व्हेजिटेबल राईस नूडल सूप

फो खावून बघितलं नाहीये. आत्ता रेसिपी वाचून बघितली. थोडे लिंबू किंवा आंबट पणासाठी काहीतरी घालावे लागेल आणि त्या बीफ किंवा चिकन स्टॉक मध्ये बरेच गरम मसाले वापरलेले दिसले, तर त्याचा पण फरक पडू शकेल.
( इथे कोणीतरी लिहिली आहे का रेसिपी? कदाचित वर्षू ताई ने इथे किंवा मग फेसबूक वर लिहिली होती)

सुडोमी मोमेंट म्हणजे?>>> सुखाने डोळे मिटणे मोमेंट

प्लीज मला अंजलीची veg स्टॉकची रेसीपी मिळेल का ?>>> माधव नी दिली आहेच. फक्त मी दरवेळी यात काफर लाइम आणि लेमन ग्रास घालत नाही.

नूडल्स घरी करता येतील का? (तांदूळ/गहू)>>> मध्ये एकदा प्रयोग म्हणून गव्हाच्या पिठाचा पास्ता आणि नूडल्स करून बघितले आहेत. तेल, मीठ, पाणी, अंडे घेवून त्यात गव्हाचे पीठ + मैदा मळून घ्यायचा. मळलेले पीठ किमान दोन एक तास बाजूला ठेवायचे. आणि मग त्याची पातळ पोळी लाटून त्या पोळीचे लांब फ्लॅट नुडल्स कापायचे. पीठात टॉस करून ठेवायचे म्हणजे चिकटत नाहीत. ही पद्धत आहे. नुसते गव्हाचे पीठ घेवून चालणार नाही, भरपूर ग्लूटेन तयार होण्यासाठी मैदा किंवा ब्रेड साठीचे पीठ घ्यावेच लागेल थोडे तरी. एकूणच इतकी किचकट आणि वेळखाऊ प्रोसेस आहे की मी एकदा प्रयोग केल्यानंतर परत कधीच करायचे नाही असे ठरवले.
शेवया वापरून बघता येतील नुडल्स च्या ऐवजी.

इडिअप्पमच्या शेवया जरा जास्त नाजूक असतात. वाफवून सूपात घातल्या तर मोडतील बहूतेक किंवा मग गाळ होईल कदाचित. न वाफवता सरळ सूप मध्ये घालून उकळले तर जमेल का हे करूनच बघावे लागेल.

पण एवढे कुटाणे करण्यापेक्षा बाजारातले नुडल्स वापरलेले सोपे. शिवाय आम्ही तरी यात नूडल्स चे प्रमाण खूप कमी ठेवतो. पोट भरण्यासाठी खरे तर यातल्या भाज्या आणि पनीर ( नॉन व्हेज च्या वेळी चिकन) पुरेसे होते. थोडे तरी कार्ब हवे जेवणात स्पेशली मुलांच्या म्हणून नूडल्स.