केर-सांगरीची राजस्थानी भाजी.

मी फक्त लोणचे खाल्लेय याचे, तेही राजस्थान मधेच.
बाय द वे, सांगरी म्हणजे आपला शमी. (हो तोच पांडवांनी शस्त्रे ठेवली होती तो,
गणेशपत्री मधे असायला हवा तो.) राजस्थानचा राज्यवृक्ष आहे तो.

इंटरेस्टिंग!!

करुन पहाणे होणार नाही... राजस्थानात गेले तर नक्की ट्राय करेन किंवा तुमच्याकडे येइन

सुलेखा मी पण ही भाजी खाल्ली आहे. माझ्या मारवाडी मैत्रिणीकडे वर्षातून एकदा ही भाजी होते,तेंव्हा ती मला पाठवते.राजस्थानात ही खूप महाग मिळते.असे तिने सांगितले.पण खूप पौष्टीक असते असेही ती म्हणाली.मला वाटते अतिशय उन्हाळ्यामुळे ह्या भाज्या तिकडे वाळवून ठेवत असतील.

वा!! मस्त पाककृती.
पण आपण स्वत: करून खाण्यापेक्षा राजस्थानी मैत्रिणीला करून आणायला सांगणे जास्त सोप्पं वाटतंय.

मागच्या आठवड्यातच खाल्ली होती ही भाजी. कोणत्या पद्धतीने केली होती याची कल्पना नाही पण काहीशी उग्र चव असते याची.

सुलेखा तुम्हाला राबोडीची भाजीची कृती येत असेल तर द्या ना. मी खूप पूर्वी एका मित्राच्या डब्यात खाल्ली होती. जैन लोक त्यांच्या तिथीच्या दिवशी बर्‍याचदा ही भाजी करतात. भाजी अजून लक्षात रहायला दोन कारणे आहेत - १. अप्रतिम चव २. ठाण्यामधे या नावाचा एक भाग आहे

सुरेखा, पाककृतीबद्दल धन्यवाद. ही माझी आवडती भाजी आहे. पुण्यात केर सांगरी कुठे मिळेल, कुणाला माहिती आहे का?

पुण्यात केर सांगरी कुठे मिळेल, कुणाला माहिती आहे का?>>>>>>> पुणे मंडईत दोन दुकाने आहे जिथे चांगली व रास्त किमतीत मिळेल्(तसेही खूप महाग आहे एथे) ......तसेच मार्केट यार्ड मध्येही दोन - तीन ठिकाणि मसाले विकतात तिथे मिळते.......पण आम्ही वर्षभराचा स्टॉक गुजरातहुन मागवतो.....

अवांतर........ ही भाजी भिजवताना आंबोळ्या थोड्या टाकतात या भाजीत (आंबोळ्या - कैरीचे काप करुन वाळवतात)

धन्यवाद योगुली आणि सुलेखा.

विनोद दुआच्या जायका इंडिया का की अशाच कोणत्या तरी कार्यक्रमात पाहिली होती, तेव्हापासून हे नाव लक्षात आहे. खायची संधी येणे कठीण

मस्त. मैत्रिणीकडे भिजत घातलेली भाजी बघितली आहे पण खाल्लेली नाही.
मयेकर, जोधा अकबरमध्ये जोधाबाई स्वतःच्या हाताने केलेलं जेवण अकबराला वाढते त्यातही केर सांगरी असते.

आत्ताच केर सांगरीची भाजी राजस्थानी मैत्रिणीकडे खाऊन आले.तुम्ही इथे रेसिपी लिहिल्याचे आठवत होते म्हणून मुद्दाम सांगायला आले. एकदम वेगळ्या चवीची भाजी आहे पण फार टेस्टी लागते. मैत्रिणीच्या सासूबाई केर, सांगरी,काचरी, कुमाट(? ) आणि लिसोडे अशा वाळवलेल्या भाज्यांचा पॅक भारतातून घेऊन आल्या आहेत. जयपूरच्या सुपरमार्केट्स मध्ये तयार पॅक्स मिळतात असे कळले. खाली चित्रात दिसतेय तशीच तयार भाजी दिसत होती. तयार भाजी बघून मला आधी वाटले की त्यांनी फणसाची भाजी केलीये