फ्लावर बटाटा मटार रस्सा

छान पाककृती आहे. मला आवडते ही भाजी.
एकदा कच्चा कांदा वाटून फोडणीत टाकल्यावर जाम कडवट चव आली होती. तेव्हापासून बा.चिरलेला कांदा तेलात परतते मग बाकिचे जिन्नस घालते. उकडलेला बटाटा असेल तर फ्लॅावर शिजत आल्यावर वरून त्यात घातला तरी छान भाजी होते.

खोबरे नको शक्यतो...त्याची चव ओव्हर पॉवर होता कामा नये.
मंगल कार्यालयातील भाजी छान लागते..मोठ्या टोमॅटो च्या फोडी असलेली

छान आहे रेसिपी! अशा साध्याच भाज्या चांगल्या चविष्ट होणे म्हणजे हाताला चव असल्याचे सर्टिफिकेट

मस्तच आहे रेसिपी. एकदम टिपीकल ‘ब्याड वर्ड‘ टाईप.
माझ्याकडे पण एक मस्त फ्लॉवर बटाट्याची आवडती रेसिपी आहे. टाकतेच थांबा.

मस्त आहे ... फार मसाले नसलेली तरी ही टेस्टी ...

छान आणि सोपी आहे पाकृ. मसाले नसले की भाज्यांची मूळ चव छान खुलून येते.

छान. हिंदुस्तान बेकरीच्या स्लाइस ब्रेड बरोबर रविवार सकाळचा ब्रेफा म्हणून करता येईल. ह्याचे पुणेरी व्हर्जन म्हणजे भाज्या आणि गोडा मसाला, दोन मोठे चमचे ओले खोबरे आणि चिंच गूळ कोळ

मी घरी हेच वाटण करते पण सगळे भाजून घेते मग मिक्सर ला लावते , सर्व रस्सा भाज्यांना चालते हे वाटण

सुंदर!!!
लंपन गोड्या मसाल्याने तर बहारच येते.

गोडा मसाल्याने जरा रंग बदलतो. थोडा ब्राऊनकडे झुकेल.

मस्त - माझी रेसिपी साधारण अशीच, पण वाटण करत नाही - सगळं क्रमाने फोडणीत परतून घेते.
गोडा मसाला, दाण्याचं कूट आणि मुख्य म्हणजे काहीतरी आंबट (सहसा आगळ) आणि गुळाचा खडा मला आवडतो यात. गोग्गोड नाही करायचा रस्सा, पण चवीला एक... गोलाई येते त्याने.

मला पाण्यात शिजवलेला फ्लावर आवडत नाही * त्यामुळे मी सगळे घटक साधारण हेच पण कोरडी भाजी करते. वाटण करत नाही, बारीक चिरून घालते सगळे जिन्नस. माझी एक चुलतबहीण बडि इलायची आणि आपल्याकडे मिळते ती तिखट दालचिनी घालते, फार मस्त स्वाद येतो.

* माझ्या आईची एक रस्सा रेसिपी आहे, ती मात्र अपवाद.

काही टिप्स
१फ्लॉवर वास नसलेला हवा.
२.तसेच छोटा कांदा फोर्क टोचून गॅस वर थोडा भाजून घ्यावा, नंतर चिरून वापरावा .मस्त खरपूस टेस्ट येते.

छान...

मस्त.. आमच्या घराची मोस्ट वाँटेड भाजी..

काल या पद्धतीने केली भाजी. कच्चा कांदा वाटणात घालायची हिम्मत झाली नाही , म्हणून कांदा बारीक चिरुन परतून घेतला. घरचे मटार फ्रीझ केलेले होते. ते वापरले .घटक पदार्थात फोडणीचे साहित्य लिहिले आहे पण कृती मधे मोहरी, हिंग , कढीपत्ता इ दिसले नाही त्यामुळे तेलात कांदा परतला आणि मग वाटण घालून परतले. मस्त झालेली भाजी. नाकार्ड्या मंडळींनी बटाटे आणि रस्सा घेतला पण त्यांना देखील चव आवडली