व वि सां का: 'दिवस जुळ्यांचा' आणि 'जोडीने ओळख'

'दिवस जुळ्यांचा' आणि 'जोडीने ओळख'

काळी जीन्स, काळा गॉगल, काळा टी शर्ट, काळा वर्ण असलेले दोन मायबोलीकर एकमेकांसमोर उभे आहेत. सगळं काळं काळं बघून एकदम 'गोविंदा... गोविंदा..' चे सूर ऐकू यायला लागतात. (कुणीतरी चटकन टेप बंद करतो.)
का. मा. १: तू...?
का. मा. २: तू...?
का. मा. १: ही काळी रंगसंगती....
का. मा. २: हो हो हीच काळी रंगसंगती...
का. मा. १: गॉगल फॅशनस्ट्रीटवरचा?
का. मा. २: हो... तुझाही?
का. मा. १: हो... बूट १० नंबरचे?
का. मा. २: हो... तुझेही?
का. मा. १: हो.... मायबोलीवर चार डुप्लिकेट आयडी?
का. मा. २: हो... तुझेही????
का. मा. १: हो... आवडता बीबी व्ही अँड सी?
का. मा. २: (अश्रुपात) हो हो हो... दादाSSSSSS.
का. मा. १: (गोंधळून) दादा?
का. मा. २: होय रे दादा होय. मायबोलीवर तुझं रजिस्ट्रेशन १ जूनचं नि माझं २ जूनचं. एकाच साली बरं.
जुन्या मायबोलीतून नवीन मायबोलीत येताना गर्दीत तू माझा हात सोडलास... तेव्हापासून जे बेपत्ता झालास तो इथे व विला दिसत आहेस. दादाSSSSSSSS

(दोघे यथाशक्ती अश्रुपात करतात.)

दृश्यबदल.

ते दोघे ओळखपरेडीसाठी उभे आहेत.
का. मा. १: (उत्साहाने) हा माझा जुळा भाऊ... नाव.... पत्ता... याचे आवडते बीबी... याचे डुप्लिकेट... (का. मा. २ घाईघाईने का. मा. १ चे तोंड दाबतो.)

का. मा. २: बस दादा बस.... माझी अल्पशी ओळख पुरे आहे रे.... इतकं का सांगतोस मज पामराविषयी? नको नको...

(दृश्य हळूहळू धूसर होत जाते.)

तर सज्ज व्हा वविकरांनो, आपापल्या हरवलेल्या जुळ्या वविकराला शोधायला. हा शोध तुम्हाला आत्तापासूनच सुरू करायचा आहे. आणि तुम्ही दोघे खरेच जुळे आहात हे व विला आम्हाला पटवून द्यायचं आहे. तसंच आपापल्या जुळ्याची ओळखही इतर वविकरांना करून द्यायची आहे.

नियम खालीलप्रमाणे:
१. मुंबईकरांनी पुणेकरांमधून 'हरवलेले जुळे' शोधावेत. तेच पुणेकरांनाही लागू. त्यांनी मुंबईकरांमधून जुळे शोधायचे आहेत.
२. जुळ्यांनी सारखेच दिसणे आवश्यक आहे. (उदा. एकाला चष्मा असेल तर दुसर्‍याने ० नंबरचा का होईना चष्मा लावणे अत्यावश्यक, नाहीतर हाच जुळा आहे, हे कळणे कठीण होईल.)
३. आपल्याशी अतिपरिचित असलेले वविकर शक्यतो निवडू नये. म्हणजे, नवरा - बायको जुळे म्हणून आपसूक बाद होतात.
४. आपल्या सापडलेल्या जुळ्याची इतर वविकरांना ओळख करून द्यायची आहे. त्यामुळे त्याच्याविषयी माहिती गोळा करणे, हे काम करायचे आहे. त्या जुळ्यानेही तेच करणे अपेक्षित आहे.
५. खाली मदत म्हणून मुंबईकर व पुणेकर वविकरांची आतापर्यंतची यादी दिली आहे. जुळे शोधा आणि इथेच जुळे सापडल्याची पोस्ट टाका म्हणजे आम्ही यादी अपडेट करू.

काही शंका असल्यास 'विचारा तुम्ही, सांगतो आम्ही'.

मुंबईकर्स:
.
इंद्रधनुष्य
शोनूनिल १
शोनूनिल २
मंजुडी
नील वेद
योगायोग
गौरवी १
गौरवी २
आनंदसुजू
ऍश अनन्या
आनंदमैत्री
रीना
भ्रमर विहार
घारूअण्णा
स्वा_२६
अज्जुका
यो रॉक्स
किशोर मुंढे

पुणेकर्स:
.
केमयुरेश२००२ १
केमयुरेश२००२ २
यशवर्धन १
यशवर्धन २
अरभाट
अटल्या
हिम्सकूल १
हिम्सकूल २
अरुण
पीएसजी १
पीएसजी २
राज्या
रामचंद्रसी
साजिरा
आदित्य_डी १
आदित्य_डी २
चिन्मय १
चिन्मय २
महादेवा
गोविंदा

*येथे १ आणि २ म्हणजे मायबोलीकर व त्याचे अर्धांग असे समजावे. लहान मुलांचे नंबर अपूर्णांकांत येतील, म्हणून त्यांना यातून वगळले आहे.
*जुळे शोधायबाबत एक उदाहरण: समजा, इंद्रा व मयुरेशने ठरवले की मयुरेश आणि तो जुळे आहेत तर त्यांनी पोस्ट टाकायची इथे 'इंद्रा - मयुरेश' अशी. त्यांची नावे मग लिस्टमधून कमी केली जातील. राहिली, तर तिळे वगैरे बनायचे.
*नवीन वविकर्स रजिस्टर होतील तशी तशी त्यांची नावे इथे येतीलच.