महाशिवरात्रीचा ताक-भात

Submitted by हर्ट on 12 February, 2010 - 10:24
प्रत्यक्षात लागणारा वेळ: 
१५ मिनिटे
लागणारे जिन्नस: 

१) पाव वाटी तांदूळ
२) अर्धी-पाव वाटी चन्याची डाळ - भिजवलेली
३) एक चमच मोहरी
४) मोहरी फोडणी द्यायला तूप
५) मीठ
६) कढीपत्त्याची पाने
७) चार ग्लास ताक

क्रमवार पाककृती: 

१) आधी पाव वाटी तांदळाचा भात करुन घ्यायचा.
२) कढईत मोहरी आणि कढीपत्त्याची पाने तूपात फोडणी द्यायची.
३) वरतून चार ग्लास ताक ओतायचे.
४) ताकाला एक उकळी आली की त्यात भिजवलेली चना डाळ घालायची
५) लगेच भात घालायचा आणि संथपणे ढवळायचे.

ताक भात तयार. तमिळ लोकांमधे हा भात उपासाला चालतो. तुम्ही उपास नसेल तेंव्हा करा.

आज झाले काय की मला वरीची गोड खीर करायची होती उपास होता म्हणून. पण सकाळी तेवढा वेळ मिळालाचं नाही. ऑफीसजवळ एक तमिळ मंदीर आहे. तिथे दुपारी गेलो पण ते बंद झाले होते. मग संध्याकाळी गेलो त्यावेळी महाशिवरात्रीनिमित्त तिथे बरीच गर्दी होती. मी लगेच पुजा आटोपून पायरीवर बसलो. कुणीतरी मला एका ग्लासात हा ताक भात आणून दिला. मी आजूबाजूला पाहिले तर एक पुजारी सर्वांना पेल्यात हा वाफाळता ताक भात देत होता. मी एक पेला ताक भात पिऊन तृत्प झालो. चवीला तो एकदम खंग्री झाला होता. तशी त्यांना कृती विचारायची गरज नव्हतीचं कारण खाताना हा पदार्थ कसा बनवला असेल याबद्दल कधीकधी आपसूकचं कळते. तरी मी त्यांना विचारले व त्यांनी अशीच कृती सांगितली.

वाढणी/प्रमाण: 
हवे त्याप्रमाणॅ
अधिक टिपा: 

ताक पातळ असावे आणि भात नावापुरताच असावा.

माहितीचा स्रोत: 
तमिळ मंदीर
आहार: 
शाकाहारी
पाककृती प्रकार: 
आमटी, कढी, पिठले
प्रादेशिक: 
दाक्षिणात्य
शब्दखुणा: 
ताक-भात
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

बरोबर पायसम गोड असते. एक तमिळ माणूस मला म्हणाला हे पोरेज आहे म्हणून. पोरेज असे नसते ना पण Happy आणि मंदीरात का कुणी पोरेज देतील Happy

पायसम मधे कधी कधी कापुरचा वास का येतो?

Submitted by हर्ट on 12 February, 2010 - 10:39

मी असंच फोडणीविरहीत तांदूळ, चणा डाळ प्रकरण प्यायलेय.पण हा प्रकार करुन बघायला हरकत नाही.
पायसम खरंतर गोडच असतं म्हणजे असायला हवं पण साखर नावालाच असते त्यात. त्यामुळे माझ्याच्याने तो पातळ भात पिववत नाही.

Submitted by सायो on 12 February, 2010 - 10:40

कधीकधी पायसम मधे साबूदाणा आणि शेवया दोन्ही असतात आणि काजूचे काप पण असतात. त्यामुळे ते छान लागतात. पण हे मात्र खरे की पायसम जरा फिके असते.

Submitted by हर्ट on 12 February, 2010 - 10:42

नाही पण मी जे अगदी ऑथेंटीक पायसम प्यायलेय.. अगदी मस्त गाढ, तेव्हापासुन मी फॅन झाल्ये पायसमची..
आपल्याकडची तांदळाची खिर आवडत नाही मला...
माझ्या सासरी आमची कॉलनीमधे ९०% तामिळ वस्ती आहे. त्यांचे निरनिराळे कार्यक्रम सतत चालु असतात. जेवण तर असतातच.
अजुन एक पायसमचा प्रकार मी चाखलाय त्यात साखरे ऐवजी गुळ असतो... यम्मी लागत ते पण.

Submitted by अमृता on 12 February, 2010 - 10:50

मी गुळाची खीर कधीच पिली नाही. माझी आई तांदळाच्या पिठाची जी वेलची आणि खवलेले खोबरे घालून खीर करते ती मला सर्वात जास्त आवडते.

अमृता, त्या गुळाच्या खारीची कृती लिहि ना येत असल्यास.

Submitted by हर्ट on 12 February, 2010 - 10:53

सायो, इसका मतलब तुने पि ही नही.. Happy

गुळाची खिर नाही येत रे मला बी... सासरी विचारुन बघते.. तिथल्या एखाद्या मामी कडुन मिळेल.

Submitted by अमृता on 12 February, 2010 - 11:12

खरंतर महाराष्ट्रातच उपासाला साबुदाणा, बटाटा, शेंगदाणे अशा पचायला जड असलेले व पित्तकारक प्रकार उपासाला चालतात. Happy त्यापेक्षा हा ताकभात बरा लागतो. आमच्याकडे कर्नाटकात तांदूळ चालत नाहीत पण रवा चालतो. त्यामूळे बर्‍याचदा उपासाला उप्पीट अथवा शिरा असतो. Happy

ऑथेंटिक पायस्सम... ह्म्म्म...

Submitted by नंदिनी on 13 February, 2010 - 09:19

मंगलोरची कोंकणी लोकं तर उपासाचा भात पण खातात. साबूदाणा फक्त आपल्याचंकडे बहुतेक उपासाला वापरतात.

Submitted by हर्ट on 13 February, 2010 - 09:51