मिनी मोका चिजकेक्स(फोटोसह)

प्रथम क्रस्टसाठी बिस्किटांच्या चुर्‍यात साखर घालून नीट मिसळून घ्या. आता त्यात वितळवलेले बटर घालून मिश्रण फोर्कने नीट ढवळून घ्या. कॉफी सिरपसाठी एका छोट्या वाटीत कोमटपाणी, साखर आणि कॉफी ग्रॅन्युल्स घालून चमच्याने ढवळून एकजीव मिश्रण करुन घ्या.

१२ कप -मफिन पॅनमधे कपकेक लायनर्स लावून घ्या. मफिन पॅन नसेल तर कुकीशीटवर १२ कपकेक लायनर्स मांडा. त्यात तळाला क्रस्ट्साठी केलेले मिश्रण घालून शॉट ग्लासने किंवा बोटांनी दाबून फर्म क्रस्ट करुन घ्या.

ओवन ३०० फॅ. ला प्रीहीट करत ठेवा. साधारण २ कप पाणी ओवनसेफ पॅनमधे घालून ते पॅन ओवनच्या खालच्या रॅकवर ठेवा.

एका मोठ्या बोलमधे क्रिमचीज घ्या. त्यात साखर घालून हॅन्ड मिक्सरने मस्त क्रिमी होईपर्यंत बीट करा. आता त्यात कॉफीसिरप घालून १ मिनिट बीट करा. १ अंडे फोडून घाला. अंडे नीट मिक्स होईपर्यंत बीट करा. आता हे मिश्रण कपकेक लायनर्स मधे पळीने घाला. कपकेक लायनर्स बरताना वरच्या कडेच्या साधारण पाव इंच खाली इतपतच भरा. या कामासाठी आईसक्रिम स्कूप वापरल्यास काम झटपट होते.

मफिन पॅन /कुकी ट्रे ओवनच्या मधल्या रॅकवर ठेवून १६-१८ मिनीटे बेक करा. केक बाजून सेट आणि सेंटर थोडे हलतेय्/ओलसर आहे असे झाले की बाहेर काढा.
अर्धा ते एक तास वायर रॅकवर गार होऊ द्या. मग फ्रीजमधे कमीत कमी ४तास ठेवा. मी रात्रभर ठेवते. मिनी चीजकेक तयार आहेत. आवडत असल्यास आणि वाढीव कॅलरीज चालणार असल्यास चीजकेकवर चॉकलेट ग्लेज, व्हिप क्रिम घालू शकता.