शेपु चिकन अर्थातच डिल चिकन

व्हिनेगर ऐवजी लिंबु पण चालेल. माझ्याकडे आज घरात लिंबु नव्हतं म्हणून मी व्हिनेगर घातलं.
व्हिनेगर घातल्यावर जरा आंबट चव वाटली म्हणून मग त्यात साखर घातली चिमुटभर.

काल मेथी चिकन करतो तसं शेपु चिकन करुया म्हणून वाटीभर निवडलेला शेपु बाजूला ठेवला होता. आज मायबोलीवर शेपु चिकन कुठे दिसतंय का बघितलं पण सापडलं नाही. ऐनवेळी करायला घेताना आधी नवर्‍याने आणि मग मी कच खाल्ली. शेवटी मेथी चिकनसारखं न करता लेमन चिकनप्रमाणे थोड्या प्रमाणात स्टार्टर करून बघावे असा विचार करून घरात असलेलं सामान वापरून हे चिकन केलं.
बटर वापरून छान होईल असं वाटत होतं, पण घरात बटर नसल्याने ऑलिव्ह ऑइल वापरलं. आणि त्याची चव आली.
काहीच तिखट, मसाला न घातल्याने बरं लागेल की नाही अशी शंका आल्याने ऐनवेळी पिझ्झा सिझनींग अ‍ॅड केलं.

पोरगा चिकन खात नाही सहसा म्हणून त्याला एकच पीस वाढला होता. पण त्याने तो संपल्यावर आमच्या दोघांच्याही ताटातून मागून घेतलं. म्हणजे एकूण प्रयोग सफल झाला असं म्हणायला हरकत नाही.