रविवार

Submitted by sanika11 on 30 July, 2009 - 12:34

नको क्लास, नको त्रास, देऊ अभ्यासाला बुट्टी,
नाचू, बागडू,मजा करू, आज रविवारची सुट्टी

बाबासंगे अंघोळ करू,
फेस शाम्पूचा हाती धरू,
जमवू आज घरी आनंदाची भट्टी,
नाचू, बागडू,मजा करू, आज रविवारची सुट्टी,
आज रविवारची सुट्टी.

आईमागे उगाच धावू,
गडबडगोंधळ करून पाहू,
दणाणून टाकू, गाऊनी वरची पट्टी,
नाचू, बागडू,मजा करू, आज रविवारची सुट्टी,
आज रविवारची सुट्टी.

आजी-आजोबांना हसवू,
ताई-दादाला कधी फसवू,
कट्टी, करू कधी त्यांच्याशी गट्टी,
नाचू, बागडू,मजा करू, आज रविवारची सुट्टी,
आज रविवारची सुट्टी.

गुलमोहर:

बालकविता

शेअर करा

मस्तच

मस्तच सुट्टी.....
आम्ही , सुट्टी ... म्हातारी बुट्टी असं म्हणायचो.

Submitted by श्री on 30 July, 2009 - 22:22

छान आहे

छान आहे सुट्टी .

Submitted by छाया देसाई on 30 July, 2009 - 23:01

मस्त मी

मस्त मी सानुला वाचुन दाखवणार आज

कट्टी, करू कधी त्यांच्याशी गट्टी,>>> इथे थोडी लय सुटल्यासारखी वाटतेय. एखादा दोन अक्षरी शब्द घालुन जर वाक्य फेरफार करता आले तर? अस आपल माझ मत

--------------------------------------------
गेला क्षण हा काल असे, उद्या न वेड्या येत असे
नव्या उषेचे गाणे गात, आज आजची करुया बात

Submitted by कविन on 30 July, 2009 - 23:28

धन्यवाद

Submitted by sanika11 on 30 July, 2009 - 23:45

रविवाराय

रविवाराय धमालः
.........................................................................................................................
भेटती अनोळखी चेहरे कधी कधी
आपले जणू नवे चेहरे कधी कधी

Submitted by कौतुक शिरोडकर on 31 July, 2009 - 01:50