दाल कचोरी

एका लहान नॉन स्टीक पॅन मध्ये भिजवलेली उडदाची डाळ त्यात साधारण पाऊण वाटी पाणी घालुन शिजायला ठेवावी..चमच्याने ढवळत रहावे.डाळीतले पाणी उकळायला लागले कि त्यात चमचाभर तेल ,हिंग ,जिरे,बडीशोप्,खडबडीत केलेले धणे, लवंग -मीरे पुड घालुन मिश्रण ढवळावे.त्यातील पाणी थोडेसे उरले कि त्यात दिड चमचा बेसन ,३/४ टीस्पून तिखट चवीपुरते मीठ आणि लिंबाचा रस घालुन परतावे.२ ते ३ मिनिटांनी पुन्हा परतुन गॅस बंद करावा व मिश्रण थंड करायला एका प्लेट मध्ये काढुन ठेवावे.थंड झालेले मिश्रण मिक्सरमधे फक्त एकदाच फिरवून घ्यावे.त्यात कोथिंबीर व पुदिना पाने घालुन या मिश्रणाचे गोल लाडू वळावे.
तयार सारणः--

पारीसाठी मैदा,तेल व मीठ घालून छान मिक्स करावे. कणिक पराठयासारखी मळुन घ्यावी.वरुन तेलाचा हात फिरवून ५ मिनिटे ठेवावी.या कणकेच्या गोळ्याचे लहान लहान ६ गोळे करावे.
मैद्याच्या गोळ्याला तळहातावर पुरीसारखे थापावे त्यात डाळीचा गोळा भरावा त्याची दोन्ही तळहाताने दाबुन कचोरी करावी..इथे दोन्ही गोळे एकसारखेच मऊ असावे.
लहान कढईत तेल तापायला ठेवावे.तेल छान तापले कि गॅस बंद करावाव तेल थोडे थंड होऊ द्यावे. गरम तेलावर आलेले बुडबुडे विरले कि तेल थंड झाले.आता त्यात कचोरी सोडावी. एकावेळी २ किंवा ३ च कचोरी सोडावी.मधुन मधुन २-३ वेळा कचोरीवर कढईतील तेल उडवावे.असे केल्याने पुरीची पारी खुसखुशीत होते.कचोरी तरंगुन वर आली
कि कचोरीची बाजु बदलावी .गॅस चालू करावा.आच मंद ठेवावी.. गुलाबी रंग येईपर्यंत दोन्हीकडुन खरपूस तळावी.अशा सर्व कचोर्‍या तळाव्या.

तळलेल्या गरम कचोरीवर सुरीने मधे उभे- आडवे /बेरजेच्या खूणेसारखे कापावे त्यामध्ये पुदिना चटणी भरावी त्यावर चिंच चटणी व बारीक शेव घालुन खायला द्यावी.