गव्हाचा खिचडा (यम्म्मीSSSS)

झक्कास नानबा,
मस्त पौष्टिक पा.कॄ.टाकत्येस!

असाच ज्वारीचा केला तर चांगला होइल का? घरी ज्वारी आहे म्हणुन विचारतेय.

हिर्वि मिरची विसरलीस का? थोडे तांदूळ पण चांगले लागतात त्यात.

आता भिजवतेच आणि तीन दिवसांनी सांगते प्रयोग फसला का तडीस गेला ते.

नानबा! गहु ३ दिवस भिजवायचे म्हणजे 'कुरडई'ला भिजवतो तस का?मग ३ दिवसानी दळल्यावर ते चिकट नाही का होत कि गहु कोरडे करून दळायचे?.

छान पाकृ! मला करून नाही पाहता येणार, गहू वगैरे मिळणे अवघड आहे!

अगं, तू पाकृच्या नावात यम्मी वगैरे लिहील्याने कदाचित पाकृ शोधायला त्रास पडेल असं वाटतंय. मला तर बर्‍याचदा पाकृच सापडत नाहीत, म्हणून विचार आला डोक्यात.

मस्त. इथे हैद्राबादेत त्यात खीमा/ मट्न व गरम मसाला घालतात. येथील पेट डिश आहे. वन डिश मील मध्ये पण येइल नाही का? पण नाने, किती हे घरकाम करतेस ग. थोडी झोप घे दुपारी

नानबा, सही पाकृ!
मंजुताई, ज्वारी भिजवू नकोस, वर नानबाने सांगितले आहे ना दलियाच्या खिचडीबद्दल तसे कर. आई करते एकदम यम्मी!

हो का? आत्ताच भिजवले गं. आता त्या भिजवलेल्या ज्वारीचे काय करु?

नानबा असाच बाजरीचा करतात. (मी मागे लिहिली होती कृति) तो मसालेदार असतो.
गहू भिजवलेले पाणी टाकायचे नाही. ते प्यायले तरी चालते. किमान भाजी आमटीत वापरावे.

कुरडईचं पीठही असंच भिजवतात..ते ही दुधासोबत छान लागतं आंबट आंबट..:)

निबंध, भिजवलीस आहेस ज्वारी तर मग त्याच्या पापड्याच कर. म्हणजे मग तूझा नेहेमीचं घरकाम केल्यावर उरणारा वेळ सत्कारणी लागेल...

भारी आहेस की..

दिनेशदा लिंक द्याल का म्हण्जे मीपण बघेन आणि त्या भिजवलेल्या ज्वरीचे ट्राय करेन.
अल्पना

वाचल्यावर रहावलचं नाही. घरी इथे गहू तर नसतो माझ्याकडे, म्हणून आज लगेच दलिया वापरून बनवला खिचडा. अहाहा..:) एरवी जेवायचं म्हटलं की नखरे करणार्‍या लेकानेही खूप आवडीने खाल्ला.
आता गहू आणून करणार.

हि मी अगदी पहिली पहिली लिहिलेली कृति. पण माझी नव्हती (म्हणून इथेच लिहितोय) थोर कवयित्री शांता शेळके, यानी खुप वर्षांपुर्वी कालनिर्णय मधे लिहिली होती.
ती साधारण अशी,
दोन कप बाजरी, पाण्याचा लात लावून सडायची (धुवून निथळून, ओलसर असतानाच मिक्सरमधून जरा फिरवली तरी चालते ) आणि पाखडून कोंडा काढायचा. हि कृति फ्क्त बाजरीतला कोंडा निघण्यापुरतीच करायची. बाजरी बारिक करायची नाही.
मग ती भिजत घालायची. त्या बरोबर वेगवेगळे, मूठ मुठ भर तांदूळ, चण्याची डाळ, आणि शेंगदाणे भिजत घालायचे.
तेलाची फोडणी करून त्यात उभा चिरलेला कांदा परतायचा. त्यात काळा मसाला व आवडीप्रमाणे लाल तिखट घालायचे. मग त्यात पाणी ओतायचे. त्याला उकळी आले कि तांदुळ, डाळ आणि दाणे वैरायचे.
ते शिजले की बाजरी टाकायची. मीठ टाकून शिजू द्यायचे. मग तूप घालून खायचा.
हा प्रकार कूकरमधे चांगला होतो. पण थंडीत खायला छान.
शिळा झाला तरी चांगला लागतो. बाजरी उष्ण पडत असेल तर डाळ, तांदुळ वाढवता येतात. यातच मसाला न घालता, दूध गूळ घालूनही हा खिचडा चांगला लागतो.
आज अनेक वर्षानंतर, त्यांच्या अवीट गाण्यांसारखीच, हि कृति पण लक्षात आहे.

दिनेशदा आता एक अडाणी शंका मी काल रात्री ज्वारी भिजवली आहे त्याचा कोंडा नाही काढला तर चालेल का? म्हण्जे नुसताच ओबड-धोबड मिक्सीमधुन काढले तर चालेल का?

मस्त आहे रेसिपी.

तुझ्या कृत्या सोप्या व चविष्ट व पौष्टीक असतात नानबा. ही पण करुन पाहीन. ह्यात भाज्या नसल्या तर बाजुला वाडगाभर कोशिंबीर करुन ठेवेन. प्रोटिन्स साठी डाळसुप वगैरे ठेवीन. झाले समतोल.
काल ती गोधुकीमा केली. छान लागली.

निबंध चालेल. कदाचित धुताना, काहि कोंडा बाजूला होईलच.

अहाहा आत्ताच केला ज्वारीचा खिचडा एकदम यम्मी
आता माझी रेसिपी - ज्वारी एक वाटी, ह.डाळ, तांदुळ, आणि शेंगा प्रत्येकी एक मुठ असे सगळे वेगवेगळे भिजवले. ज्वारी दोन दिवस बाकीचे सगळे एक रात्र भिजवले. सकाळी तांदुळ ,डाळ पहिले मिक्सीमध्ये पाण्याबरोबर भरड वाटुन घेतली नंतर ज्वारी, कढीपत्ता, हि.मिरची थोडाजास्तवेळ (थोडी जास्त बारिक)मिक्सिमध्ये पाण्याबरोबर भरड वाटुन घेतली. मी कोंडा काढले नाही. मग कुकरमध्ये फोडणी करुन त्यात बारिक चिरलेला कांदा, लसुण घातले. नंतर वरिल धान्य, शेंगा, १/२ चमचा मेथी पावडर, मीठ, कोथिंबिर घालुन, तीन वाट्या पाणी घालुन एक उकळी आली की कुकर लावला आणि एका शिट्टीनंतर ग्यास बंद केला. गरम-गरम खिचडा, तुप व लोणच्याबरोबर खाल्ला. थोडे थंड झाल्यावर दह्याबरोबर पण मस्त लागला.
दिनेश, नानबा धन्यवाद! आज इथे ६ इंच स्नो झाल्यामउळे थंडीत गरम-गरम खायला मजा आली.

सही! मंजुताई, ही रेसिपी वेगळी लिहायची ना.

नानबा, ही रेसेपी सार्वजनिक कर ना. मी खिचडा म्हणून सर्च दिला तर दिसलीच नाही रेसेपी. (मग आधी पोह्याच्या उकडीचा सर्च दिला आणि तिथून तुझ्या पाऊलखुणांमधून इथे आले. )

करून बघितला खिचडा. एकदम प्रेमात पडलेय पदार्थाच्या! २-३ दिवस आधी भिजवून ठेवणे सोडले तर एकदम सोप्पाय पदार्थ. बरोबर एखादे सॅलड घेतले की बासच!