चित्र खेळ - प्रकाशचित्रांचा झब्बू - विषय क्रं-८ - माझ्या घरातून दिसणारा परिसर

माझा धागा होता, तुमच्या खिडकीतून काय दिसते...
थांबा आता तिथलेच फोटो आणतो

होय त्याचीच आठवण झाली ऋ. आणि भरपूर फोटो आहेत त्या धाग्यावर .

हा शांत परिसर आहे लाँग आयलंड, न्यु यॉर्क. शहराच्या गजबजाटापासून दूर आणि तरीही सार्वजनिक वाहतूकीच्या सर्व साधनांनी सुसज्ज. या खिडकीशी छंद म्हणुन, माझे स्तोत्रे, गुरुग्रंथसाहीब यांचे वाचन, पठण चाललेले असते. होम ऑफिसही याच कोपर्‍यात थाटलेले आहे.

पुढच्या फोटोत मुलीच्या खोलीच्या खिडकीतून दिसणारा परिसर टाकेन.

.
समोरच्या बंगल्याला कुंपण आहे. मग आमचं कॉम्प्लेक्स आणि मधे हिरवळ आहे. मला या हिरवळीवर खरे तर रोज अनवाणी पायांनी चालायचे असते पण हिंमतच होत नाही, कोणीतरी हटकेल म्हणुन. शेवटी आपल्या मालकीचं वेगळच असतं. इथे कोणीतरी कष्टाने राखलेली हिरवळ कशी तुडवायची? मग क्वचित एका बागेत जाउन, लोकांना फिरण्याकरता राखलेल्या हिरवळीवरती अनवाणी चालते.

पण नको सुरुवातीलाच जुना फोटो...
हा लेटेस्ट परवाच तेरवाचा पावसाळी..
ढग दाटून आलेत.. कोसळण्याच्या बेतात आहे..

स्पर्धेसाठी म्हणून पहिल्यांदाच देतोय. आता सोसायटीतले चाणाक्ष एॅंगल बघून अचूक खिडकी ओळखतील

या जागेपेक्षा लहान असतानाचे घर आणि आई वडील राहतात ते घर यांच्याशी इमोशनली कनेक्टेड आहे.

सामो,काय देखणं घर आहे. हेवाच वाटला क्षणभर.
मला आठवड्यासाठी पाहिजे भाड्याने.

धन्यवाद आचार्य.

समोरचं घर फार टुमदार आहे. ते लोक मस्त फळझाडांचे वेल चढवुन बागेत मंडपही घालतात. सतत बागकामात व्यग्र असतात. वयस्कच बाई दिसते व तिचा मुलगा वाटावा इतपत वयाचा तरुण.

आचार्य तुमच्या सोसायटीत पूल आहे की.
ऋन्मेष हे असं पावसाळी वातावरण फार छान वाटतं.

हा मुंबईच्या घराच्या खिडकीतून काढलेला.. गणपती स्पेशल !!
विसर्जन आणि पुष्पवर्षाव

मुलीच्या खिडकीतून थोडी जास्त झाडे दिसतात पण तीच दिशा जी माझ्या वरच्या फोटोत आहे -

हो. सध्या मच्छर असल्याने पाणी सोडून दिले आहे.

हाहाहा

ऋन्मेष हे असं पावसाळी वातावरण फार छान वाटतं.
>>>>

आताही जवळपास असेच आहे.
अर्ध्या तासाने मी काम थांबवून किंवा ब्रेक घेत चहाचा कप घेऊन अर्धा पाऊण तास बाल्कनीत बसेन.. वर्क फ्रॉम होम चे रूटीन आहे हे. दिवसभराचा कामाचा थकवा जातो सारा

सामो या घराचे मालक कोकणी आहेत का ?

आमच्या कडे पण या.येत्या रविवारी पायर्‍यांवर सोसायटीतल्या हौशी कलाकारांचा ऑर्केस्ट्रा आहे ( हे आधी फोडायला नव्हते पाहिजे).
डॉक्टरची सोय पण आहे.

>>>>>>>सामो या घराचे मालक कोकणी आहेत का ?
हाहाहा. कोरिअन आहेत. आमच्या जवळ कोरियन वस्ती खूप आहे आणि ज्यू. gentrification झालेले आढळते.
-------------------
मी अमेरीकेत पहील्यांदा डिस्क्रिमिनेशन पाहीले. आम्ही एका बागेत (पार्क) जात असताना आम्हाला गेटकीपर बाईने झिप कोड विचारला व सांगीतले की आम्हाला त्या बागेत जाण्याची मुभा नाही. आमच्या झिप कोडकरता म्हणे ती बाग नव्हती फक्त आसपासच्या लोकांकरता होती. इतका अ‍ॅफ्लुअंट (उच्चभ्रू, श्रीमंत) परिसर होता. फक्त मॅन्शन्स चे मॅन्शन्स होते.
मला इतकं अपमानास्पद वाटलं प्रचंड.

आमच्या जवळ कोरियन वस्ती खूप आहे >> मस्तच. सतत काही न काही कोरत असतील.

माझा फेवरेट फोटो, आमच्या घराबाहेरचे स्नो लँडस्केप,

मैत्रेयी , सुंदर फोटो.
जंगलातला आहे का ?

मै किती सुंदर. ती खरी हरीणे आहेत?क्वचित देखणा स्टॅग सुद्धा दिसत असेल मग.

>>>>>सतत काही न काही कोरत असतील.
आसपास, कोरिअन फुड मुबलक मिळते. त्यांचा तो ड्राय पॉट अन हॉट पॉट मला अजिबात आवडत नाही ग बाई. इतकं मीट असतं. म्हणजे आपण ऑर्डर करण्यावरती आहे. यु कॅन ऑर्डर वेजीज पण नवरा आणि मुलीला ते मीटच आवडतं. मला अजिबात आवडत नाही.

वाह घराबाहेर हरीण किंवा जो काही प्राणी असेल.. भारी आहे..
इथे रोज खारुताई बघून माझे मन प्रसन्न होते.. हरीण बघणे किती भारी वाटत असेल..

>>>>>आमच्या कडे पण या.
धन्यवाद.
>>>>>>>रविवारी पायर्‍यांवर सोसायटीतल्या हौशी कलाकारांचा ऑर्केस्ट्रा आहे ( हे आधी फोडायला नव्हते पाहिजे). Lol
डॉक्टरची सोय पण आहे.

हाहाहा

र आ - हो घराच्य मागच्या बाजूला पाँड आणि वूडेड एरिया आहे, हा घराच्या खिडकीतून विंटर मधे काढलेला फोटो आहे.
सामो हो खरीच आहेत गं हरणं. रोजच दिसतात. आमच्या भागात हरणे, ससे, कायोटी, कोल्हे , रॅकून, स्कन्क्स, समर मधे कासवं हे कॉमन आहे. क्वचित अस्वल दिसते.

>>>>>आमच्या भागात हरणे, ससे, कायोटी, कोल्हे , रॅकून, स्कन्क्स, समर मधे कासवं हे कॉमन आहे. क्वचित अस्वल दिसते.
वाह!! किती मस्त. रकुन्स, ससे फार गोंडस असतात. अस्वल, कोयोटी, कोल्हे सुद्धा? वॉव.

घरासमोरच्या झाडीत क्वचित रेड टँजर, कार्डिनल, स्टारलिंग्ज किलबिलाट करताना, सुळकन सूर मारताना दिसतात. कार्डिनल दिसला, की मग मी समजते लकी ओमेन इथे कार्डिनल दिसला की पूर्वजांनी भेट दिली असा समज आहे.

It's said that cardinals appear when angels are near and that the cardinal represents loved ones who have passed away. They are seen as messengers from Heaven who deliver words of love and comfort during difficult times.

अंधश्रद्धेपेक्षा मनाला एक सकारात्मक चाळा म्हणुन मला ते बरे वाटते.

वॉव, भारी फोटोज.

हा या वर्षी फेब्रुवारीमधे आमच्या गॅलरीतून काढलेला. टायमिंग आणि नशीबाने जोरदार साथ दिल्यामुळे घरबसल्या नॉर्दर्न लाईट्स बघायला मिळाले.

लकी यू , मंदार!!

मंदार, क्या बात है, अरोरा !!
तुम्ही नॉर्वे किंवा तत्सम देशात राहताय का ?

वर पूलचा उल्लेख झाल्याने हा त्याला झब्बू
नवीनच राहायला गेलो तेव्हाचा फोटो आहे. म्हणून इतका शांत. त्यानंतर सोसायटीतील पोरांनी पूर्ण पैसा वसूल केला आहे

@मंदार _/\_ खासच.
@ऋन्मेष - छान.