Name: गुरखाली चटणी
Cook time: १५ मिनिटे
Yield: खाल तसे.
Ingredients: उकडलेले बटाटे; तीळ; हिरवी मिरची; कडीपत्ता; कांदा; लिंबू; कोथिंबीर; मीठ; हळद; फोडणीकरता तेल; मोहरी; हिंग.

Submitted by प्राची on 25 April, 2014 - 02:59

प्रत्यक्षात लागणारा वेळ:

१५ मिनिटे

लागणारे जिन्नस:

उकडलेले बटाटे,
तीळ,
हिरवी मिरची,
कडीपत्ता,
कांदा,
लिंबू,
कोथिंबीर,
मीठ,
हळद,
फोडणीकरता तेल, मोहरी, हिंग.

क्रमवार पाककृती:

१. बटाट्याच्या भाजीला करतो तसे बटाटे चिरून घ्यायचे.
२. तीळ खमंग भाजून पूड करून घ्यायची.
३. फोडणी करून कडीपत्ता, मिरची घालून थोडी हळद घालायची.
४. आता बटाट्याच्या फोडी घालून परतून घ्यायच्या.
५. वरून मीठ आणि तिळकूट घालून नीट परतून घ्यायचे. तीळकूट बटाट्याच्या फोडींना नीट लागले पाहिजे.
६. आता गॅस बंद करावा.
७. वरून कांदा उभा चिरून घालावा. कोथिंबीर चिरून घालावी.
८. लिंबू पिळून मिक्स करून घ्यावे.
९. गुरखाली चटणी तयार.

वाढणी/प्रमाण:

खाल तसे.

अधिक टिपा:

१. याला चटणी का म्हणतात ते मला माहिती नाही.
२. कांदा कच्चाच घालावा.
३. पोळीबरोबर मस्त लागतो हा प्रकार.