माबो ज्युनिअर शेफ्स १ - 'जस्ट स्टर अँड बेक चॉकलेट केक' (फोटोसहित)

सुरुवात करण्याआधी काही साध्याच पण महत्वाच्या गोष्टी:

स्वयंपाकघरात स्वयंपाक करण्यापूर्वी आणि करताना ज्युनिअर शेफ्सनी घ्यायची काळजी:

१. हात स्वच्छ साबण लावुन धुवुन घावेत.
२. केस नीट बाधुंन घ्यावेत.
३. साधे, अंगासरशी कॉटनचे कपडे घालावेत.
४. सूरी, कात्री, किसणी इ इ धारधार वस्तु वापरताना आई बाबांची मदत घ्यावी. बाजारात कमी धार असलेल्या मुलांना वापरता येण्याजोग्या सुर्‍या/कात्र्या मिळतात त्या वापराव्यात.
५. कुकटॉप वरुन भांडे उतरवताना/ ओव्हनमधुन केक काढताना/ मायक्रोवेव्ह मधुन बोल काढताना आई/बाबाची मदत घ्यावी.
६. सगळ्यात महत्वाचे म्हणजे कॉन्सन्ट्रेशन - अर्धे लक्ष इथे अर्धे टीव्ही वर चालु असलेल्या कार्यक्रमात असे नको - अ‍ॅक्सिडंट्स होण्याची शक्यता जास्त.
७. आई/बाबांना आपल्यापेक्षा थोडे जास्त कळते आणि जास्त अनुभव आहे तेव्हा त्यांचे ऐकावे

स्वयंपाकघरात स्वयंपाक करण्यापूर्वी आणि करताना ज्युनिअर शेफ्सच्या मोठ्या असिस्टंट्सनी (अर्थात आई/बाबांनी) घ्यायची काळजी:

१. मुलं स्वयंपाकप्रयोगात बिझी असताना त्यांना स्वयंपाकघरात अजिबात एकटे सोडु नका...

स्वत: आपल्या हाताने केलेला पदार्थ खाण्यात आणि खिलवण्यात आगळीच मजा आहे तेव्हा यंग शेफ्स, बी अलर्ट, बी सेफ आणि एंजॉय!!! हॅप्पी कुकिंग

--------------------

क्रमवार पाककृती:

१. सर्वप्रथम आपल्या असिस्टंटला ओव्हन १८० डिग्री सेंटीग्रेडला तापत ठेवायला सांगा. तोपर्य्म्त तुम्ही केक टीन ला बटर / ऑइलस्प्रे लावुन त्यावर थोडा मैदा / कणिक भुरभुरुन टीन तयार ठेवा.

२. आता एका मोठ्या भांड्यात मैदा/ कणिक/ सेरे फ्लार + बेपा/बेसो + साखर + मायलो/कोको एकत्र करा. हलक्या हाताने नीट मिक्स करुन घ्या. गुठळ्या अजिबात रहायला नकोत.

३. या कोरड्या मिश्रणात एका वेळेस एक अशी २ अंडी फोडुन घाला. त्यात दूध आणि पातळ केलेले बटर घाला. कुठला एसेन्स घालणार असाल तर तो ही घाला. आता हे मिश्रण लाकडी चमच्याने/स्पॅट्युलाने नीट एकत्र करा. हवे तर असिस्टंटची मदत घ्या.

४. हे मिश्रण आता तयार केलेल्या केक टीन मधे ओता. केक टीन हलकेच एक दोन वेळा ओट्यावर आपटा म्हणजे मिश्रण सगळीकडे नीट पसरेल.

५. आता हा टीन गरम ओव्हनमधे ठेवायला असिस्टंटची मदत घ्या.

६. २०-२५ मिनीटात केक तयार होइल केक तयार होईपर्यंतच्या मधल्यावेळात ओट्यावरचा पसारा आवरा. (वेळ उरला तर एक कार्टुन बघा / मित्रमैत्रिणीशी एक फोन कॉल करुन घ्या ). केक तयार आहे का हे चेक करायला आणि झाला असेल तर बाहेर काढुन ठेवायला असिस्टंटची मदत घ्या.

७. तयार केक जाळीवर काढुन ठेवा आणि पूर्णपणे थंड होऊ द्या.

८. थंड केकवर आपल्या आवडीपनुसार चॉकलेट आयसिंग / सॉस / स्प्रिंकल इ इ लावुन डेकोरेट करा आणि असा मस्त तुम्ही स्वत: बनवलेला केक गट्टम करा. तुमच्या असिस्टंटला त्याच्या मदतीच्या मोबदल्यात केकचा एखादा तुकडा द्यायला विसरू नका हां

हा आमचा मि. चॉकीवॉकी

आणि हे बाबासाठी चॉकहार्ट