी तांदूळाचं पीठ घालणार म्हणजे कुरकुरीत होतील.

दिनेशदा, आज मी करून बघितलं. (तुम्ही रेसिपी दिली कधी आणि मी करतिये कधी... :इश्श:) हसू नका हं आळशीपणाला...

<लहान मुलांसाठी oats चा cake करता येतो , आणि oats रवा खीर पण चांगली होते.> रेसिपि येउ द्या लवकर

सहीए हे, मी पण बर्‍याचदा करते. धन्यवाद दिनेशदा !!

काल करून बघितले ओटसचे धिरडे. खूप मस्त झाले होते. आवडले.

रोल्ड ओटस म्हणजे?
मी आणायचे म्हणते आहे. कुठले ओटस आणावे?

रैना, मी Quaker Oats वापरले.

धन्यवाद दिनेशदा, प्राची.

आज केली ओटस ची धिरडी .. मीही मिक्सर मध्ये वाटलं नाही .. छानच झाली ..

ह्याचं अजूनही हेल्दी व्हर्जन करायचं तर नॉन-डेअरी वापरता येईल का दह्याला पर्याय म्हणून? (म्हणजे पाणी घालता येइलच पण ती आंबटसर चव आणि जाळी पडणे हे दह्यावर अवलंबून असेल तर काय पर्याय वापरता येईल?)

धन्यवाद दिनेशदा ..मीही धिरडे केले आज ...मस्तच झाले. मुलीला ही आवडले हे विशेष!
नेहमी गोड गोड ओटस ब्रेकफास्टला खातो त्यामुळे कांदा गाजर टाकुन केलेले धिरडे आवडले.
पण दही न टाकता केले म्हणुन जाळी नाही पडली वाटते

छान आहे हा प्रकार. नक्की करुन पाहीन

आहा, यम्मी आहे टेस्ट! आज दिल्याबरहुकूम बनवले. पुढच्या वेळेपासून भाज्या वगैरे प्रयोग सुरू करेन.

ओट्स ना सद्गती मिळेल अशी चिन्हं दिसू लागली आता. एरवी खीर बोअर होते आणि तथाकथित मसाला ओट्स त्याहून.