अफवा

Submitted by शिवाजी उमाजी on 11 December, 2018 - 12:33

अफवा

असते झटकन पसरणारी 
हातपाय नसलेली अफवा,
होत्याचं नव्हतं करणारी
गैरसमज पसरवते अफवा !

अंधश्रद्धेला कारण होते 
दंगल घडविते ती अफवा,
बऱ्याचदा स्वार्थासाठीच
पसरविली जाते अफवा !

मुलांची चोरी, देव देवस्की
म्हणणारी खोटीच अफवा,
मना मनात किंतु परंतू व
केवळ भ्रम वाढवी अफवा !

निरपराधाचा जीव घेणारी
पसरू देऊ नका अफवा,
वेळीच करून सर्व खात्री  
मोडूनच काढा या अफवा !
©शिवाजी सांगळे
मो.९५४५९७६५८९

विषय: 
शिक्षण
शब्दखुणा: 
अफवा
Groups audience: 
गुलमोहर - कविता
Group content visibility: 
Use group defaults
शेअर करा