अभ्यासाचं ओझं

Submitted by स्मितागद्रे on 20 September, 2009 - 05:49

सगळी तुम्ही मोठी माणसं, आम्हाला सतत सांगत असता
लंगडी, लगोरी, विटीदांडु, तुम्ही किती खेळत होतात

हल्ली म्हणे मुलांना हे खेळच महिती नाहीत
कॉम्प्युटर,व्हिडीयो शिवाय दुसरे गेमच येत नाहीत

पण तुम्हीच सांगा ह्याला आम्ही काय करणार ?
अभ्यासाचा डोंगर सोडुन कधी खेळायला जाणार ?

सुट्टीच्या दिवशी सुद्धा असतो आमच्या मागे त्रास
शनीवारी असतो ड्रॉईंगचा तर रविवारी डान्सचा क्लास

क्लासला गेल्या शिवाय आमचा एक दिवस ही जात नाही
मनात असुन सुद्धा मनसोक्त खेळता येत नाही

आज काय स्कॉलरशीप तर उद्या सायबर ऑलिंपियाड
हे ही पडत कमी म्हणून त्यात सायन्स क्विझ च फॅड

स्वप्न सुद्धा आम्हाला फक्त परिक्षेचीच पडतात
परी ऐवजी स्वप्नात सुद्धा परिक्षाच सगळ्या दिसतात

तुमच्या वेळी सांगा,होती का इतकी काँम्पीटीशन ?
झेलायला लागत होतं का तुम्हाला अभ्यासाच टेंन्शन ?

मी च आता ह्यावर एक उपाय शोधून काढणार
सगळ्या मोठ्या माणसांना आमच्या परिक्षा द्यायला लावणार

मग बघा तुम्हाला नक्की पटेलं म्हणणं माझं
थोडस तरी कमी होईल तुमच्या अपेक्षांच ओझं

गुलमोहर: 
बालकविता
शेअर करा

पटलं.एकदम पटलं.मी पण माझ्या मुलीच्या मागे अभ्यासासाठी हात धुवुन लागलेली असते.पण मलाही ते पटत नाही.केवळ मुलांना मागे राहिल्याचा न्यूनगंड येऊ नये म्हणून करावे लागते.आणि आपल्याही अपेक्षा असतातच की! माझा नंबर शाळेत पहिला यायचा किंव येत नव्हता म्हणून माझ्या मुलांचा यावा ही मानसिकता चुकीची आहे पण पालक आज याचेच शिकार आहेत.

Submitted by वैशू on 20 September, 2009 - 07:49

<स्वप्न सुद्धा आम्हाला फक्त परिक्षेचीच पडतात
परी ऐवजी स्वप्नात सुद्धा परिक्षाच सगळ्या दिसतात>
खूप छान कविता! मुलांची मनस्थिती अशी बनायला आपण मोठे नक्कीच कारणीभूत आहोत.

Submitted by एम.कर्णिक on 21 September, 2009 - 00:23

अँकी, तोष्,स्मिता,डॅफो,सत्या,कवी,वैशु,लले, शशांक, मुकुंद दादा, सर्वांना धन्यवाद

Submitted by स्मितागद्रे on 21 September, 2009 - 00:35

मी च आता ह्यावर एक उपाय शोधून काढणार
सगळ्या मोठ्या माणसांना आमच्या परिक्षा द्यायला लावणार

बापरे !! म्हंजे आमची पुन्हा वाट लागनार ? nerd.gif

Submitted by MallinathK on 21 September, 2009 - 02:21

>>तुमच्या वेळी सांगा,होती का इतकी काँम्पीटीशन ?
झेलायला लागत होतं का तुम्हाला अभ्यासाच टेंन्शन ?>>
...अगदी खरय!

छान कविता!:-)

Submitted by Vega on 21 September, 2009 - 05:07

छानच आहे कविता ! आवडली एकदम ! मी पण अशाच अपेक्षांच्या ओझ्याखाली दबुन बालपण घालवून बसलेला आहे ! त्यामुळे भिडली ! Thanks !

Submitted by धुमकेतू on 22 September, 2009 - 04:21

Happy छान !

Submitted by अश्विनी के on 22 September, 2009 - 04:51

Pages