हुलग्याची उसळ आणि सार

कोकण साईडच्या लोकांना शेंगोळया माहिती नाही आणि घाटावर कुळथाचे पिठले माहिती नाही असे बहुतेकदा होते.

मलापण शेंगोळया माहिती नव्हत्या, मी श्रीरामपूर येथे नवऱ्याच्या नोकरीनिमित्ताने पावणेचार वर्षे होते तेव्हा मला शेगोळ्या पदार्थ माहिती झाला, कुळीथाला हुलगे म्हणतात तिथे, आणि मी तिथल्या आमच्या मालकांच्या कुटुंबाला कुळथाच्या पिठल्याची ओळख करून दिली.

गजानन, काय भुललासी वरलिया रंगा

व्हय जी... आक्षी तसंच म्हणायला हवं...

कुळथाची पिठी कशी करतात ?

कुळीथाच्या पिठल्यासाठी लागणारे पीठ कसे कसे करतात?
अर्धवट माहितीच्या आधारे: कुळीथ भाजुन घ्यायचे.( की नाही?) त्यात भाजलेल्या सुक्या मिरच्या आणि धणे (भाजुन) जात्यावर भरडायचे....असे काहीतरी आईने सांगितलेले आठवते.

बर्‍याचदा बाजारात मिळणार्‍या पीठात हे नसल्यामुळे खमंगपणा नसतो.

मुंबईत असताना ऑफिसमधील एक कोकणातला शिपाई होता. त्याने आणलेले पीठ तसे होते. चौकशी केल्यावर त्याने सांगितले की त्याने कोकणातुन येताना जाते आणले आणि बायको दळून पीठ करते. बायकोला त्रास देतो म्हणुन त्याला शिव्या घातल्या पण २ कि. पीठही विकत घेतले. काय करणार तो खमंग वास घेतल्यावर राहावले नाही.

हे पीठ मिक्सरवर कसे करावे हे कोणी सांगेल का? किंवा असे खमंग वासाचे पीठ कुठे मिळेल?

मा. रोहित पिठी - काळसे गावात मिळेल..
बाकी तुम्ही सांगितलेले बरोबर आहे (सुक्या मिरच्या, धणे वगैरे).

मी पार्ल्याच्या प्रभुकृपामधून आणते कुळथाचे पीठ. पिठलं, शेंगोळ्या दोन्ही मस्त होतात.

देवकी, याच बाफवरच्या पहिल्या पानावर तेविसाव्या पोस्टीत मंजूडीने कुळथाच्या पिठल्याची/ कुळथाच्या पिठीची पाककृती लिहिली आहे. त्याच पानावरच्या पोस्टी वाचल्यात तर स्वाती_आंबोळे यांनी कुळथाच्या पिठल्याला स्वर्गीय चव कशी आणावी याची टिपही लिहिलेली आहे.

कुळथाची पिठी विनाताकाची ,पण खोबरे वाटून का नुसतं घालून करतात.नक्की आठवत नाही.

कुळथाची पिठी म्हणजेच पिठलं का? मला वाटलं पिठी म्हणजे पीठ.

पिठी म्हणजे पातळ सारासारखे असते.लहानपणी कधी फारशी आवडली नव्ह्ती त्याची चव,पण आता खावेसे वाटते आहे.

कुळीथ कधीच एकदम गाळ शिजत नाहीत का?

कुळीथ कधीच एकदम गाळ शिजत नाहीत का? <<< शक्यतो नाही.
माझ्या रेसिपीत बघशील तरः प्रेशर कुकरमधे १ शिट्टी काढून मग १५/२० मिनिटे कमी Flame वर शिजवावा लागतो. त्याशिवाय शिजत नाही..

देवकी: आमच्याकडे पिठी (पीठ) असते ती तयार म्हणजे मिरच्या, धणेपूड इत्यादी घालावे लागत नाही. त्याची पिठी करायची झाल्यास फक्त लसणाची फोडणी करतो.. त्यात भरपूर पाण्यात कालवून पीठ घालतो. वरून मीठ आणि थोडी चिंच किंवा आमसूल टाकतो.. आणि उकळवतो.. पण मला पिठी पेक्षा पिठलं आवडतं...

कुळीथ मंद गॅसवर प्रेशरपॅनमधे १०-१५ मिनिटे ठेवल्यास छान शिजतात.फक्त जुने कडधान्य लवकर शिजत नाही.

हुलग्याला मोड आणले तर चालतात का??

हुलग्याला मोड आणले तर चालतात का??>> मोड आणूनच कोणतेही कडधान्य खावे. चवळी नुसतीही छान लागते.

>>मोड आणूनच कोणतेही कडधान्य खावे.
बरोबर आहे पण काही कड्धन्यांन चालत नाहि असे मी ऐकलेले आहे म्हणून विचारले!! उदा.: सोयाबीन!!

सर्वसाधारणपणे मूग्,मटकी,चणे,पां.,का.वाटाणे,कुळीथ इ. कडधान्ये माझ्या मनात होती.
माझ्या माहितीप्रमाणे सोयाबीन थोडे भाजून गव्हाबरोबर दळतात.त्याची उसळ करतात की नाही हे माहीत नाही.

कुळथाची पिठी आमच्याकडे करतात. वेज वानोन्वेग्ज दोन्हि बरोबर छान. लहान पण पासून आवडीचे आणि बनवायलाही सोपे.

माफ कर प्राची थान्क्स म्हणायचं राहिले मी घाटावर दिली असल्याने माझ्या पिटी ला इतका मान नाही आहे . पण माझ्या मुली आवडीने खातात

आज कुळीथाचे /हुलग्याचे पीठ गावाहून साबांनी पाठवलेय...म्हणून हा धागा उघडला...मला शेंगोळी खूप आवडते...माझी आजी एकदम मस्त करायची...आता करेन म्हणतेय...पण इथे शेंगोळीची कृती कोणीच दिली नाहिये...प्लीज कोणाला माहित असेल तर द्या ना.

कुळीथ मिळतात इथे मला पण पीठ नाही. कायम पुण्यातून मागवून स्टॉक ठेवायला लागतो. कितपत भाजायचे, काय काय घालून भाजायचे याचं मार्गदर्शन कोणी करू शकेल का?

राजा, रसोई और अन्य कहानीयांमधला काश्मीरचा एपीसोड बघताना कुळीथ तिथे खुप आवडीने खाल्ले जातात हे कळल.