कसे आहात बच्चे मंडळी? मजेत ना?
अभ्यास करताय ना? काय म्हणता ? अभ्यासाचा कंटाळा आलाय ?
तुमचा कंटाळा घालवण्यासाठी यंदाच्या मराठी भाषा गौरव दिनानिमित्त आम्ही तुमच्यासाठी घेऊन आलो आहोत एक मस्त उपक्रम - अक्षरचित्र
अक्षरचित्र म्हणजे अक्षरांपासून बनवलेली चित्रं. पण ही अक्षरं देवनागरी हवीत बरं का!
तुमची कल्पनाशक्ती लढवून तुम्ही एका अक्षरापासून कितीही चित्रे बनवू शकता. उदाहरण म्हणून ही पहा दोन चित्रे.
चला तर मग! लागा तयारीला. मस्त मस्त चित्रे तयार करा, रंगवा आणि आम्हाला पाठवा. आम्ही वाट पाहतोय.
नियम -
१. 'मराठी भाषा गौरव दिन २०२५' या ग्रुपमध्ये नवीन धागा काढून त्यात लेखन करावे.
२. हा छोट्या दोस्तांसाठीचा उपक्रम आहे, स्पर्धा नाही. हा उपक्रम फक्त मायबोलीकरांच्या मुलामुलींकरता आहे.
३. वयोगट - 15 वर्षे पर्यंत.
४. धाग्याचे नाव "मभागौदि २०२५ - अक्षरचित्र - पाल्याचे नाव - मायबोली सदस्यनाम किंवा खरे नाव (ऐच्छिक ) अशा प्रकारे द्यावे.
५. एक सभासद एकापेक्षा अधिक प्रवेशिका देऊ शकतो.
६ . प्रवेशिका देण्याची अंतिम मुदत : अमेरिकेच्या पश्चिम किनाऱ्यावरील प्रमाणवेळेनुसार (पॅसिफिक टाइमझोन) २८ फेब्रुवारी २०२५ रोजी रात्री १२ वाजेपर्यंत.
छोट्या दोस्त मंडळींनो, पाठवताय ना मग तुम्ही काढलेली छान छान चित्र ?
झ का स !
झ का स !
खूपच छान उपक्रम.
लग्गेच ५-६ चित्रं सुचलीत पण अटींमधे “वयोगट - 15 वर्षे पर्यंत” हे वाचले अन् खट्टू झालो.
मानसिक वय कंसिडर कराल का ?