अष्टविनायक दर्शन : श्री विघ्नहर

श्री विघ्नहर- ओझर, जि. पुणे.

मार्ग- पुणे-नारायणगाव रस्ता. जुन्नर रस्त्यावर ओझरचा फाटा, तिथून ८ कि.मी. कुकडी नदीच्या काठी.

यात्रा- भाद्रपद शु. चतुर्थी व माघ शु. चतुर्थी.

मूर्ती- पूर्वाभिमुख. गाभार्‍यासमोर ओळीने ३ सभामंडप. गाभार्‍यात चारी बाजूंना कोनाड्यात पंचायतनातल्या इतर चार मूर्ती. दीपमाला सुबद्ध, सुंदर.

इतिहास- हे मंदिर १८व्या शतकाच्या अखेरीस बांधले गेले असे म्हणतात. चिमाजी आप्पाने वसई जिंकल्यावर मंदिरावर सोन्याचा कळस चढवला. थोड्याच वर्षांपूर्वी या मंदिराचा जीर्णोद्धार झाला. श्रीमंत बाजीराव पेशवे या विघ्नहराचे अनन्य भक्त होते.