जन्मभर....(तरही गझल)

Submitted by सुप्रिया जाधव. on 15 July, 2011 - 08:17

(मयबोलीवर पहिला प्रयत्न्....चु.भु.दे.घे.)

खोल खोल आतवर तुझी नजर
गुंतले जिच्यात मी निमीषभर

आर्जवे खट्याळ पाहण्यातली
बांधती अजाणता मनात घर

एकदाच ओठ हे दिले तुला
रोम रोम पसरले जहर जहर !

थोपवू नको विजेस वादळा
होय मी उभी जळेन फ़ारतर !

नेमकाच प्रश्न टाळलास तू
बोललो जरी बरेच आजवर

राहते अखेर ओळखायचे
काढतो उणी-दुणीच जन्मभर

वाहतो तुझाच गंध ज्यामधे
सोडले अखेर ते तुझे शहर

-सुप्रिया.

गुलमोहर: 
मराठी गझल
शेअर करा

थोपवू नको विजेस वादळा
हाय! मी उभी जळेन फ़ारतर

नेमकाच प्रश्न टाळलास तू
बोललो जरी बरेच आजवर

राहिले अखेर ओळखायचे
काढता उणी-दुणीच जन्मभर

हे आवडले.
मस्त गझल.

Submitted by साती on 15 July, 2011 - 10:56

''तरही'' तील सहभागाबद्दल मनःपूर्वक धन्यवाद.

२,४,७ फार आवडले.

तिसर्‍या शेरातील 'हाय!' चपखल वाटला नाही.

पण एकंदरीत फारच छान गझल.

पुलेशु.

Submitted by डॉ.कैलास गायकवाड on 15 July, 2011 - 11:39

थोपवू नको विजेस वादळा
हाय! मी उभी जळेन फ़ारतर>>> हाय! हा शब्द सोडून शेर आवडला

नेमकाच प्रश्न टाळलास तू
बोललो जरी बरेच आजवर>>> मस्तच!!

शुभेच्छा!!

Submitted by विजय दिनकर पाटील on 16 July, 2011 - 01:20

.

Submitted by सुप्रिया जाधव. on 12 May, 2012 - 06:47

नेमकाच प्रश्न टाळलास तू
बोललो जरी बरेच आजवर >>> सुरेख

गावभर बदल छान आहे सुप्रिया... तुम्ही तुमची गजल एडीट करू शकता

Submitted by मिल्या on 20 July, 2011 - 09:14