हिरव्या मटाराची मसाल्याची उसळ

मस्तय. सोप्पी पाकृ.
करून बघेनच पण बटाट्याची सालं काढायलाच हवीत का??

बटाट्याच्या सालींनी चव बदलते.

मस्त पाकृ!
>>गरमागरम टेष्टी उसळ, गरम फुलके आणि ताज्या गाजर-फ्लॉवर-मिरचीच्या लोणच्या बरोबर हाणावी>> लोणच्याची पाकृ देखील येवू दे.

मस्तच आहे.

सावजी मसाला वापरला नाही कधी पण तो वगळता ह्या टाईप करते मी. कधीकधी हे सर्व वापरून पाणी जास्त न घालता करते आणि मग त्याची मटार करंजी करते.

मस्त रेसिपी. सावजी मसाल्याऐवजी दुसरा कोणता चालेल?
पाव भारी (मस्त) लागेल ह्याबरोबर.

मस्त आहे. बहुतेक सावजी मसाला न वापरता नुसता घरचा मसाला आणि धणे जीरे पूड घालून केलेली आहे मटार उसळ. मस्त होते !

वा वा! तोंपासु!!

छान आहे रेसिपी. ऑफिशियली ब्याडवर्ड आहे की रेसिपीत. मला मटारच्या उसळीमध्ये बटाटा अजिबात आवडत नाही तर मी फ्लॉवर घालेन.

भारी आहे . नक्की करणार .
एकदा वाटीभर धण्याच्या मापात सावजी मसाल्याची सविस्तर कृती टाकायचं बघा राव. तुम्ही आग्रह केल्यावर सासू बाई काही नाही म्हणणार नाहीत .

>>एकदा वाटीभर धण्याच्या मापात सावजी मसाल्याची सविस्तर कृती टाकायचं बघा राव. तुम्ही आग्रह केल्यावर सासू बाई काही नाही म्हणणार नाहीत .>> +१

मस्त आहे रेसिपी .
फक्त दोन अडीच वाट्या मटारला 10/12 लसूण पाकळ्या जरा जास्त होतील असं वाटतंय. लसूण थोडी कमी घालून करून बघेन.

लोणच्याची पाकृ देखील येवू दे.
नवीन Submitted by स्वाती२ on 4 January, 2018 - 18:29
>>>
प्रमाण : सर्व जिन्नस मिळून २५०~३०० ग्रॅम. (मध्यम बरणी)
आम्ही घरी करतो तेव्हा गाजर बारीकच आणतो. गाजराच्या बारीक चकत्या, मटारचे दाणे, फ्लाॅवरचे लहानसहान तुकडे, मध्यम तिखट मिरचीचे अर्ध्या पेराएवढे तुकडे एकत्र करून घेणे त्यावर नाॅर्मल कैरी लोणचे मसाला ४~५ चमचे टाकवून हलवून घेणे. गरम करून थंड केलेले तेल दोन पळ्या टाकणे. (मसाला चिकटून रहाण्यासाठी. )
४~५ दिवस टिकते.

याच प्रकारे ओली हळद चकत्या करून मिरची वरीलप्रमाणे आणि लिंबू एकाच्या ८ फोडी करून लोणचे बनवतात.

लिहिलंयस जबरी शेफ मित्रा
तु मला खायला कधी बोलवतोस ते सांग.

हि रेसिपी माझी नाही. मिपावर मिळाली ती इथे देतेय (सानिका स्वप्निल यांची बहूतेक). मसाला छान होतो. मी नॉनव्हेजला हाच वापरते.
सावजी मसाला साहित्यः
सावजी चिकन/ मटण हे झणझणीत, जहाल तिखट असते. तिखटाचे प्रमाण थोडे कमी, आमच्या चवीप्रमाणे बसवले आहे. तुम्ही आवडीप्रमाणे कमी - जास्तं, तब्येतीला झेपेल असे प्रमाण बसवावे
३ टेस्पून सुके खोबरे
३ टेस्पून ज्वारीचे पीठ
६-७ लाल सुक्या मिरच्या (आवडीप्रमाणे कमी - जास्तं)
१/२ टीस्पून धणे
१/२ टीस्पून बडीशेप
१/२ टीस्पून शहाजिरे
१/२ टीस्पून पेक्षा थोडी जास्तं टीस्पून खसखस
४ हिरवी वेलची
२ मसला वेलची
थोडे दगडफूल
४-५ लवंगा
९-१० काळीमिरी
१ जायपत्री
२-३ दालचिनीच्या काड्या तोडून
पाकृ:
एका पॅनमध्ये धणे, बडीशेप, शहाजिरे, खसखस, हिरवी वेलची, मसला वेलची, दगडफूल, लवंगा, काळीमिरी, जायपत्री व दालचिनी कोरडेच मंद आचेवर भाजायला घ्या.
थोडे लालसर झाल्यावर त्यात सुके खोबरे व लाल सुक्या मिरच्या घालून भाजून घ्या.
शेवटी ज्वारीचे पीठ घालून मंद आचेवर थोडे लालसर भाजून घ्या.
गार झाले कि कोरडेच मिक्सरवर वाटून घ्या.

मस्त रेसिपी आणि झक्कास सावजी मसाला

पाथफाइंडर, लोणच्याच्या पाकृसाठी धन्यवाद.
वरती विनिता झक्कास यांनी उल्लेख केलेल्या सानिकास्वप्निल यांच्या रेसीपीचा दुवा-
http://www.misalpav.com/node/27732

मटार उसळ आणि सावजी मसाला मस्त पाकृ, योकू रेसिप्या भारी लिहिता तुम्ही.