पाककृती स्पर्धा-१ - तिरंगी पास्ता - sonalisl

पास्ता मीठ घालून उकळत्या पाण्यात ७-८ मि. शिजवून घेतला. चाळणीत निथळला.

पास्ता शिजवतानाच पांढरा सॅास करायला घेतला.

पॅनमधे बटर वितळताच त्यात मैदा परतला. त्याचा खमंग वास यायला लागल्यावर त्यात हळूहळू दूध घालून एकजीव केले. त्यात पास्ता घालून सगळे एकत्र केले. वरून मिरपूड आणि लसूणपूड घातली. पांढरा पास्ता तयार!
पॅनमधे नारंगी मिर्ची परतून लाल सॅास घातला. २-३ मि. परतल्यावर त्यात पास्ता मिसळला. केशरी पास्ता तयार!
पॅनमधे हिरवी मिर्ची परतून पास्ता व पेस्तो सॅास घालून सगळे गरम होईपर्यंत परतून घेतले. हिरवा पास्ता तयार!
हे तीनही एका ताटात सजवले.