खस्ता कचोरी

गरम पाण्यात मीठ, इनो, बटर घालून एकत्र केलेलं कॉर्न फ्लावर आणि मैदा घट्ट भिजवून घ्यायचा. गोळा फुलक्यांच्या कणकेपेक्षा जास्त घट्ट भिजवायचा. त्याव्हे १०-१२ गोळे करून ओल्या कपड्यात गुंडाळून घट्ट डब्यात बंद करून अर्धा तास तरी मुरु द्यायचे.

मूगडाळ रात्रभर पाण्यात भिजवून सकाळि निथळायची. फोडणीत तेल घालून जीरं, हिंग,मूगडाळ घालून परतायचं (पाणी निघून जायला हवं). आलं मिरची पेस्ट घालून परतायचं. बाकी पावडरी घालून झाकण ठेवून न जळू देता ४-५ मिनिटं वाफवायचं. रुम टेंप ला थंडं करून फूड प्रोसेस्रमधून जितपत बारिक होईल तितपट (पाणी न घालता) वाटूण घ्यायचं. बारा भागात डिवाइड करायचं.

हे सारण मोदकाप्रमाणे वरच्या पारित (कव्हरमधे) भरून हलक्या हातानी लाटायचं. सगळ्या कचोर्‍या लाटून फ्रिजमधे तासभर ठेवून मग गरम तेलात खरपूस तळायच्या. सारण लाटाताना बाहेर यायला नको. तळण्याआधी प्रत्येक कचोरीला बोटाने मध्यभागी हलकं दाबून तो भाग आधी वर घेऊन तळायचं.

खायला देताना गार दह्यात चाट मसाला-तिखट मीठ साखर घालून फेटायचं. हे दही कचोरीवर घालून त्यावर हिरवी चटणी, गोड चटणी, कांदा, कोथिंबीर आणि शेव घालून द्यायचं.