बेक्ड/तळून मटार-करंजी आल्याची चटणी बरोबर

पारी:
१. कणीक, रवा , मीठ, साखर एकत्र करून त्यात गरम तूप ओतून घेवून करून घ्यायचे. अतिशय घट्ट अशी कणीक भिजवून घ्यावी दूध लागेल तसे टाकून. फ्रीजमध्ये झाकून ठेवावी. करायच्या आधी काढून मग पुन्हा मळावी.
२. सारण:
मटार कच्चेच ठेचावे.
आता बेताचे तेल पातेल्यात घालून आधी हिरवी चटणी घालावी. चटनी जळू न देता मटार त्यावर घालावे.
मग खोबरे घालावे. एखाद दुसरी वाफ काढावी झाकण न ठेवता. मग कचोरी मसाला लिंबू रसात घोळवून घालावा. वरून काजू व बेदाने घालावे व सारण गार करायला ठेवावे.
आता पारीचे पीठ खूप मळून घ्यावे.
पोळी बनवून पुन्हा आता पीठी भूरभूरावी व लडी वळवावी.
मग सुरीने गोळ्या कापाव्या(पापडाला कापतो तश्या).
गोळी लाटून,सारण भरून, करंजीचा आकार नाहितर कचोरी सारखे वळून तळावे.
नाहितर २७५ फॅरेनहाईट वर तास भर भाजाव्या. मध्येच अर्धा तासाने पलटाव्या.
हिरवी चटणी नाहितर आल्याची चटणी बरोबर द्यावे खायला.