भारत का दिल देखो (पाककृती): उपजे / उब्जे

चण्याची डाळ रात्रभर पाण्यात भिजवून ठेवावी. ( हा वेळ पूर्वतयारीत धरला नाही)
तांदुळाच्या कण्या कढईत किंवा तव्यावर हलक्या कोरड्याच भाजून घ्यावा.

कण्या भाजल्यानंतर 5 मिनिटे पाण्यात भिजवून ठेवून नंतर उपसून घ्यावे. त्यातच रात्रभर भिजवलेली चणाडाळ उपसून एकत्र करून ठेवावी.
सर्वप्रथम 3 कप पाणी आधण ठेवणे.
एका जाड बुडाच्या पातेल्यात किंवा लहान कुकर मध्ये फोडणीसाठी तेल गरम करून त्याला हिंग, मोहरीचा कडक तडका द्यावा. त्यातच लाल मिरच्या, कढीपत्ता आणि हळद घालून उपसून ठेवलेल्या कण्या आणि चण्याची डाळ घालावी. खोवलेले नारळ घालावे. दोन मिनिटे परतल्यावर धणेपूड व चवीनुसार मीठ व साखर घालावी.
एका लिंबाचा रस पिळून हलकेच परतून घ्यावे.
आधणाचे पाणी घालून झाकण ठेवून भात शिजू द्यावा. ( भात मोकळा शिजायला हवा त्यानुसार पाण्याचे प्रमाण घ्यावे.. कुकर मध्ये करत असल्यास 2 शिट्ट्यांमध्ये काम होते)
वाफ जिरली की लगेच गरम गरम खायला घ्या. वरून बारीक चिरलेला कांदा व कोथिंबीर छान लागते.