Name: मूर्ग हैदराबादी
Cook time: १ तास
Yield: अंदाजे ५

Submitted by जयवी -जयश्री अंबासकर on 27 January, 2013 - 22:50

प्रत्यक्षात लागणारा वेळ:

१ तास

लागणारे जिन्नस:

मॅरिनेशन :

चिकन – १ किलो
दही – १ कप
तिखट – २ टी स्पून
मीठ – १ टी स्पून
लिंबाचा रस – २ टी स्पून

ग्रेव्ही :

बारीक चिरलेला कांदा – २ कप
लसूण पेस्ट – १ टेबल स्पून
कोथिंबीर – अर्धा कप
पुदीना – अर्धा कप
हळ्द – १ टी स्पून
तिखट – १ टी स्पून
गरम मसाला – २ टी स्पून
मीठ – चवीनुसार
तळलेले काजू १०-१२
तेल – ४ टेबल स्पून

क्रमवार पाककृती:

१. मॅरीनेशन चं साहित्य चिकनला चोळून चिकन साधारण दीड तास मॅरीनेट करा.

२. कढईत तेल गरम झाल्यावर बारीक चिरलेला कांदा सोनेरी रंगावर तळून घ्या.

३. मग त्यात लसूण घालून थोडं परता.

४. त्यात हळद, तिखट, गरम मसाला, मीठ घाला.

५. आता त्यात चिकन चे मॅरीनेट झालेले तुकडे घालून परता.

६. मग त्यात अर्धा कप पाणी घालून नरम शिजवून घ्या.

७. शिजल्यानंतर त्यात बारीक चिरलेली कोथिंबीर, पुदीना आणि काजू घालून आणखी एक उकळी काढा.

८. मस्त चमचमीत तयार झालेलं चिकन कोथिंबीर आणि काजूचे तुकडे घालून सर्व्ह करा. तबीयत खुश होणारच

वाढणी/प्रमाण:

अंदाजे ५

अधिक टिपा:

दह्याचं मॅरीनेशन थोड्या आंबटपणासाठी. कारण ह्यात आपण बाकी काहीही आंबट घालणार नाही.
दही घातल्यामुळे छान मस्त तेल सुटतं असा माझा अनुभव आहे.
पुदीन्यामुळे एक मस्त आणि वेगळाच फ्लेवर येतो.
पिल्लाच्या वाढदिवसाला हा वेगळा प्रयोग एकदम सुपर डुपर हीट झाला त्यामुळे पिल्लु खुश ......पिल्लु खुश म्हणून आई पण खुश खुश