पातोंडा परीसर विकास मंच- मदतीचे आवाहन

नमस्कार,

सदर लेख हा आम्ही तरुणानी आमच्या गावी सुरु केलेल्या 'पातोंडा परीसर विकास मंच' करीता वस्तु वा आर्थिक स्वरुपात मदतीचे आवाहन म्हणुन लिहला असून जमेल त्या पध्दतीने सध्या स्थीती मांडण्याचा प्रयत्न करतोय…

आम्ही म्हणजे पातोंडावासी ता. अमळनेर, जि. जळगाव येथील राहणारे पोटापाण्यानिमीत्ताने गाव सोडुन इतरत्र स्थायीक झालेले लोक, काहींचा तर गावाशी थेट सबंधही न राहीलेला, वेगवेगळ्या वयांचे साधारण तीन पीढीतले वाटस अप च्या वापराने एकत्र जमलोत. गावासाठी काहीतरी उपयुक्त चांगल करुयात या एका जाणीवेने तसेच सध्याची गावातील स्थीती, शेतकर्‍यांचे पाण्या अभावी होत असलेले हाल, दरवर्षी पाण्याचा तुटवडा शेतीचे राहु द्या पिण्याच्या पाण्यासाठी सोसावे लागणारे कष्ट्, बेरोजगारी, योग्य दिशा न सापडल्याणे वाया जात असलेली तरुणाई, देशी दारुचे अड्डे, जुगाराचे वाढते प्रमाण, कौटुबिंक कलहाने, निसर्गाच्या अनितीने कीवा सावकारीच्या जबड्यात फसल्याने दर दोन चार महीण्यात होत असलेल्या आत्महत्या आणि त्यात होरपळले जाणारे बायका पोर आणि अश्या सार्‍या विषण्ण करणार्‍या घटना आमच्या गावी घडत होत्या म्हणजे घडतच आहेत... आम्ही यावर आता उत्तरे शोधलेत असे नव्हे पण काहीतरी मार्ग काढण्यासाठी धडपड करत आहोत. सरकारी मदती साठी प्रयन्तशील आहोतच पण शासन दरबारी लालफितीतुन मदत येई पर्यंत कीती जिव ह्या दळदळीच्या खायीत जाणार याची वाट बघण्यापेक्षा आहे त्या स्थीतीत काहीतरी आशादायक करण्याचा प्रयत्न केलाय निदान सुरवात केलीय असे बोलु शकतो.

सुरवातीला जास्तीत जास्त वाट्स अप वापरणारे गावातील व गावाबाहेरील लोक वाट्स अप गृप ने जोडु लागलो. एक एक करुन वय वर्षे, काम धंदा कसलाही आगापिच्छा न बघता गावतला आहे का? एवढ बघत वाटस अप गृपवर सहभागी करत राहिलो. नंतर काय करायचे काय करावे यावर दबत्या स्वरुपात चर्चा होऊ लागल्या. आलेल्या पोस्ट फक्त फॉरवर्ड करणे जिथे ठावुक होते तिथे काहीतरी अजेडां ठेवत चर्चा घडवून आणने सुरवातीला कठीण गेले त्यात खेड्यातले राजकारण बाजुला सारणे अवघड पण गृपवर राजकारणा संबधीत कोणतीही पोस्ट पडु नये असा नियम ठेवत कशोसीने पाळण्याचे ठरवले. गावातील मुलांना स्पर्धा परीक्षा देण्यासाठी तयार करावे असा कयास ठेवला. त्यानुसार जागाही शोधली हा आमचा पहीला उपक्रम त्याला 'युवा जागर अभ्यासिका' असे नाव दिले. अभ्यासिका तयार करण्यासाठी लागणारे साधन सामुग्री तसेच पुस्तके व आवश्यक साहीत्य याची यादी बनवुन पदरचे पैसे जमा करत, सर्वाना आवाहन करत हा उपक्रम यशस्वी केला. या बद्दलची माहीती मी या अगोदर मायबोली वर दिली असुन हा खाली दुवा.

http://www.maayboli.com/node/54674

साधारण जुलै-२०१५ यामहीण्यात आम्ही अभ्यासिका आणि वृक्षरोपण करुन झाल्यावर पुढचा उपक्रम हाती घेतला जिल्हा परीषद मराठी मुलांची/मुलींची शाळा दुरस्तीकरण सध्या स्थीतीत असलेली शाळा म्हणजे मोडकीस आलेले गेट.. कवलारुंची नासधुस झालेले वर्ग. भले मोठे पटागन असुनही कुठे मुताऱ्याच्या पडक्या भिंती तर कुठे अस्ताव्यस्त अवस्वस्थेत पडलेले बाधकाम, मला निटस माहीती नाही पण शासनाचे 'सर्व शिक्षण अभियान' यातुन नविन वर्ग बाधुन दिले जातात्(अर्थात त्या बाधकामाचा दर्जा त्या त्या कॉन्टक्टर च्या कामावर ठरलेला) परंतु जुने पडीक असलेले वर्ग आहे त्याच स्थीतीत दुरावास्थेत सोडून दिले जातात त्या साठी जिल्हा परीषदे कड़े काही तरतूद आहे का तेही माहीत नाही, तर अश्या या 'सर्व शिक्षण अभियानातुन आम्हला नविन वर्ग मिळत आहेत. पण सध्या असलेल्या शाळेत दुरस्तीकरणाबाबत शिक्षण समीतीने आवाहल देऊनही पुढे काही करता येत नव्हते. शाळेचे तारकंपाऊंड पुर्णपणे नादुरस्त झाले अवस्थेत आहे. शाळेत ना टॉयलेट बाथरुमची सोय अश्या एक धड भराभर दुरावस्थानी ग्रासलेलेल्या शाळेचे काम आम्ही हाती घेतले आहे. आता पर्यत पदरचे पैसे जमा करत आम्ही रंग रगोटी संपवली असुन डिजीटल स्कुल साठी LED टीव्ही मिळवण्यात यशस्वी झालो आहोत. प्रत्येकी १५०० रुपये असे गावी-बाहेरगावी असलेल्या लोकांकडुन जमा करत लोक वर्गणीतुन आता पर्यंत गावाच्या सभोवताली जमीनीत पाण्याची पातळी वाढवणे, हगणदारी मुक्त गाव, स्वच्छेते विषयी जागरुकता व इतर अरोग्यासंबधीत जनजागृती सुरु आहे यासारखी कामे आम्ही आमच्या अगामी काळात करायचे ठरवले आहेत.

१)सध्या सुरु असलेल्या कामात आम्हाला डिजीटल स्कुल साठी संगणकांची आवश्यकता असुन कुणा़कडे कॉरपरेट ऑफिसेस कीवा सेवाभाची संस्थामध्ये संगणक मिळवण्यासाठी काही तरतुद असल्यास कळवावे. त्यासाठी आवश्यक असलेली अर्ज वा इतर कागदोपत्रे पोहच करावयाची विल्हेवाट आम्ही करु. योग्य मार्गदर्शनही बहुमूल्य ठरू शकते.

२)गावातील मुलांना स्पर्धा परीक्षासाठी अभ्यासिका तयार करुन देण्यात आली असुन तिथे दर महीण्यात येणारा कीरकोळ खर्च संस्थेमार्फत करत असतो. तरी आम्हला सर्व प्रकारच्या स्पर्धा परीक्षासाठी लागणारे पुस्तके, मासिके, साप्तहीके आवश्यक आहेत , येत्या मार्च मध्ये स्पर्धा परीकशासाठी जवळपास ७० पुस्तकांची आवश्यकता आहे त्यासाठी येथील सभासद काही करु शकले तरी आमच्या कामाला हातभार लागेल.

३)अंगणवाडी वा प्राथमिक शाळेच्या मुला/मुली खेळाचे काही साहीत्य कुठून उपलब्ध होत असेल तरी त्या संबधात मायबोलीकर माहीती देऊ शकतात.

४)मी येथे फक्त काहीतरी अर्थिक वा तत्सम मदत मिळावी फक्त यासाठीच लिहले नसुन, आमच्या अभ्यासिकेत गाव व परीसरातल्या मुलांसाठी आठवडयात कीवा पंधरवाड्यात स्पर्धा परीक्षासाठी व्याख्यान(लेक्चर) आयोजीत करत असतो. ज्याना कुणा मान्यवंराना या सबंधीत काही माहीती कीवा मुलाना सदर परीक्षा साठी तुमच्या कडे असलेली बहुमुल्य माहीती शेअर करावेसे वाटत असेल तर तुमच्या मार्गदर्शनासाठी आम्ही उत्सुक आहोत.

५)खर तर वयक्तीक कोणा एका व्यक्तीसाठी कीवा दुर्बल घटकासाठी अश्या प्रकारे मदत मागण्यात कसले वावगे वाटत नाही. पण एका सपुर्ण गावासाठी (म्हणजे गावात सर्व प्रकारचे लोक असून)त्याच्यासाठी येथे मायबोलीवर मी आव्हान करतोय या विषयी मला आपसुक वाईट वाटतय. परंतु काही गोष्टी मोकळ्या पणे इथे लिहतोय गाव जवळपास ७ ते ८ हजार वस्तीचे भलेमोठे असुन जवळपास आठशे ते हजार लोक इतरत्र स्थायीक असावेत परंतु अजुनही गावातुन पाहीजे तसा हातभार आमच्या या कामात मिळत नसुन(त्याची कारणे टीपीकल खेड्यात असतात तशीच समजावी) यापुढे मिळेल तिथुन मदत घेण्याचा आमचा कयास असुन सुरवातीचे हात मायबोलीकरांकडे पसरतो आहे.

-यदु (योगेश्वर पाटील)
सपर्क क्रमाकः- ८४२४००६१८८
पातोंडा परीसर विकास मंच

खाली काही छायाचित्र देतोय त्यानुसार सध्या परीस्थीचा आढावा घेता येईल.

१)खालचे सुरवातीचे तीन फोटो सुरवातीची परीस्थीत दाखवत आहेत.

२)आमच्या परीने रंग रगोटी केल्यानंतर बदलेले थोडस रुप

३) गावात विकास मंच च्या माध्यमातुन नुकतेच योग शिबीर सुरु केले त्याला मिळालेला प्रतिसाद.

४)विकास मंच अर्तगत आमच्या युवा जागर येथे आयोजित केले जाणारे लेक्चर ..

५)हा आमचा विकास मंच चा अधिकृत लोगो.