पुरणपोळी - रवा मैद्याची

मस्त रेसिपी . तो पा सु

छान वाताहेत.पण त्याचबरोबर करायला कठीणही.

मस्त.
परातीत थोडे पाणी घेऊन त्यात साफ केलेला रवा अन मैदा घ्यायचा. त्यात चिमूटभर मीठ अन सोडा घालायचा. अर्धा चमचा हळद घालून पीठ घट्ट मळून घ्यावे. दुसऱ्या एका भांड्यात त्यांब्याभर पाणी घालून त्यात पिठाचा मळलेला घट्ट गोळा भिजवून झाकून ठेवा. हे पीठ किमान तास दिडतास तरी भिजवायचे(हा वेळ वर धरला नाहीये).>>>असे मी कधीच केले नाही. परातीत थोडे म्हणजे किती पाणी घ्यावे लागेल? परत ही पीठ पाण्यात ठेवल्यावर काय होते? त्यापेक्षा आधिच जरा जास्त पाणी घेऊन पीठ कमी घट्ट मळले तर चालेल का?

>>>ही पीठ पाण्यात ठेवल्यावर काय होते? <<
रवा हळुहळु पाणी शोषत फुलतो व नरम होतो. भरपुर पाणी आधीच घालून करण्यापेक्षा, ह्या प्रक्रियेने ग्लुटन उत्तम रित्या तयार होवुन पीठाला लवचिक बनवते(पीठ मस्त ताणले जाते).( इति माझी आई)

आम्ही, कणिक ठेवतो अशी तेल आणि पाण्यात भिजत पुपोसाठी. सेमच एफेक्ट येतो. रव्याच्या जरा ज्यास्त तलम होतात.( इति माझी आई)

छान आहे.

हळद आणि सोडा कधी घालत नाहीत आमच्याकडे सासरी माहेरी. शेजारचे हळद घालतात बहुतेक कारण ते देतात आम्हाला त्या पिवळ्या रंगाच्या असतात.

छान

हळद आणि सोडा कधी घालत नाहीत आमच्याकडे सासरी माहेरी. >>>>+१.

एका वाटीच्या पुपो अशा करून पहाणार.

मस्त. तोपासु.

मैद्याच्या ऐवजी कणीक वापरली तर चालते का..?

छान आहे ..
माझी आई अशीच करते रवा+ मैदा पण गुडाऐवजी साखरेची करतात आमच्याकडे.

पुपोत साखर
१ल्यांदा ऐकले हे .
ट्राय करुन पहायला हवे ती आणि ही मैदारवावालीपण

विदर्भात मोस्टली साखरेची करतात.

पुपोत साखर >>> करतात बरेच जण, मलापण उशिरा समजलं. मी पुपो, खरवस गुळाचा करतात समजायचे. कधी गुळाबरोबर थोडीशी साखर टाकली तर टाकतात पण पूर्ण साखरेच्या दोन्ही गोष्टी करतात बऱ्याच प्रांतात हे मला उशिरा समजलं.

माहिती बद्दल धन्यवाद

श्रीरामपुरला होतो चार वर्ष तेव्हा आमच्या घरमालकांकडे सर्व साखरेचे करायचे आणि प्रत्येक सणाला पुपो करायचे. एकदा मी गुळाचा खरवस दिला तो आवडला त्यांना, ते बघून गुळाचा करायला लागले.

पुपो आमच्याकडेही कणकेच्या आणि साखरेच्याच करतात..
ही पुपो छान दिसतेय.

कणिक, मैदा कशाच्याही करतात आमच्याकडे पण गुळाच्या करतात. सासूबाई आणि आई मुठभर साखर टाकतात गुळाबरोबर.

नक्की करून बघणार. पीठ मळायची पद्धत फारच इंटरेस्टिंग आहे.

अंजुताई, देवकीताई हळद मळताना घातल्याने, पोळ्या मस्त पिवळ्या धमक होतात. काहीजण पोळ्या शेकताना तुपात हळद मिसळून लावतात पण त्याने त्या डाग लागल्यासारखे वाटतात >>> अच्छा, ओके. आमच्याकडे हळद नाहीच वापरत यात. पण घालायची असेल तर पीठ भिजवतानाच घालणं योग्य हे बरोबर.

आमच्याकडे हळद नाहीच वापरत यात. पण घालायची असेल तर पीठ भिजवतानाच घालणं योग्य हे बरोबर.>>>>> +१.

आमच्याकडे अर्धा गुळ आणी अर्धी साखर अस प्रमाण घेतो आम्ही , सासरी आणि माहेरी दोन्हीकडे हळद घालत नाही पण मी अगदी नावाला किन्चित घालते.
काहीजण पोळ्या शेकताना तुपात हळद मिसळून लावतात >> कच्ची हळद अशी लावल्यावर कडु लागत नसतिल का?

बाकी पुपोत साखर वाचुनच कसेतरी होते>> खाउन बघा कधीतरी नक्की आवडेल

गुळाची पुपो खमंग लागते.

बरोबर देवकी, गुळाने कुठल्याही गोड पदार्थाला खमंगपणा येतो.

पीठ पाण्यात भिजत ठेवायचे ही नविनच पद्धत कळली. खूपच कौशल्याचे काम आहे. आमच्याकडे पुरणपोळी ही तेलपोळी असते, तेलात भिजवून तेलावरच लाटलेली.

साखर घातलेली पोळी मला अजिबातच नाही आवडली.
चणा, गुळ आणि तुप ह्याचे मिश्रणच मस्त वाटते.( अ.आ.म.)

मी या पद्धतीने पुरणपोळी करून बघितली. मस्त झाली पण मला कृतीमध्ये एक अडचण आली. मी परत होळीला हीच पाकृ करणार आहे.

>>>>जितका कट हवा त्याच्या सव्वापट पाणी उकळायला ठेवा. पाणी उकळले की त्यात चणाडाळ घालून शिजवायची. फक्त काळजी घ्या की डाळ जास्त शिजायला नको. डाळ एक कण कच्ची असताना त्यातले पाणी काढून घ्या. अन हो आच मंद ठेवा, नाहीतर डाळ करपेल.

वरील सूचनेप्रमाणे मी डाळ शिजवली. आणि बोटांमध्ये दाबून ती शिजली आहे का ते पहिले. पाण्यातली डाळ व्यवस्थित क्रश होत होती म्हणून मी पाणी काढून गूळ घातला तर ती पुन्हा कडक झाली! त्या नंतर मला खूप व्याप करून ती पुन्हा शिजवावी लागली. आणि चाळणीने गाळून त्यातल्या टणक डाळी वेगळ्या कराव्या लागल्या. याआधी मी पुरण करताना, बहुतेक डाळ ओव्हरकूक करायचे. या पद्धतीने पुरण करताना मला इतका ताप झाला की याला "पुरणाचा घाट घालणे" का म्हणतात हे लक्षात आले. पण जे झाले ते पुरण मात्र मस्त सरसरीत मोकळे झाले. आणि पोळी अगदी चितळे वगैरेंची असते तशी झाली. त्यामुळे माझी आधीची पद्धतही बरोबर नव्हती हे कळले.

तर व्ही. बी, माझे दुसऱ्या अटेम्प्टला असे होऊ नये म्हणून काही टीप आहे का?