सणांचे नैवेद्य/फराळ ४) ऋषीपंचमी - पायनू भाजी

धन्स जागू!

याला बडम म्हणतो आम्ही.

जागू, तुझ्याकडून बर्‍याचप्रकारच्या नैवद्यांची तसेच सणांची छान माहिती मिळणार आम्हाला.

ह्या भाजीतल्या बर्‍याच भाज्या माझ्या आवडीच्या असल्याने मला नक्की आवडणार ह्याची चव.
आमच्याकडे अशी भाजी केल्याचे नाही पाहिले कधी.

आमच्याकडे आजी करायची हा उपवास. सकाळी पाटाला (कॅनल) पाणी असेल तर सगळ्या बायका तिकडे जायच्या आंघोळीला. नाहीतर मग आमच्या विहिरीवरच्या थारोळ्यात आंघोळ. मग पुजा.
दिवसभर बैलांच्या श्रमाचे काही खायचे नाही, गायीचे दुध पण नाही, त्यादिवशी फक्त म्हशीच्या दुधाचा चहा. आजी त्या दिवशी म्हशीचे दुध डेअरीला देत नसे, आजूबाजूच्या बायकांना ते देत असे.

व्वॉव त्या टोपातलं मला पुरणार नाही....

पण खरच ही बिनफोडणीची पौष्टीक आणि चविला अप्रतिम अशी भाजी लागते. >> हो, आणि गरम असतानाच घेतली तर आणखी छान लागते.

अज्जीची आठवण आली....

आमच्या घरी बनते ही भाजी दरवर्षी.
ऋषीपंचमीला ती लांब खोडवाली भाजी लाल जांभळ्या रंगात सुध्द्दा येते (तिला आम्ही ऋषीची भाजीच म्हणतो)
कशी बनते ते माहीत नव्हते फक्त भकाभका ढकलायचंच माहीत होतं......

आज कळलं सोप्पी आहे रेसिपी ते, धन्स जागुतै...

एका ऋषीने भूक लागली म्हणून कुत्रा खाल्ला होता तो संदर्भ आहे.

माझी अत्यंत आवडती. एकटा असलो तरी करतो (आणि मग ती आठवडाभर खावी लागते. पण तरिही आवडते.)

जागु , माझ्या माहेरी बनवतात हि भाजी ऋषीपंचमीला . पण त्यात दहि नाही टाकत ,चिंच टाकतात .
त्या सेवन करण्यासाठी लागणार्या घटकांना आमच्याकडे पायनू भाज्या असे म्हणतात>>>> आमच्याकडेहि याभाज्यांना पायनू भाज्या म्हणतात.

मस्त भाजी आहे गं जागु. चवीला चांगली लागत असणार.

बैलांच्या श्रमाचे म्हटले की मला दूरदर्शनचे चिमणराव-गुंड्याभाऊ आठवतात. ऋषिपंचमीच्या दिवशी चिमण बाजारात भाजी आणायला जातो. भाज्यांनी भरलेल्या त्या टिपिकल कापडी पिशव्या घेऊन घरी येतो आणि झोपाळ्यावर धापा टाकत बसतो. काऊची मैत्रिण गुलाब आलेली असते. ती चिमणला धापा टाकताना बघुन म्हणते, 'ह्या भाज्या चालायच्या नाहीत आज नैवैद्याला.' चिमणला काही कळत नाही भाज्यांना काय झाले ते. तेव्हा ती स्पष्टीकरण देते की 'भाज्या आणायला तुम्हाला एवढे श्रम घडले आणि ऋषिपंचमीला तर बैलांच्या श्रमाचे अजिबात चालत नाही......' चिमणच्या चेह-यावर प्रचंड राग...

फारच छान वाटते आहे हि भाजी... मी नक्की करुन बघेन.

मी चिचेंऐवजी अंबाडी( फळे) टाकते.भाजीत पाणी नाही घालत.पानात वाढल्यावर बाकीचे त्यावर दही घालून खातात.या भाजीसोबत तांदळाचे वडे असतात.

छान प्रकार आणि माहिती जागु..:)

मस्तच.

माझी आई फार सुंदर करते ही भाजी. असं वाटतं भाजीच खावी फक्त बाकी काही नको. आई कणीस नाही टाकत पण नालासोपाऱ्याला आमच्या शेजारच्या वाहिनी कणीस टाकायच्या तीपण आवडायची मला.

छान विडिओ.

छान

छान झाली होती

लाल माठाला पाणी भरपूर सुटले, एक वाटी पाणी काढून सूपसारखे पिऊन टाकले, मस्त होते.

( कणिस घालणे अगदी मस्ट आहे , त्यामुळे बाकी चोथा खावासा वाटतो. )

छान झालीये भाजी blackcat

मला ज्या भाज्या उपलब्ध झाल्या त्या वापरल्या

आमच्याकडे पण करतात. पण मला ही दिशाहीन भाजी वाटते. ना धड पालेभाजी, ना फळभाजी, ना अजून काही.. काही लोकांना खूप आवडते आणि काहीना अजिबात नाही.. बायनरी भाजी आहे..

आता ऋषीची भाजी

मस्त लागते. आमच्याकडे खडे मीठ वापरतात. नेहमीचं मीठ नाही चालत. का माहिती नाही. भाज्या, मिरच्या हे सगळं घरीच पिकवलेले. भात पण वेगळा. तांदूळ हाताने नांगरून शेती केलेले. बैलाने नांगरलेले नाही. आता गावाकडे बैल वगैरे फार राहिले नाहीत. आता लोक ट्रॅक्टरच वापरतात.