बाटी लाडू..

हे लाडू /चुरा वेगवेगळ्या रितीने करतात.त्याप्रमाणे प्रत्येक चवीत थोडा बदल होतो.
१] बाटी भाजुन,२]बाटी तूपात तळुन, ३] बाफला करुन,४]जाड पराठे मंद आचेवर तूपावर खरपुस भाजुन, ५] पिठाला थोड्या तेलाचे मोहन , दूधावरची साय व अगदी थोड्या कोंबट दुधाचा शिबका देवुन हे किंचित ओलसर झालेले पिठ भरपूर तूपात भाजुन त्यात पिठीसाखर घालतात. ६]चवीपुरते मीठ व तेलाचे मोहन घालुन दूध किंवा पाण्यात पिठ भिजवायचे .त्याच्या पातळ पोळ्या लाटून त्या तूपावर अगदी मंद आचेवर कुरकुरीत होईपर्यंत खाखर्‍या सारख्या भाजायच्या व त्यांचा हातानेच अगदी बारीक चूरा करायचा. या चूर्‍यात भरपूर काजु व बदाम तुकडे व चवीप्रमाणे थोडी पिठी.साखर--हे फार गोड नसते--घालुन करतात. हा कुरकुरीत गोडसर चूरा फ्रिज बाहेर टिकतो .अति थंडी असते तेव्हा खाण्याची पद्धत आहे.भरपूर उष्मा -उर्जा मिळते.

दिनेशदा , खर्‍या एका लाडवाच्या मिश्रणात मी ३ लाडू केले आहेत त्यामुळे लहानसे २ लाडू खाल्ले कि मस्त तृप्ती येते कि २ सबंध [आख्खे ]लाडू खाल्ले...तिथले भरपूर सुका मेवा युक्त अडदिया लाडू / पिन्नी लाडू /मेथी लाडू ही आकाराने मोठ्ठे असतात.

नंदिनी हीच पद्धत आहे.पण बाटी पेक्षा बाफले कर्.आतुन मऊ /नरम असतात.बाट्या वळुन एका मोठ्या पातेल्यात चमचाभर तेल व बाट्या बुडतील इतके पाणी घालुन ते उकळवायचे ंअंतर त्यात बाट्या सोडुन त्यावर ताट झाकायचे ५-७ मिनिटानी झार्‍याने ढवळायचे. अजुन ५ मिनीटानी हे बाफले एका कापडावर पाणी टिपण्यासाठी ठेवायचे .नंतर भाजायचे ओव्हन नसेल तर थोड्या तूपात तळायचे.भाजलेली/तळलेली बाटी तळहातात कापड घेवुन त्यावर ठेवुन ती हाताने दाबायची जेणे करुन बाटीला तड पडुन आतील वाफ बाहेर निघुन बाटी/बाफला नरम होईल नंतर तूपात घोळवावा..

नंदिनी,ओव्हन असेल तर २०० वा २५० डिग्री [आधी प्री-हीट] करुन साधारण १५ मिनिटे लागतात.पण सतत ५ -५ नंतर ३-३ मिनिटांनी जागा व बाजु बदलावे.थोडा गुलवट रंग आला कि ती बाटी ओव्हन बाहेर काढावी.ओव्हन किती मोठा[स्पेस्]आहे, बाटीची जाडी व एकुण बाटी- संख्या किती आहे त्यावर वेळ अवलंबुन असतो.एकदा केले कि तुला अंदाज येईल्.तसेच पिठ भिजवताना पराठ्यासारखे मऊसर [पुर्‍यांसारखी घट्ट नको] हवे.घट्ट असली तर पाण्याचे प्रमाण कमी झाल्याने भाजताना बाटी कडक/टणक होईल.
पिठ [गहू/मका चालेल ..गहू-पि ठ असेल तर थोडा जाड रवा घालायचा मका-पिठ तसेच घ्यायचे].गरम तेलाचे मोहन, हळद्,भरपूर ओवा, मिठ ,किंचित खा.सोडा /बे.पावडर,कसूरी मेथी,हि.मिरची-आले यांचे चवीपुरते वाटण घालुन पिठ भिजवायचे .अगदी लहान लहान पेढ्याइतक्या बाट्या करायच्या.कढईत अगदी कमी तूपात मंद आचेवर छान तळायच्या.[तळताना तूप फार लागत नाही]चहा-कॉफी बरोबर खायच्या.. सॉस,चटणी,लोणचे खार असले तर फार उत्तम. पोटभरीचा नाश्ता तयार होतो.