खीमा कोफ्ता करी

१- मटन खीमा, ओल्या फडक्यात गुंडाळून ४,५ वेळा पाण्यात बुडवून घट्ट पिळून स्वच्छ आणी कोरडा करून घ्या.
२) खीम्यात वरील सर्व मसाले ( कांदे,टोमॅटो वगळून) आपल्या चवीनुसार मिसळून लहान गोळे करून घ्या.एका पसरट स्टील च्या ताटलीत/ ताटात नीट लावून ठेवा.
३) एका जाड बुडाच्या प्रेशरकुकर मधे तेल गरम करा. गरम झाल्यावर आधी तेजपाने टाका, वरून किसलेला कांदा टाका.
४) गॅस अगदी बारीक करून कुकर वर खीमा कोफ्ते ठेवलेले ताट/ ताटली झाकण म्हणून ठेवा.

थोड्या वेळाने ताटली गरम होऊन कोफ्त्याना पाणी सुटेल. कोफ्त्यांचा रंग हळूहळू पालटू लागेल.
कोफ्तांना सर्व बाजूने सारखा रंग यावा म्हणून मधून मधून आलटत पालटत राहा. थोड्या वेळाने त्यांना सुटलेले सर्व पाणी आटून कोफ्ते ड्राय होतील.

५) ही प्रोसेस होत असताना मधून मधून कांदा सतत हलवत राहा. कान्दा छान ब्राऊन रंगावर झाला कि किसलेले टॉमेटो घाला. ते ही नीट परतल्यावर आलं लसूण पेस्ट आणी इतर सर्व मसाले चवीनुसार घाला. आता मसाला नीट परता.

६) हे सर्व होईस्तोवर आता कोफ्ते नीट ड्राय होतील हाताला टणक लागले पाहिजेत. कारण आता त्यांना मसाल्यात टाकून लाल रंग येस्तोवर परतायचे आहे. परतताना तुटायला नकोत म्हणून कंप्लीट ड्राय पाहिजेत कोफ्ते. हलक्या हाताने परतायची आवश्यकता नाही.

७) नीट परतल्यावर खीम्याचा वास जाईल आणी त्यांना छान रंग येईल. आता ग्रेवीकरता ,कोफ्ते बुडतील इतपत गरम पाणी टाका. कुकर ला झाकण लावून प्रेशर आलं कि एक १२ ते १५ मिनिटे शिजवा.
८) भांड्यात काढून वरून कोथिंबीर घाला.

पोळी/ भात कशाबरोबरही सर्व करा..