ऑस्ट्रेलियात महिलाराज....

आजच्या ऐतिहासिक दिवशी ऑस्ट्रेलिया देशाच्या इतिहासात प्रथमच एक महिला पंतप्रधान झाली. गेल्या (कालपर्यंतच्या) सरकारात उप पंतप्रधान असलेल्या मा. ज्युलिया गिलार्ड आजपासुन पंतप्रधान झाल्या. तथाकथित पुढारलेल्या देशांत आजवर केवळ हाताच्या बोटावर मोजण्या इतक्याच महिला देशाचे नेतृत्व करु शकल्या. http://www.terra.es/personal2/monolith/00women3.htm
पुढारलेल्या देशाच्या मानाने अविकसीत अन विकसनशील देशांमध्ये महिला राजकीय नेतृत्व नेहमीच आघाडीवर राहिले. भारत-पाक-बांगलादेश ह्यांनी तर कित्येक दशके अगोदरच महिला नेतृत्वाचा स्वीकर केला... नव्हे महिलांनी आपले कर्तुत्व सिद्ध केले!

जगातील एकमेव महासत्ता असे स्वयंघोषीत कमांडरांनी देखील महिलेला साधे 'उमेदवारी'पासुन वंचित ठेवले...

आज आमच्या लॅब मध्ये तर हाच विषय चर्चेला होता..... अनेकांनी ज्युलिया गिलार्ड यांचे अभिनंदन केलेच, पण त्यांच्या राजकीय कौशल्याने अनेक जन चकित झाले...

गेल्या महिन्यात एका टीव्ही मुलाखतीत बाईंनी पंतप्रधानपदात रस 'नसल्याचे' सांगितले तेंव्हाच आमच्या जागृत राजकीय घ्राणेंद्रीयांनी त्याची नोंद घेतली होती. पण बाई लै हुषार! पत्ताच लागु दिला नाही......!

महिला सबलीकरणाच्या दिशेने हे एक पाउल आहे. ४९ वर्षे वयाच्या एका स्त्री ने हे उत्तुंग राजकीय यश संपादन केले आहे. कुठल्याही क्षेत्रात काम करणार्‍या कार्यकर्त्याने त्या क्षेत्रातील सर्वोच्च पदासाठी संघर्ष/प्रयत्न केलाच पाहिजे, असे मला वाटते! अन असे सर्वोच्च पद मिळवणार्‍या गुणवंतांचे हार्दिक अभिनंदन!