२ इन १ पाककृती : व्हेज स्पगेटी केक आणि व्हेजी फ्रिटाटा चे दोन प्रकार

दोन्ही अत्यंत सोप्पे प्रकार. वन डिश मिल्स

स्पगेटी केकः

१. स्पगेटी शिजवुन घ्या. अगदी गचगचित शिजवायची नाही. शिजली की चाळणीत घालुन पाणी काढुन टाका आणि थंड पाण्याखाली एकदा धुवुन घ्या.

२. अंडी, मिठ, दूध, मिरेपूड, हर्ब्ज आणि मैदा घालुन फेटुन घ्या. चिझ घालणार असाल तर थोडे या मिश्रणात घाला.

३. बारीक चिरलेल्या भाज्या, स्पगेटी आणि अंड्याचे मिश्रण एकत्र करा.

४. बेकिंग डिश / खोलगट तवा / केक टीन ला तेलाचा/बटरचा हात लावुन घ्या आणि त्यात हे मिश्रण ओता. वरतुन किसलेले चिझ पसरा.

५. १८० डिग्री से ला बेक करा. तव्यावर करणार असाल तर मंद आचेवर एका बाजुने भाजुन घ्या आणि मग बाजु पलटुन मग त्यावर चीझ घाला आणि मग दुसरी बाजु भाजुन घ्या.

६. ओव्हन मधुन बाहेर काढल्यावर थोडा वेळ थांबा आणि मग तुकडे कापा. सॅलॅड आणि सॉस बरोबर सर्व्ह करा. हवा तर सोबत गार्लिक ब्रेड ही खा

---------

फ्रिटाटा १: मिक्स्ड व्हेज फ्रिटाटा:

१. तव्यावर थोडे बटर्/तेल घालुन कांदा, लसुण ट्रान्स्परंट होईतो परता.

२. यात बारिक चिरलेल्या भाज्या घालुन अर्धवट शिजेपर्यंत परता.

३. भाज्या थोड्या थंड झाल्या की यात अंडी, मिठ, दूध, मिरेपूड, हर्ब्ज आणि मैदा घालुन फेटलेले मिश्रण घाला चिझ घालणार असाल तर थोडे या मिश्रणात घाला.

बाकी कृती जवळजवळ वरील प्रमाणेच.

---------

फ्रिटाटा २: कॅरॅमलाईज्ड ऑनियन फ्रिटाटा:

आज परत केला होता फ्रिटाटा. या वेळेस जरा वेगळ्याप्रकारे केला.

१. कांदे चिरुन कॅरमलाईज केले.

२. भाज्या (कॉलिफ्लावर, किसलेले गाजर, पालक) चिरुन त्यात चीझ मिक्स केले आणि ते बेकिंग डिश मधे घातले.

३. अंडी + फ्रेश रेड रोस्ट पेपर्स + फ्रेश इटालियन हर्ब सॉस+ दूध + मिठ + मैदा एकत्र फेटुन घेतले आणि मग भाज्यांवर ओतले. त्यावर कॅरॅमलाईज्ड कांदे पसरले आणि मग वरतुन चिझ पसरले आणि बेक केले