ट्री हाऊस इंटरनॅशनल स्कूल बद्दल माहिती हवी आहे

आई गं. एवढ्याश्या पिल्लांची परिक्षा आणि इंटरव्ह्यु? प्रवेशासाठी हल्ली अशी परिक्षा किंवा मुलाखत घेता येत नाही असं ऐकलं होतं मी तर. इथे तर पालकांची मुलाखत पण घेतली जात नाही. जर एखाद्या शाळेने तसं काही केलं आणि त्याबद्दल तक्रार केली गेली तर चौकशी होवून कार्यवाही होवू शकते. पण इथे केजीनंतर शाळा बदलणं किंवा प्रवेश घेणं खूप अवघड आहे कारण शाळांमध्ये रिकाम्या जागा नसतातच बहूदा.

डि.ए.व्हि. ऐरोली मध्ये कन्यारत्नाच्या प्रवेशाच्या वेळी एका डॉल हाऊसमध्ये एका वेळेस ४-५ जणांना आत घेत असत.. (पालक बाहेर ..) आणि मग वर्गात ४-५ टिचर प्रत्येकास अगदी मांडिवर बसवुन कलर, अ‍ॅनिमल्स, बर्ड याबाबत विचारीत.. आमच कन्यारत्न आत जात असताना गृपमधिल एकाने रडण्यास सुरवात केली.. त्या बरोबर बाकिच्यांनीही त्याला साथ दिली.. (आमचीही त्यांना सामिल झाली).. end result ..अ‍ॅडमिशन फर्स्ट राऊंडला न मिळता.. वेटिंग लिस्ट मधुन घ्यावे लागले.. बाकी शाळा खुपच चांगली आहे.

हल्ली चांगल्या शाळांकरता भारंभार अर्ज येतात. जर शाळेत ५०-६० जागा असतील आणि हजारोंनी अर्ज आले तर शाळेला देखिल काहीतरी निकष लावावा लागतो. शिवाय फ्रँचायजी असलेल्या सगळ्याच शाळा वाईट असाही निष्कर्ष काढून फायदा नाही. शाळेतल्या शिक्षकांचा संच कसा आहे, फॅसिलिटीज आहेत ना? हे तपासून मागच्या काही वर्षांचा ट्रॅक रेकॉर्ड बघून शाळा निवडावी. बाकीचे निकष आहेतच वरती दिलेले. अजून एक म्हणजे, सीबीएससी आणि आयसीएससी शाळांच्या किंमती भरमसाठ आहेत असं नाही. सरकारी ग्रँट मिळणार्‍या शाळांपेक्षा नक्कीच जास्त आहेत पण अगदी झेपणारच नाहीत अशा नसतात.

पुण्यातल्या शांळाबद्दल सांगितले तर चालेल का??????

खूपच महत्वाचा विषय आहे.
अशीच माहिती बंगलोरच्या शाळांबाबत मिळवण्याचे काम मला चालू करायचे आहे.
शालेय शुल्क आजकाल खूप असते हे जगजाहीर आहे.;) पण आमच्या पाचवीत जाणार्‍या मुलाचे शाळा शुल्क साधारणत: किती असेल (डोनेशन तर असणारच ही ऐकीव माहिती)? अमेरिकेत तो पब्लिक स्कूलमध्ये जातो त्यामुळे मला काहीही माहिती नाही. यासंदर्भात आधी काही लेखन माबोवर झाले आहे काय? असल्यास त्याच्या लिंका कश्या मिळतील?
वर उल्लेख आल्याप्रमाणे आईवडिलांची सर्टिफिकिटे तर पाहतिलच पण नात्यातल्या एका अनुभवानुसार आजीआजोबांचीही मागितली होती. आजीआजोबांचे शिक्षण शाळेच्या दृष्टीकोनातून कमी असल्याने अ‍ॅडमिशन नाकारली हे मी काही वर्षांपूर्वी ऐकले आणि आश्चर्य वाटले.

डीएव्ही ऐरोली मध्ये प्रवेश घेताना एंट्रन्स च्या दिवशी एक फीची रक्कम सांगितली होती. परगावाहून येणार म्हणून आम्ही तो डीडी बनवून घेउन गेलो. नाव लागले तर लगेच फी भरायची होती. सर्व पालकांची अशक्य धावपळ झालेली आहे ह्या डीडी प्रकरणात. अ‍ॅडमिशन प्रक्रियेच्यावेळी एका पालकाने पाल्याबरोबर शाळेत त्याला धीर द्यायला व दुसर्‍याने फोन द्वारे संपर्कात राहून हे डीडीकाढणे वगैरे काम करावे. अ‍ॅडमिशन हे जॉइंट मिशन समजूनच पार पाडावे. म्ह्णजे कमी धावपळ व उरस्फोड होइल.

नाव लागल्यावर सर्क्युलर पाहिले तर फी चक्क साडेतीन हजाराने कमी केलेली होती. म्हणजे नवा डीडी काढावाच लागला. आधीच्यावर बॅंक चार्जेस वाया गेले. असे ही होउ शकते.

चांगली हुषार मुलेही उगीच नर्वस होतात व घाबरून जातात. त्यांना सारखा धीर देणे व अरे तू नीट करशील रे. वगैरे धीर देणे करावेच लागते. त्रासाने सुकून जातात ती अगदी तेव्हा बरोबर फ्रूटी, केक,
त्यांच्या आवडीचा खाऊ ठेवावा, शाळेची मीटिन्ग झाल्यावर त्यांना गार दूध, सरबत आइस्क्रीम असे काहीतरी द्यावे म्हणजे शुगर व फ्लुइड्स रिस्टोअर होतात व पोरांना फार स्ट्रेस होत नाही. त्या दिवशी त्यांच्यावर आणिक काही दडपण आणू नये.

अशा शाळांमध्ये लाजाळु, लवकर मिक्स न होणार्‍या बाळाना प्रवेश कसा मिळेल.
येत तर असत सगळं पण सोबत आइ बाबा नाहियेत, समोर अनोळखी व्यक्ती आहेत तर सगळेच बाळं एकाच पद्धतीने कसे रिअ‍ॅक्ट होतील?
जो बोलेल तो हुशार आणि जो बोलणार नाही तो ढ?
मला हे गणित कळालेल नाहिये. कोणी समजावुन संगितल्यास बरं होइल.

zakaasrao,

ashaa shaalet ghalayachach naahee. karan jya shikshakanna kalat naahe mool baavaralay tyaa shaalet ghaloon mulancha bhaavvishw udhvast nahe karayacha. naav motha aahe result changale lagtaat he nikash shalesathi chukiche aahet. sarvaat pratham shikshak kase aahet? agadee lahan mulanna output cha compulsion karat naaheet naa he khoop mahatvacha. mothya mulanna suddha output sumaar asel tar kasa treat karataat te mahatvacha.

EQ (emotional quotiont) disturb hoil asa kahi nahi karayacha, tyaat shaala selection suddha aala.