भरली झुकिनी - Bharli ghosali

बेसन थोड्या तेलावर भाजून घ्यावे. त्यात मसाल्यासाठी सांगितलेले इतर साहित्य घालून सगळा मसाला नीट हलवून घ्यावा. कोरडा वाटत असेल तर तेल घालावे. तेल घालण्याचा धीर होत नसल्यास पाण्याचा हात लावावा.

स्वच्छ धुवून पुसून घेतलेल्या झुकिनीचे सारख्या लांबीचे प्रत्येकी तीन तुकडे करावेत. त्यातला गर काढून टाकावा. हा पदार्थ ज्या व्यक्तीनं पहिल्यांदा बनवला त्याच व्यक्तीनं आपला तो हा शब्द अस्तित्वात आणला असावा अशी शंका घ्यायला भरपूर वाव आहे.

झुकिनीच्या तुकड्यांना पाणी सुटतं. ते पुसून घ्यावं आणि अफजलखानाला तोफेच्या तोंडी द्यायचं आहे अशा आवेशात एकेका तुकड्यात मसाला ठासून भरावा.

पसरट कढईत किंवा पॅनमध्ये थोडंसं तेल गरम करून त्यात हे तुकडे सोडावेत. (झुकिनीच्या) पाठी सगळ्या बाजूंनी छान खरपूस भाजून/तळून घ्याव्यात.

पाठी शेकल्यावर सगळे तुकडे उभे करून बुडं (झुकिनीची) शेकावीत.

उरलेला मसाला भाजीवर भुरभुरवून, कढई/पॅनवर झाकण ठेवून मंSSSद आचेवर भाजी शिजू द्यावी. आवडत असल्यास तीळ पण घालावेत. तो मसाला पण छान खरपूस होतो.

पोळीसोबतच चांगली लागते ही भाजी.