मासे १०) मोदकं (भिळजे)

मस्त याला मोदकदेखील म्हणतात ना...

जागु, ह्याला मोदकं पण म्हणतात का गं??

चांदिच्या चिप्स !

का? का ? का असा छळ परदेशातल्या लोकांचा

मस्त माहिती देत आहात. जमल्यास या माशांचे सायंटिफिक नाव पण टाकाल का ?

मोदकं कुठे मिळाली तुला जागू?

मस्त आहे हां तुमची ही लेखमाला! मी तर कुठलीच नावं सुद्धा ऐकलेली नाहीत (पक्का घाटी)
शेवटी तयार होणारा पदार्थ मात्र दर वेळी एकदम मस्त दिसला आहे! कधी योग येइल आम्हाला असं काही खायचा ते आता न बोललेलच बर!

मोदकांची मोटली पण करतात.
त्यासाठी सागाच्या पानाची पत्रावळ करायची. त्यात हळदीची पाने ठेवायची. त्यावर मसाला लावलेली मोदकं ठेवायची. मग हे सगळे बांधून खोलगट तव्यात ठेवायचे. वर दुसरा तवा झाकायचा. आणि सगळे मंद आचेवर भाजायचे.

देखणे आहेत मासे आणि फिनिश्ड प्रॉडक्ट पण !
मोदक का म्हणतात पण या माश्यांना :)?

आनंद देतात म्हणून मोदक !!!
खरे तर मोदकं असा शब्द आहे.

ही मोदके बाजारात पाहिली अनेकदा. पण इंचभर माशात साफ करणार काय आणि खाणार काय असा विचार करुन कधी घेतलीच नाहीत

परदेशस्थ मित्र मैत्रिणींनो, जेव्हा देशात याल तेव्हा एक उरण ट्रीप करा. किनार्‍यावर जाऊन फ्लेमिंगो पहा आणि मग जागूच्या घरी जाऊन पोटभर खा आणि चटई पसरुन ताणून द्या

साधना,
मोदकं एकदा खाच खुप सुंदर लागतात. जेवायची वेळ झाली आहे..तोंडात पाणी आल

हो.. आता आणते आणि करते..

दिनेशनी लिहिलीय ती रेसिपी आमच्या गावी नदीतल्या माशांवर वापरतात. नदीत मोदकांसारखेच बारीक आणि इंच-दिड इंच आकाराचे मासे मिळतात.

नदीवर कपडे धुवायला जाताना सोबत एक मोठा टोप, टोपाच्या तोंडाला बांधता येईल एवढ्या आकाराचा एक फडका, आणि गव्हाची मळलेली लिंबाएवढी कणिक/शिजवलेला थोडासा भात एवढे सामान घेऊन जायचे. तिकडे गेल्यावर ती कणिक/भात टोपात ठेवायची (गव्हाची कणीक पाण्यात लगेच विरघळत् नाही) टोपावर फडका बांधायचा आणि फडक्याला मध्यभागी एक भोक करायचे. मग ठेऊन द्यायचा तो टोप पाण्यातल्या एखाद्या दगडाजवळ. कपडे धुवायला साधारण तासभर लागायचा. ते धुवुन झाले की टोप काढायचा पाण्यातुन. आत २५-३० मासे तरी गोळा झालेले असायचे. बिचारे टोपात खाण्यसाठी उतरायचे पण परतीचा रस्ता मात्र सापडायचा नाही त्यांना.... मग घरी नेऊन त्यांना साफ करायचे, दिनेशनी लिहिलीय तशी मोटली (अर्थात केळीच्या पानात) बांधुन निखा-यात टाकायचे. भाक-या भाजुन होईपर्यंत मोटली तय्यार. मग गरम्गरम तांदळाच्या भाकरीबरोबर ताव मारायचा मस्त...

नदीत कपडे धुताना पायांना मासे गोड चावा घेतात. असे बरेच मासे चावायला लागले की दुस-या दिवशी मी आणि मावशी टोप घेऊन जायचो आणि त्या चावणा-या माशांना घरी आणायचो.

कुणाच्या पायाला चावण्याबद्दल केवढी हि शिक्षा, माश्यांना !!
मी मागे इथे लिहिले होते वाटते. घाना देशात, अख्ख्या शहाळे फोडून त्यात असे मासे आणि मसाले घालतात, मग परत झाकण ठेवून थोडी माती लावून, अख्खे शहाळे विस्तवात भाजतात. आतले मासे त्या कोवळ्या खोबर्‍याबरोबर शिजतात.

घाना देशातच कशाला, आपणही हे करुन बघु शकतो की. माशांच्या जागी चिकन्/मटण पण ट्राय करता येईल.... गावी गेली की करेन हा उद्योग.. फक्त शहाळी वाडीतुन मागवावी लागतील

जागु, मग रेसिपी टाक ना...

इथे एक्-दोन वर्षांपुर्वी कोणीतरी पोपटीची कृती टाकली होती. ती वेज होती बहुतेक..

जागू तुझ्या सचित्र पाकृ मुळे आणि साधना तुझ्या प्रत्येक प्रतिसादामुळे वाचुनही नव्या खाद्यजगाची आणि संस्कृतीची ओळख झाल्यासारखं वाटतं. धन्यवाद.
मी वाचत असते नेहमी. शाकाहारी असल्यामुळे खायचा योग येणार नाही कदाचीत.

मोदक नाही मोदकं म्हणा!
छोटुल्या पेडव्यांची पण मोटली मस्त लागते.

त्यांना कोकणात "बुरीयाटे" असही म्हटलं जातं.