Submitted by विदेश on 25 December, 2011 - 00:38
चिऊताई चिऊताई
नकोस फिरकू अंगणात ग -
मम्मी-डॅडीचा गुडबॉय
कधीच तुला विसरला ग !
बोकेभाऊ बोकेभाऊ
टपून बसला ना तुम्ही -
मोठ्ठा गोळा लोण्याचा
कधीच मटकावला आम्ही !
बोकडदादा बोकडदादा
किती अजागळ दिसता हो -
तुमची दाढी पाहुन बायको
भांडत नाही का हो ?
हत्तीराव हत्तीराव
ब्रश कसा हो वापरला -
दोन दात दोन दिशांना
नीट का नाही धरला ?
कावळोबा कावळोबा
उगाच करता काव काव -
संतूर लक्स टाईड रिन
वापरून तरी बघा राव !
गुलमोहर:
शेअर करा
मजेदार
मजेदार
मजेदार आहे.
मजेदार आहे.