रात्रीस खेळ चाले ३

काय माहित.. पण हे असं काहीच्या काही सुरू आहे इथे. आता कोविड सिच्युएशन मुळे शूटिंग थांबलं तर परत येरे माझ्या मागल्या

चिंदरकरला मोठ्या दोरखंडाने खेच्लं असावं त्या नारळाच्या झाडावर. बावीतल्या रहाटाचा दोर वापरला की काय माहित

त्याला हे आधीच्या सीजनमध्येपण कळायचं का कोणाचा आणि कसा मृत्यू होणार आहे ते>> नाही नाही.. त्याला तसलं काही कळत नव्हतं. फक्त त्याचं सगळीकडं लक्ष असायचं अन जे इतरांना दिसलं नाही ते याला बरोब्बर दिसायचं. कधी कधी मनाचे श्लोक पण सांगायचा तो. यावेळीही असंच असेल.. कावळा बसायला अन फांदी तुटायला गाठ पडत असावी

घरातली माणसं सोडून अण्णाचं भूत सयाजीच्या अंगात का येतं.>> कितीही नाही म्हटलं तरी आण्णाचा जावईच लागतो ना सयाजी

दत्ताच्या चेहऱ्यावर लागलंय ते कधीच बरं कसं होत नाही. >> शी: कॅटेगरीतलं लागलंय त्या दत्ताला. तो आला की मी टिव्हीकडे बघतच नाही

एकंदर मेकपचा अतिरेक आहे, गरिबी आणि श्रीमंती दोन्हीसाठी. माईकडे तर बघवत नाही.>>+++१११ अगदी अगदी.. पहिल्या ८-१० भागात माईच्या तर ओठाची अन हन्वटीची सालटी निघालेली दाखवलं होतं.. नशिब ती पहिली कळकटलेली माई आता थोडी बरी दिसतेय. गेल्या सीझनला तिच्या साडिच्या अन ब्लाऊजच्या / खणाच्या चोळीच्या रंगसंगती खूप छान असायच्या. कॉट्रास्ट मॅचिंगच असायचं पण भारी दिसयचं. म्हणजे फेंट पोपटी पातळ असलं की डार्क गुलाबी ब्लाऊज.. पिवळं पातळ असलं की हिरवं ब्लाऊज, आकाशी पातळ असलं की डार्क जांभळं ब्लाऊज. भारी दिसायाचं ते. आता मेलं कुठल्याही मळकट रंगाच्या पातळांवर तेच ते काळं ब्लाउज. कधी कधी पिवळ्या नाहीतर राखाडी रंगाच्या पण लाल किनार असलेल्या पातळावर लाल ब्लाऊज असतं तेव्हा बरी दिसते म्हातारी.

हो.. त्यांचं शुटिंग कोरोना मुळे बंद झालं असावं अशी शंका आहे. इतर मालिका शुटिंग सुरु रहावं म्हणुन इतर राज्यात गेल्या पण राखेचा साठी वाडा हेच प्रमुख पात्र असल्यामुळे त्यांना आकेरी सोडून इतरत्र जाता आलं नाही अन महाराष्ट्रातील लॉकडाऊन मुळे शुटिंग बंद पडलं असावं असा माझा कयास.

कथेत थोडा बदल करवून म्हातारीला अभिराम बंगळूरास घेऊन जातो अन तिथं तिची कावेरी अन अभिराम कशी सरबराई करतात तरी म्हातारीला गावची अन वाड्याची आठवण येत रहाते असं गोव्यात त्या तिघांचं शुटिंग घेऊन काहीतरी दाखवता आलं असतं. फ्लॅशबॅक मधे माईला मागील २ सीझन मधलं काहीबाही आठवतं असंही दाखवून हे लॉकडाऊनचे दिवस भरून निघाले असते. लॉकडाऊन संपल्यावर माई पुन्हा आकेरीत येऊन इथली कहाणी पुढे सुरू ठेवता आली असती.

चंपा... गोSS चंपा.... अरुणा..... रेSS अरुणा... सूलू_८२....... स्वप्ना_राज.......Ajnabi..... योगी९००... अरे खंय गेले सगळे..? गोSS भोचकभवानी, _गार्गी_, अमाSS गोSS अमाSS... खंय आसंय...?? खंय शोधु मी तुमका..?? इसारलं तर नाय ना माका..??? येतंय रे बाबांनो.... मी परत येतंय. माझ्यावांगडा माझो वाडो अन वाड्यातली सगळी माणसा परत येताहत. माझो अभिराम येताहां, कावेरी येताहां. मी किती नाय म्हटला तरी माझो पदरच्या आडून दत्ता-सरिता-छाया पण येताहत... बाईलीच्या काळ्या कर्तुकीन आयुष्याची माती झालेलो माझो झील माधवा पण येताहा... माझो पांडबा येताहा..

तां नटमोगरी शेवंताचो गावभवानी चेडु सुसल्या येताहा.. तिचो घो येताहा... काय माहित आता ह्या नाईकांचो वाड्यात पुन्हा गोकूळ नांदलेलो माका बघुक मिळता का नाय तां..!! काय तां रवळनाथाकच ठाऊक रे बाबांनो..!!

येतंय.. येतंय हां मी... वाईच वाट बघा. येतंय.. तुमका भेटूक नक्की येतंय मी. १६ आगस्टला येतंय हां.

१४ ला संपते.. रात्रीस खेळ चाले३ १६ ऑगस्ट पासून रात्री ११ वाजता येतेय (मी झी५ वर १७ पासून बघेन )

हे काय त्याच दिवशी.. म्हणजे १६ ऑगस्टलाच सुरु होतेय "देवमाणुस"च्या जागी. तिला परत आल्यावर प्रेक्षकवर्ग मिळावा म्हणुन झी वाल्यांनी राखेचा३ रखडवली की काय अशी शंका येत आहे. राखेचा३ चं शुटिंग बरेच दिवसांपासून सुरु आहे असं कळालं.

परवा राखेचा३ पुन्हा सुरू झाली. मी काल झी५ वर भाग बघितला. पहिल्या लॉकडाऊन नंतर राखेचा२ पुन्हा सुरु करताना जसं माई, आण्णा, छाया, माधव, माधव, पाटणकरणीच्या नजरेतून झालेल्या भागांचा पूर्ण आढावा घेतला तसं आता दुसर्‍या लॉकडाऊन नंतर आढावा घेण्यासारखी परिस्थिती नाही. कारण राखेचा३ चं शुटिंग बंद झालं कथा पुढे सरकलीच नव्हती.

तरिही काल पाटणकरणीला अन आण्णाला समोर ठेऊन नक्की काय आणि कशामुळे राखेचा३ मधे उलथापालथ सुरु झाली आहे ते सांगण्याचा प्रयत्न केलेला दिसला. बरा वाटला. परंतू पुढे उर्वरीत कथानक सुरु व्हायला नमनाला अजुन किती तेल घालावं लागेल हे सांगता येत नाही.

काल रात्री कुणी पाहिलं का काय झालं ते...?

नमनाला घडाभर तेल न घालता जिथपर्यंत कथा आली होती तिथपर्यंत आजच्या भागात आणुन सोडलं गेलं. आधीच्या भागात आपणाला जिथं जिथं प्रश्न पडले होते त्या त्या शॉट्स मधे शेवंताचं भूत घालून आपल्या शंकांचं निरसन करण्याचा चांगला प्रयत्न केला आहे.. तरिही पहिल्या २ सिझन मधे जी भुतं आहेत असं आपणाला वाटलं ती भुतं नसून ते केवळ भास होते हे दिग्दर्शकाने पटवून दिले होते. आता शेवंता अन आण्णाची भुतं बघणं पटत नाही तरिही नवा प्रयोग म्हणुन हे मान्य करुन पुढे काय होतंय ते बघावसं नक्की वाटलं.

कालच्या भागात पांडबाचा कावेरीला भूत समजण्याचा प्रसंग खदखदून हसवणारा . अगदी माई पण मनसोक्त हसली.

दुसर्‍या लॉकडाऊन आधीच्या शुटिंगमधे दिवाणखाणातलं भुईवरचं मडगुलं (सफेद नक्षी) दिसली नव्हती... ती आता दिसली. चांगलं वाटलं. नाईकांच्या वाड्यात पुन्हा कधी येता येईल का ही आशाच सुटली होती पण आता मात्र पुन्हा सगळा वाडा तोही नवीन रुपात रोज दिसणार म्हणुन मन सुखावलं . आता आजपासून राखेचा३ मधे काय काय नवीन वळणं घेत कथा पुढे सरकते हे बघण्याची उत्सुकता लागली आहे.

बहुतेक तीसरा सीझन घाईगडबडीत सुरु केलेला वाटला. दुसर्‍या लॉकडाऊन नंतर राखेचा३ पुन्हा सुरु झाल्यावर त्यात आण्णा-पाटणकरणीचे शॉट्स टाकून लॉकडाऊन आधीच्या घाईगडबडीतला विस्कळीतपणा सांधलेला दिसत आहे.

कालच्या भागात नव्या सुनेच्या हळदी कु़ंकवाची तयारी माईने सुरु केलेली असते. त्याच वेळी ऑल इन वन साळगांवकर वाड्याच्या डागडुजीचे पैसे मागायला येतो. त्याला बघून माई तिचे मिचमिचे डोळे त्याच्यावर रोखून त्याला तिरकं तिरकं बोलु लागते नेमका तिथं अभिराम येतो. साळगांवकराला तो पैसे देतो अन माई उभ्या उभ्याच पाया पडणार्‍या साळगांवकराला शालजोडीतले ठेउन देते. माईचं लागलेलं बोलणं कसबसं लपवत साळगांवकर तिथुन सटकतो तेव्हा माई अभिरामाला हा साळगांवकर कसा वाडा विकायला बघत होता ते सांगते अन नंतर पांडुला गावातल्या सवाष्ण बायांना निरोप द्यायला धाडते. मग पांडबा "माईनं लगीन केलंय अन अभिरामनं हळदीकुंकु ठेवल्याने.. संध्याकाळी वाड्यावर हळादीकुंकवाला या" असा निरोप देत सुटतो

तो निरोप ऐकुन सुसल्या विचारात पडते पण पांडबा तिला सांगतो की तिला हळदीकुंकवाला बोलावलं नाही म्हणुन. पांदुकडून तिला समजतं की अभिराम परत आलाय अन त्याने वाड्याला डागडुजी करून पुन्हा नवं रुप दिलं. हे काम अभिरामने ऑल इन वन साळगांवकराकडून केलेलं कळताच ती पिसाळते अन साळगावकराला घरी बोलावून त्याच्याकडून अभिरामने कामाचा मोबदला म्हणुन दिलेले ३० हजर रुपये काढून घेते. वाड्यावर जाऊन अभिरामला धमकाऊन येतो असं म्हणणार्‍या तिच्या नवर्‍याला ती तसं करण्याची परवानगी देते अन तिचा नवरा - सयाजी ते काम करायला वाड्यावर जातो.

तिथं पाटणकरीण आण्णाला सांगत असते की त्याला अभिरामच्या अंगात शिरायचं आहे अन ती स्वतः कावेरीच्या अंगात शिरेल म्हणजे त्यांना हवा तसा सुखाने संसार करता येईल अन पाटणकरणीची आण्णा सोबत वाड्यात नांदायला येण्याची इच्छा पूर्ण होईल.

इकडे माई भोळसरपणे वाड्यात विघ्न येऊ नये म्हणुन अभिराम अन कावेरीला देवघरात नेऊन देवाला गार्‍हाणं गाते अन देवासमोरचा पान-सुपारीचा विडा अभिरामला देते. तो विडा सोबत असल्यामुळे आण्णाला त्याच्या शरिरात प्रवेश करता येत नाही.

नंतर हातपाय धुवुन येण्यासाठी अभिराम तो पानसुपारीचा विडा टेबलावर ठेऊन बाहेर ओसरीतल्या ओलनीवर टाकलेला टॉवेल घ्यायला जातो त्याच वेळी आण्णा दमदार पावलं टाकत अभिरामच्या अंगात शिरण्यासाठी येत असतो. नेमका त्याच वेळी सयाजी देखील कमरेला पिस्तुल लाऊन अभिरामला धमकावयाला वाड्यात येत असतो. अभिराम पाठमोरा असतो अन त्यात शिरण्यासाठी आण्णाचं भूत तिथं येणार त्याच वेळी तिथं सयाजी येऊन उभा रहातो अन त्या गडबडीत आण्णाचं भूत अभिरामच्या अंगात शिरण्याऐवजी सयाजीच्या अंगात शिरतं अन एपिसोड संपतो.

आण्णा सयाजीच्या अंगात कसा शिरला याचं उत्तर मिळाल्यामुळे बहुतेक इथून पुढे काहीतरी नक्कीच रंजक बघायल मिळेल अशी आशा आहे.

रात्रीस खेळ चाले ३ हा सिझन आता वेग पकडू लागला आहे असं मला तरी वाटतंय. ज्यांनी पहिले दोन सीझन बघितले अन तिसर्‍या सीझनची सुरुवात पाहिली असेल त्यांना त्यावेळी पडलेल्या प्रश्नांची उकल आता दुसर्‍या लॉकडाऊन नंतर सुरु झालेल्या कथानकात होऊ लागली आहे.

हा सीझन सुरू झाला तेव्हा घाईघाईत शुटिंग का सुरु केलं असावं असं वाटलं होतं पण कदाचित तो सीझन३ चा युएसपी असावा असं आता वाटतंय. पहिल्या सीझन मधे केवळ त्याच सीझन मधले सीन्स होते. दुसर्‍या सीझन मधे पहिल्या सीझनचा प्रीकॅप होता जो पहिल्या सीझनच्या शेवटच्या भागाशी संलग्न करून कथानक संपवलं गेलं. परंतु या सीझन मधे पहिल्या अन दुसर्‍या सीझनच्या मधल्या भागातले काही सीन आणि त्यांना सांधणारे शेवंता-आण्णांच्या भुताटकीचे प्रसंग आल्यामुळे लिंक लागत आहे.

गेल्या आठवड्यात सयाजीच्या अंगात चुकुन शिरलेले आण्णा आपण बघितले. मग सयाजी आण्णांसारखा झोपाळ्यावर बसून त्यांच्याप्रमाणेच बोलू लागतो. अभिरामची उलटतपासणी घेऊ लागतो. दहळदीकुंकवाच्या कार्यक्रमासाठी आलेल्या सवाष्णांवर नजर रोखू लागतो . सवाष्ण सयाजीला लाखोली वहात आत स्वयंपाक घरात माईपाशी जाऊन कागाळी करते. मग माई बाहेर येऊन सयाजीला जाब विचारणार तोच सयाजी जिन्याची पायरी चढत वर जाऊ लागलेला असतो अन वरून खाली येणार्‍या कावेरीला बघून कॉर्नरलाच थबकलेला असतो. तेवढ्यात माई तिथं पोचते अन सयाजीवर जाळ-धूर काढत घराबाहेर हाकलून लावते . माईला घाबरून अंतर्धान पावलेल्या आण्णांमुळं शरीर पुन्हा ताब्यात आलेल्या सयाजीला मात्र नक्की काय अन कसं झालं हे कळेनासं होतं पण आपणाला मात्र योग्य ती लिंक लागलेली असते.

त्यानंतर पाटणकरीण पण कावेरीचा ताबा घेऊ बघते पण माईनं दिलेल्या विडा-सुपारीमुळे पाटणकरणीला शॉक बसतो अन ती काही कावेरीच्या अंगात त्यावेळी शिरू शकत नाही. मग सरिताचं घर अन तिची हळदीकुंकवाला येण्याची लगबग दिसुन येते (ही बाई आता फक्त आणि फक्त वच्छीची अ‍ॅक्टिंग कॉपी करत आहे..!). ती त्यातल्या त्यात बरी साडी घालून वाड्यावर येते अन तिला ओसरीपुढे उभी असताना तिने अन दत्ताने माईला अन छायाला कसा त्रास दिलेला असतो ते आठवतं. त्यावेळचा सीन सरिताच्या डोळ्यापुढून तरळून गेलेला दाखवला जातो अन आपणाला आता माई सरिता अन दत्ताशी अशी का वागते याचं उत्तर मिळतं. छायाने देखील आण्णांच्या वयाच्या रघुकाकांशी का लग्न केलं असेल हेही समजतं. माधवला वेड का लागलं याचंही कारण कळतं (दत्ता आण्णांप्रमाणेच वागु लागलेला असतो. दारूत आकंठ बुडालेला असतो अन घरातील एकेक वस्तू/दागिना विकून खात असतो. माधवला सतत त्याच्या बायकोच्या कृष्णकृत्याचे दाखले देत टोचून बोलल्याने मृदू स्वभावाच्या माधवला वेड लागलेलं असतं या सर्व प्रकाराला असह्य होऊन माईने दत्ता अन सरिताला वाड्याबाहेर हाकललेलं असतं).

सरिता वाड्यात रहायला आली हे पारावर बसलेल्या पाटणकरणीला आजिबात आवडलेलं नसतं. सरिताला बाहेर काढण्याची इच्छा ती आण्णांना बोलून दाखवते. मग दुसर्‍या लॉकडाऊनच्या आधीच्या हळदीकुंकवाच्या प्रसंगाचा सीन येतो. सरिता वचवचत दिवाणखाण्यात जाऊन सवाष्णांना अद्वतद्वा बोलून हाकलून लावते. माई अन अभिरामला घालून पाडून बोलते. कावेरीचं मनगट करकचून आवळत तिला मालवणी हिसका दाखवते. त्याप्रकाराने भेदरलेली कावेरी रडत बाहेर पाटणकरणीने फास घेतलेल्या झाडाच्या पारावर जाऊन बसते अन आयतेच पाटणकरीण कावेरीत प्रवेशते . मग काय. अंगात पाटणकरणीला घेऊन कावेरी वाड्यात घुसते अन माईशी-अभिरामशी वचावचा बोलणार्‍या सरिताच्या हातातल्या हळदीकुंकवाने भरलेल्या ताटाला खालून हाताने दाणकन उधळून लावते त्यामुळे ताटातलं हळदीकुंकु भस्सकन सरिताच्या चेहर्‍यावर उडून सरिताका लाल-पिवळी दिसू लागते तिला अशी लाल-पिवळी झालेली बघुन माई-अभिरामची जाम टरकते अन ते दोघे भेदरून कावेरीकडे बघत रहातात. पुढच्याच क्षणी कावेरी सरिताचं मनगट हातात धरून तिला हिसका देतदात ओठ खात दम भरते "हे घर माझं आहे... इथे जास्त शहाणपणा केलेला दिसलीस तर कोंबडीची मुंडी पिरगाळावी तशी तुझी मुंडी पिरगाळीन (अन हे असं सांगताना दोन्ही हातानी कोंबडीची मान पिरगाळल्यासारखी करून दाखवते)" .

त्यानंतरही सरिता वाड्यातच राहु लागते अन मग पाटणकरीण तिला घाबरवण्यासाठी सअरिताच्या ओलनीवरील वाळत घातलेल्या साड्यांना खाली उतरवून कावेरीच्या साड्या वाळत घालते. तव्यावर भाकरी करणार्‍या सरिताला अचानक चुलीतला जाळ वाढवते. सरिता झोपलेली असताना कावेरीच्या अंगात शिरून सरिताचा गळा दाबल्याचं स्वप्न पाडते . सरिता जाम टरकते पण कुणाला काही सांगु शकत नाही. रात्री दत्ता जेवणाच्या निमित्ताने परसदारी खोलियेत दारावर टकटक करतो तेव्हा सरिताची भितीने गाळण उडते अन तो दत्ता आहे हे समजल्यावर त्याला आत घेऊन माईने केलेला स्वयंपाक चोरून जेऊ घालते. तेवढ्यात दत्ता सरिताचं लक्ष नाही हे बघून जेवणाचं ताट-वाटी चोरून पळ काढतो.

अशा प्रकारे आपणाला अनुत्तरीत प्रश्नांचा सर्व उलगडा होत गेल्या आठवड्यातील शेवटचा एपिसोड संपतो.

आकेरीचं नयनरम्य दर्शन एरियल व्युने दाखवत आपण वाड्याच्या अंगणात उतरतो पण आता आपणाला हवं असलेलं दृष्य आता परत कधीच दिसणार नसतं हे उमगून आपण थोडे खट्टु होतो. असो.

मागील भागांतील दृष्यांना आण्णा-पाटणकरणीच्या दृष्यांची फोडणी घालून आपल्या शंका सांधल्या जातात.
सयाजीच्या अंगात आण्णा अन कावेरीच्या अंगात पाटणकरीण कसे, कधी अन का शिरले हे एवढं कळालं.

माईच्या विगची पण बरी डागडुजी केली त्यामुळे तिला म्हातारीच्या रुपात बघणं थोडंतरी सुसह्य होत आहे. काल आण्णा अन पाटणकरीण आवसेच्या दिवसाचा मुहुर्त काढून सयाजी अन कावेरीच्या अंगात शिरले अन एकमेकांना मिठी मारत असताना ते सरिताने बघितले.

आता पुढं ती ते छायाला सांगते अन त्यानंतरचे काही सीन्स रघुकाकाची फटफजिती कशी झाली ते दाखवले जाईल असं वाटतंय. बघुया आज काय होतं ते.

मी मागील सीझन मधे म्हटल्याप्रमाणे वच्छी खरेच मेली नव्हती.. ती पुन्हा आली. तिचा विग मात्र पचनी पडला नाही.
या सीझन मधे फुल टू मेलोड्रामा सुरु आहे. भुतं वगैरे येतात हे दिसत आहे. डोकं बाजुला ठेऊन बघितलं तर ते पटतं
फार उशीराचा टाईमस्लॉट असल्यामुळे झी५ वर वेळ मिळेल तसं बघणं सुरु आहे.

शेवंताने शिरेल सोडली म्हणे. तिला तिच्या वजनावरून कोणी नवख्या कलाकारांनी जबराट टोमणे मारले म्हणुन तिने चिडून मालिका सोडली म्हणे. झी वाल्यांनी पण तिला झुलवत ठेवली. नवीन मालिका किंवा प्रोग्रॅमची होस्ट म्हणुन काम देण्याचे मान्य केले होते परंतु असं काहीच झालं नाही. शिवाय राखेचा३ मधे केवळ लाल नऊवारी मधेच अधे मधे काम मिळत आहे याचाही उबग आला असावा. तशी ती गुणी अभिनेत्री वाटली. शेवटी किती केलं तरी वय अन सौंदर्य अबाधीत रहात नाही. नशिबाच्या जोरावर एखादेवेळी कुठल्याही वयात कलाकाराला चमकण्याची अन प्रेक्षकांच्या स्मरणात रहाण्याची भुमिका मिळते त्यातल्या बर्‍याच भुमिका या शिरेलीत आहेत हे मनोमन पटते.

अपूर्वाला शेवंता म्हणुन सर्वजण मिस करतील.. तिच्या जागी नवीन कोणीतरी येणार हे अजुनही गुल्दस्त्यात आहे. तिची जागा कोणी घेणार की सीझनच संपवणार काय माहित. याही सिझन मधे माईच रोजच स्क्रीन वर दिसते. सलग तीन सीझन माई ९९% तरी रोजच स्क्रीन वर दिसते. तिच्या खालोखाल अभिरामही या सीझन मधे रोज दिसतो आहे.

सुसल्या तर निव्वळ गंडलेली पात्र आहे. तिला काहीही अभिनय जमत नाही. पहिल्या सुसल्यालाच घ्यायला हवं होतं असं अजुनही वाटतं. तोकडे कपडे घातले म्हणुन सुसल्या जमली असं नाही. पहिल्या सुसल्याला अंगभर कपडे असुनही ती बर्‍यापैकी शेवंताचीच मुलगी असली पाहिजे हे पटतं. कदाचित पहिली सुसल्या ह्या आत्ताच्या सयाजीची बायको म्हणुन वाईट दिसली असती एवढ्या एका कारणास्थव काढली असेल तर ते खरंच चुकलं.

खरंतर दुसर्‍या सीझन मधे पण अशीच बदला बदली झाली होती. आधीचे नेने वकील प्रकृती अस्वास्थामुळे बदलले गेले पण एक-दोन एपिसोड नंतर नव्या नेने वकिलांनी पण चांगला जम बसवला होता. तसंच या शेवंताचंही होईल ही अपेक्षा. शेवटी व्यक्तिरेखा कागदोपत्री सशक्त असली की ती कोण निभावतंय याला जास्त महत्त्व उरत नाही.