Name: बिनखव्याचे गुलाबजामुन
Cook time: ४० मिनिटे
Yield: वरील साहित्यातुन ३० ते ४० गुलाबजाम तयार होतात.
Cuisine: गुजराथी

Submitted by सीमा on 24 September, 2009 - 13:28

प्रत्यक्षात लागणारा वेळ:

४० मिनिटे

लागणारे जिन्नस:

गोळ्यासाठी
२ कप मिल्क पावडर(कार्नेशन ची सगळ्यात चांगली)
१/२ कप सेल्फ रायझिंग फ्लोअर
६/८ oz हेव्ही व्हिपिंग क्रीम (गरज लागल्यास थोडी जास्त)
तळण्यासाठी तेल किंवा तुप
..........................................................................
पाकासाठी
सव्वा दोन कप साखर
सव्वा दोन कप पाणी
वेलची पावडर्(आवडत असल्यास गुलाबपाणी अथवा केवडापाणी)

क्रमवार पाककृती:

मिल्क पावडर ,सेल्फ रायझींग फ्लोअर आणि क्रिम एकत्र करावे.
अगदी चांगले मळुन घ्यावे.गरज पडल्यास थोडे अधिक क्रिम घालुन घ्यावे.
जितक जास्त मऊ मळाल तितके गुलाबजाम चांगले होतात.
(मी फुड प्रोसेसर वापरते. )
आता एक सारख्या आकाराचे गोळे करुन घ्यावेत आणि मंद आचेवर तळुन घ्यावेत.

पाकासाठी :
साखर आणि पाणी एकत्र कळुन गॅस वर ठेवावे.
साधारण एकदा,दोनदा उकळी आली कि गॅस बंद करावा. वेलची पावडर घालावी.

आता तळलेले गुलाबजाम गरम पाकात सोडावेत.
पाक चांगला मुरल्यावर खायला द्यावेत.

हे गुलाबजामुन जवळजवळ खव्यासारखे लागतात. गिट्स पेक्षा वैगरे तर खुपच चांगले लागतात.:)

माझी बहिण इथल्या अगदी छोट्या टाऊन मध्ये रहाते. साध गव्हाच पीठ आणायच असेल तरी तीला ३/४ तास travel कराव लागत.(आता walmart मध्ये मिळत.)पण आमच्यासारख खवा , गिट्स वैगरे पटकन मिळण तर शक्यच नाही तीला. त्यामुळ तीन आणि तीच्य ऑफीस मधल्या मैत्रीणीन बरेच प्रयोग करुन ही रेसीपी तयार केली आहे.मला स्वताला इन्डियन दुकानातल्या फ्रोजन सेक्शन मधुन फारस काही आणायला आवडत नाही. ही रेसीपी मिळाल्यापासुन गुलाबजामसाठी तरी खवा आणायची गरज पडली नाही.:)

वाढणी/प्रमाण:

वरील साहित्यातुन ३० ते ४० गुलाबजाम तयार होतात.

अधिक टिपा:

पीठाची consistency(अगदी मऊ) योग्य असणे अतिशय गरजेचे आहे. जर का गुलाबजाम घट्ट झालेत असतील तर हमखास क्रीम कमी पडली आहे किंवा पीठ कमी मळल गेल आहे अस समजाव.

माहितीचा स्रोत:

बहिण

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र