बेडुकराव....

बेडुकराव....

बेडुकराव....बेडुकराव....
शाळा तुमची भारीच राव
पावसाळ्यातच फक्त शाळा
नंतर खुशाल खेळाखिदळा

कसली मस्त शाळा सह्ही
नक्को दप्तर नी वही-बिही
सतत आपले डराव डराव
वा रे व्वा बेडुकराव

शाळेत तुमच्या फक्त पाढे
डराव डराव हेच धडे
प्रॅक्टिसने मला जमेल की
डराव डराव मज्जाच की

आई जरा कटकट करेल
पावसात जाऊ नको म्हणेल
सर्दीतापाची घालेल भिती
असली कोण घेईल धास्ती ?

आपली फक्त एकच रिक्वेस्ट
नको परीक्षा नी वीकली टेस्ट
तुम्हीच टीचरला सांगा ना राव
तुमचेच ऐकतील त्या... डराव डराव ...