मटार उसळ फॅन क्लब

पोळीशी न खाता येणारा एक मटाराचा प्रकार दिला तर चालेल का?

ओगले आज्जींनी मटार बर्फी आणि मटार घालून संत्र्याची बर्फी पण दिलीय.. मी नाही केली ( अजून ) कुणी केलीय का ?
पुर्वी लग्नाच्या रुखवतात मटाराची विड्याची पाने ठेवत असत. त्याची कृती बर्फीसारखीच अहे.

@अगो, बाबू वडापाववाला म्हणजे पार्ले टिळक शाळेजवळचाच ना? की आणखी कोणी?
@शर्मिला, रुची कुठे आहे? 'आमच्या इथे रुचीकडे ताज्या मटारच्या गरमागरम करंज्या मिळतात. दुपारच्या चहाबरोबर मस्त.' हे वाचून रहावलं नाही.
मंजूडी या अवांतर चौकश्यांबद्दल सॉरी.

मी फॅन क्लबाची पर्मनंट मेंबर आहेच.

रुची कुठे आहे? >>> पार्ल्यात हनुमान रोडवर.

अग खूप काही विशेष पदार्थ नाही म्हणून इथे देऊ का विचारलं...

ओके शर्मिला. थँक्स.

रिक्शा - गरमागरम मटार

भारी. आजच फ्रोझन मटारची करणार. कायम चिंच-गुळ-गोडा मसालावाली खाल्लेली, आणि इतकं काय कौतुक असतं मटार उसळचं असंच वाटतं आलेलं. पण इथल्या रेसिप्या तोंपासु आहेत. तर्रीवाली पासून सुरुवात. बरोबर थोडा कडक-कडा असलेला स्लाईस ब्रेड मस्त लागेल. जमली आणि लक्षात राहिलं तर फोटो डकवतो.

मस्तं धागा आहे. वाचून आज मटरउसळ कराविशी वाटतेय.

ही पाककृती आधी कुठेतरी लिहिलीय, तरी इथेपण टाकते:

भरपूर कोथिंबीर, हिरव्या मिर्च्या, आल्याचा तुकडा, लसूण पाकळ्या आणि ओलं खोबरं बारिक वाटून घ्यायचं. तेल किंवा साजुक तूप गरम करून त्यात जिरं, हिंग घालून फोडणी करायची. बारिक चिरलेला कांदा यात परतून घेऊन हिरवं वाटण घालून पुन्हा भरपूर परतायचं. यात मटरदाणे घालून एकत्र केल्यावर रस्सा जितका पातळ हवा त्यानुसार आधणाचं पाणी घालायचं. वरून मीठ आणि थोडी (ताजी) लवंग-दालचिनीपूड घालायची. एक उकळी आणायची. उसळ वाटीत घेतल्यावर थोडं लिंबू पिळायचं. चपात्या, पराठे, पुर्‍या, भात सगळ्यांबरोबर खाल्ली. पण ज्वारीच्या भाकरीशी हा प्रकार बेस्ट लागला.

मस्त धागा! मी पण मटार उसळ फॅन!

मृणमयी च्या रेसिपीने करते पण कांदा नाही घालत.

कोंकणी प्रकारचे बटाटा व मटारचे नारळाच्या दुधातले आंबट कसे करतात? मला माहिती असलेल्या कृतीत लाल सुक्या मिरच्या तेलात परतून नारळ व चिंचेच्या कोळाबरोबर मिक्सरवर एकजीव वाटतात. एकीकडे बटाट्यांच्या फोडी पाण्यात शिजवायच्या, त्या शिजत आल्या की त्यात हे ना दू घालायचे. मटार घालून शिजवायचे. मीठ घालायचे. तेलात कांदा क्रिस्पी परतून तो वरून घालायचा. अशीच कृती आहे की आणखी काही वेगळी कृती आहे?

अरुंधती, चिंच ऐवजी आमसूल घालून खाल्ले आहे. रंग जास्त चांगला येतो.

मटार उसळ आवडते पण ताज्या मटारची असेल तरच. आमच्याकडे मोंढ्यावरून तडक घरी पोत्यानं मटार यायचे. दिवसभर जसा वेळ सुटेल तसं प्रत्येकाकडे ते सोलायची ड्युटी असायची. हिवाळ्यातल्या कोवळ्या उन्हात अंगणात बसून मटार सोलत बसायला मजा यायची. ताजे कोवळे मटारदाणे मात्र नुसतेच खावेत, उसळ-बिसळ करून त्याचा सत्यानाश करू नये. सोलता सोलता दाणे खाली पडले तर त्या घरंगळणार्‍या दाण्यांचा पाठलाग करायला मांजरीच्या पिलांना भारी मजा येते. दाणे पकडीत आले की एखादी मोठी शिकार मिळाल्याच्या थाटात ते आपल्याकडे बघतात. एकदम मिलियन डॉलर मोमेंट असते ती. त्यामुळे उगीच एखाद-दुसर्‍या दाण्यासाठी त्या पिलांवर डाफरू नये. ~समाप्त~

मी पण या क्लबात! तर्रीदार, गोडा मसाला सगळे प्रकार आवडतात. मंजूडी, मी मृ ने दिलीये तशी हिरवं वाटण लावून कांदा वगळून उसळ करते ती अगदी छान हिरवीगार दिसते.

मटार पराठे , मटार मोमो करंज्या हेही इथे लिहावे.

धाग्याचे नाव नुस्ते मटार फ्यान क्लब ठेबावे.

वेल मी पण बहुतेक या क्लबात. म्हणजे मटार उसळ आवडतेच, पण फार वेळा केली नाही जात. बहुतेक विसरून जाते मी.
अकु, जोशींची मटार करंजी!! काय आठवण काढलीस!

कुठे आहेत हे जोशी? नाव-पत्ता द्या.

नवीन कर्नाटक हायस्कुल माहीतीय का? एरंडवण्यातले? तिकडे, समोरच्या गल्लीत आहे डाव्या हाताला 'जोशी स्वीट्स'. समोरच गणेश भेळ आहे. जोशींकडच्या मटार करंज्या व उकडीचे मोदक हे असतातच आमच्या घरी कायम.

गणेश भेळ आणि जोशी एवढं लक्षात ठेवेन. बाकी डोक्यावरून. थँक्स

एरंडवणा पण लक्षात ठेव, तृप्ती

अगं तृप्ती, पुण्यात गणेश भेळ व जोशी इतकंच लक्षात ठेवलंस तर कसं व्हायचं. एरंडवणे लक्षात ठेव.

मी पण ठेवीन हो लक्षात.

मटार कधीतरीच वापरला जातो. मंजुडीचा फोटो मस्त! बहुतेक ३१ ला पार्टीला हीच उसळ व ब्रेड करावे वाटत आहे. पण अर्थात फ्रोजन वापरुन, ताजी नाही.

तृप्ती, मांजरीबद्दल अनुमोदन. मस्त लिहिलयस. आमची तिनी पोरं कागदाचा तुकडा पडला तरी पकडायला धावतात. (काही गोष्टींसाठी मात्र डाफ्रावं लागतं बिचार्‍यांना, विलाज नाही) असो, मटारात मांजर आणायचा मोह टाळुन थांबत आहोत.

ही सगळी पोस्ट मेलून ठेवली आहे

वा ! छानच धागा.
लेखात जो फोटो दिलाय तो अगदी यम्मी आहे. बटर तंदुरी रोटी असेल तर मज्जाच.
पण त्यात पाणी घातल्यानंतर त्याला उसळ म्हणता येतं का ?

आम्ही पातळ उसळ म्हणतो

पातळ आणि घट्ट्ला आम्ही उसळच म्हणतो.

काऊ गं...
मला नाही कळत इतक्या सोप्या गोष्टी सुद्धा.