कलरफुल क्रिस्पी सलाड

झुकिनीच्या गोल सालासकट (खूप पातळ नको) चकत्या किंचीत तेलावर खरपुस परतून घ्याव्या. ओव्हनमध्ये ग्रील केल्या तरी चालतिल. मी पॅनमध्येच परतून घेतल्या होत्या. त्यानंतर त्या चकत्या भांड्यात काढून घ्याव्यात. गाजराच्या लांब व पातळ चकत्या (मी सोलाण्याने लांब, दोन बोटं रुंदीच्या पातळ चकत्या केल्या होत्या) पॅनमध्ये थोडावेळ बिनातेलाच्याच परतून घ्याव्यात. थोड्या क्रिस्पी होतात. या चकत्या झुकिनीच्या परतलेल्या चकत्यांवर वाढाव्यात. त्यात अर्धवट शिजलेल्या बीन्स (मी २-३ मिनीट उकळून घेवून त्यावर थंड पाणी घातलं होतं) घालाव्यात. यात ऑलिव्ह्ज घालावेत. पाव चमचा राइस व्हिनेगर, चिमुटभर साखर, थोडंसं पिझ्झा सिझनींग किंवा मिक्स हर्ब्ज, चवीप्रमाणे मीठ आणि २ चमचे ऑऑ मिक्स करून सलाडवर घालाव. वरून भाजलेले तिळ घालावेत आणि नंतर हे सगळं सलाड हलक्या हाताने मिक्स करावं