रान संपत्ती

रानातील संपत्ती म्हणून रानातील नॉर्मल फ्लोरा / फाऊना विचारात घेऊन आढळणारी पाने, फुले, फळे, प्राणी, पक्षी, किटक व त्यांचे उपयोग यांच्याबद्दल लिहिलंस तर अजून उत्तम लेख होईल.

छानच.
अळूला आलेलं फूल प्रथमच पाहिलं.

ती पांढरी फुले आहेत ती म्हणजे पेवाची. ('पेव फुटणे' मधले पेव. त्याच्या फांदीवरची पानांची स्पायरल रचना सर्व पानांना सूर्यप्रकाश मिळावा म्हणून असते. फोटोत तशी एक फांदी दिसते आहे.)

वा!!जागू..खूप सुरेख फोटो.. मीपण अळूचं फूल पहिल्यांदाच पाहिलं.. मला तर माहितच नव्हतं अळूला फुलं येतात ते!!
लले..तुलापण धन्स..
रस्त्याच्या कडेने जाताना, गवताच्या पातींमधे उगीचच इकडे तिकडे फुललेली बिन नावाची पांढरी,पिवळी,निळी,जांभळी इवली इवली फुलं सुद्धा डोळ्यांना किती आनंद देऊन जातात नै?

मला तर माहितच नव्हतं अळूला फुलं येतात ते!! >> अय्या मला पण नव्हतं माहीत.

सगळेच फोटो खासच!!!

मला तर माहितच नव्हतं अळूला फुलं येतात ते!! >> अय्या मला पण नव्हतं माहीत. >> मला पण .. मला पण

जागू मस्तच ग सगळे फोटो

मी बघितलं होतं आजोळी

छान आहेत फोटो!!!

छान हिरवं गार वाटलं फोटो बघुन. शेवटुन दुसरा फोटो बघताना मला मिनीएचर ड्रॉईंग बघत असल्यासारखं वाट्लं, ती छोटी छोटी पानं बघुन.

छान फोटो , मला पण माहित नव्हतं अळूला फुलं येतात ते!!

हिरवी हिरवी पानं आणि नाजूक, डौलदार फुलं.... निसर्गाची ही संपत्ती खरंच लक्षवेधक!

जागु मस्तच ग, अळुच फुल पहिल्यांदच पाहिल

मला तर माहितच नव्हतं अळूला फुलं येतात ते!! >> अय्या मला पण नव्हतं माहीत. >>>>>

+१+१+१+१

पहिल्या प्रचितल्या गोंड्यांच्या झाडाला कोंबडा किंवा आघाडा (की केना?) म्हणतात असे आठवते. गणेशाला/हरतालिकेला लागणार्‍या पत्रींमधे याचा समावेश होतो.

तेरड्याची फळे हिरवी असतांनाच (खरेतर काहीशी सुकून पिवळसर झाल्यावर) बोटांच्या साध्या इशार्‍यांनीही टचकन उलगडून आतील काळसर बिया सैरावैरा उडतात, तर हिरव्या आवरणाची तत्काळ वळकटी वळली जाते. लहानपणी यांच्याशी खूप खेळल्याची स्मृती अजूनही ताजी आहे.

जागू. हा लेख त्यातल्या प्रचिंसकट खूप आवडला. बिते हुए दिन ... याद आले.

मस्त हिरव हिरवगार
अळूच्या झाडाला आलेले फुल पहिल्यांदाच बघतेय.

जागू, आत्ताच हे सगळे बघून आलो. तेरड्याच्या काही वेगळ्या प्रकारांचा झब्बू देतो उद्या.
तेरड्याच्या जाड देठाचा, पाटी पुसण्यासाठी छान उपयोग होतो. त्याच्या बियांपासून तेल निघते आणि ते खाद्य असते.
पेव फूटणे, हा शब्दप्रयोग हळदीसाठी वापरतात. जमिनीत मोठे खड्डे करुन त्यात हळद ठेवतात. (असे केल्याने हळदीला तो स्वाद आणि रंग येतो.) त्या खड्ड्यांना पेव म्हणतात.

तूमच्याकडे धायटी नाही का ? आपल्या सगळ्या घाटांत, लगतच्या उभ्या भिंतीवर हे झुडूप आहे.
त्याची काही पाने लाल असतात. आणि फूले लालभडक असतात.
घाटात वाया जाणारे हे फूल, तोळ्यावर विकले जाते एवढे ते किंमती आहे.
द्राक्षासव सारखी औषधे करण्यासाठी ते लागते.

जागु, छान फोटो
अळुचं फूल मात्र पहिल्यांदाच बघितलं.

त्याची काही पाने लाल असतात. आणि फूले लालभडक असतात.

दिनेश फोटु टाका ना.. आणि एवढे तोळ्यावर विकले जाणारे काय असते त्यात तेही सांगा..

जागू, तो पहिला फोटु आहे ना, (त्याला कुर्डू म्हणतात बहुतेक, दिनेशबरोबरच माझी चर्चा चालु होती त्याबद्दल ) त्याच्याच एका जातीबद्दल तु लिहिलेस, गोल असतो म्हणुन.. माझ्याकडे त्याचे रोप होते बरीच वर्षे. त्याचे इंग्रजी नाव काहीतरी होते आता आठवत नाही, पण माझ्या बाईने त्याचे लोकल नाव गोलबंद म्हणुन सांगितलेले. ते गोळे एकदम मस्त दिसतात. डार्क गुलाबी रंगाचे होते माझ्याकडे, पण राणीबागेतल्या प्रदर्शनात ते लाल्भडक, पांढरे आणि केशरीही पाहिले होते.

तुझी कोरांटी मला चटकन ओळखीची वाटत नाहीये. म्हणजे तशी ओळखीची वाटतेय, रानात ही रोपे बघितलीय, ज्यांना पेरापेरावर फुले येतात अशी.. पण मी जिला कोरांटी म्हणुन ओळखते ती ही नाही बहुतेक. ती फक्त फुलेवाली आहे आणि ती फुलेही अबोलीची कशी टोकाला येतात तशी येतात. १५-२० वर्षांपुर्वी बायका त्याचा गजरा करुन घालायच्या (खरेतर गजरा हा शब्द चुकीचा आहे या प्रकारच्या फुलासाठी, तिथे वळेसार हाच शब्द पाहिजे). अबोलीच्या वळेसारापेक्षाही हा भरगच्च आणि भारी दिसायचा. शिवाय रंगांमध्येही वैविध्य. वर तु दिलेला रंग तर असायचाच, सोबत अबोलीही असायचा. आता बाकीचे रंग आठवत नाहीत... (मी तर सांताक्रुझमध्येही कोप-याकोप-यावर कोरांटी पाहिलेली, आता अशक्य गोष्ट झालीय ही )

प्रचि मस्त...
माहिती पण छान...

हे खास जागूसाठी, (साधनासाठी धायटी पण टाकतोय.)
निसर्गात, पांढरा, गुलाबी आणि फिक्कट जांभळा रंग दिसतो. अगदी छोटा गुलाबी आणि मोठा जांभळट गुलाबी, ढाल तेरडा दिसतो.
बागांमधे डबल तेरडा दिसतो. त्यात तर अनेक रंग असतात. (तेरड्याच्या फूलाच्या मागे एक नांगी सारखा भाग असतो.) ढाल तेरडाच तेवढा पूर्ण उमलतो. बाकीचे पूर्ण उमलत नाहीत.
ही तेरड्याची सुधारीत वाणं. फूल, रंग, आकार सगळेच देखणे.

हि आहे धायटी. पार्श्वभुमीवर लाल पिवळी पाने अंधुक दिसताहेत. हा फोटो पावनखिंडीजवळ घेतला होता. शिवनेरी वर पण दिसली होतीच. बहुतेक सर्व घाटात. रस्त्याजवळच्या उभ्या कड्यावर हि असतेच. द्राक्षासव वगैरे करताना, हि फूले अल्कोहोल निर्मितीचे काम करतात. (म्हणून एवढा भाव हो.) तशी नुसती खाल्ली तरी गोड लागतात. (पण किती तोळे खाल्ल्यावर विमान उडायला लागते, ते माहित नाही. )

वाह मस्तच फोटो...

मस्तच !!
आणि सर्वच फोटोंमधला हिरवा रंग अगदी बेस्ट!!

जागू खरंच ही फार अमुल्य संपत्ती आहे, जतन करण्यासारखीच

धायटी बघितल्याचे आठवत नाही मला पाहताच एकदम डाळिंबच वाटले. तशीच लहान पाने व फुल..

पण किती तोळे खाल्ल्यावर विमान उडायला लागते, ते माहित नाही

जेवल्यावर खायची पाचसहा तोळे, पोटात होईल अल्कोहोल निर्मिती, आणि आपोआप विमान ३५००० फुट वर गेल्याचा भास होईल

धन्यवाद दा

मला पाहताच एकदम डाळिंबच वाटले. तशीच लहान पाने व फुल.. >>>>अगदी अगदी, मलापण ते डाळिंबाचेच फुल वाटले.