सुकी कर्दी

कर्दी म्हणजे कोळंबी का?

कर्दि म्हणजे करंदी. माझी बहुतेक २९ वी पाककृतीतली सुकवलेली करंदी.

महेश आम्ही अशी भिजत नाही घालत करताना फक्त पाण्यात टाकतो. एकदा ह्यात सिमला मिरचीघालुन बघा ती पण छान लागते.

पावसाळा जवळ आला की वाळवणात सुकी मच्छी चाही वाटा असतो. मी पण भरलेत ह्यावेळी सोडे, बोंबिल, जवळा.

धमाल रेसिपी, पावसाळ्यासाठी !
मालवणला कोणाच्यातरी घरी मी आणखी एक प्रकार चाखला होता; करंदी साफ करून, धुवून पूर्ण निथळू द्यायची, अगदी सुकी झाल्यासारखी होईपर्यंत. कढईत थोड्या तेलावर कांदा थोडा परतून घ्यायचा व त्यावर ही करंदी टाकायची. पाणी अजिबात नाही वापरायचं. खरपूस होईपर्यंत परतून घ्यायची. वर फक्त मीठ,तिखट व किंचित बारीक चिरलेली कोथिंबीर घालायची [ हवंच तर एक कोकम सोल ]. बस्स. छान कुरकुरीत तर होतेच पण साथीला करंदी भाजून काढल्यासारखा मस्त भूक चाळवणारा वास पण !

आजोळी हा प्रकार कच्ची कैरी घालून करतात. घाटावर पूर्वापार असा सुका बाजार घेऊन लोक जात असत. (त्या मानाने सुके बोंबील, बांगडे वापरात नाहीत.) भाकरीवर हे घालून शेतात जात असत. तिकडे ताजे मासे दुर्मिळ. त्यांमूळे वर्षभर खाल्ले जातात.

भाउ नमस्कार माझी पद्धत तुम्ही लिहील्या प्रमाणेच आहे. पाणी न घालता केली की जास्त रुचकर लागते. शिवाय बटाटे पण नाही घालत नाहीतर बटाट्याची चव करंदीची मुळ चव खाउन टाकते. आणि दिनेशदा सांगतात त्याप्रमाणे कैरीही घालायची मग अफलातुन करंदी होते.

महेश तुम्ही दिलेली रेसिपी पण छानच आहे. पण वरची करुन बघा. आणि तुमच्या पद्धतीने रस्सा करा व त्यात चिंचेचा कोळ आणि थोड तांदळाच पिठ घाला एकदम झक्कास रस्सा होतो.

कर्दि १ तास भिजत नाहि घातलि तरि चालते. फक्त गरम पाणि घालून १५ मिनिट ठेवा.बाकि सुक्या मच्चिचि चव खुपच छान लगते.

<< भाउ नमस्कार माझी पद्धत तुम्ही लिहील्या प्रमाणेच आहे. >> जागूजी,
तुमच्या रेसिपी मी वाचतो मधून मधून . छान असतात. खूप वाव आहे क्रिएटिव्हीटीला यात, हे उमगलंय तुम्हाला !

हा प्रकार खुप आवडतो....पावसाळ्यात तर हादड-हादड असते नुसती दिवसातुन ४-५ वेळा.....पण महेशराव तोंपासुची 'तर्री' कुठे गेली..?

महेश भाजलेल्या बांगडा आठवत असेलच मग तुम्हाला. काय वास सुटतो त्याचा. कुणी चुलीत भाजला असेल तर आख्या गावाला भुक लागते.

भाउ धन्यवाद. पण तुम्ही रेसिपी मधुन मधुन का वाचता? नेहमीच वाचा.

मी हे गेल्या कित्येक दिवसांपासून सुकी सर्दी असं वाचतेय. आज पाकृ विभागात चक्कर टाकली तर तिथे पण "सुकी सर्दी". मग पत्ता लागला सर्दी नाही कर्दी आहे ते.

असो. हा माझ्या खाण्याचा प्रांत नाही.

भाऊकाकांनु तुम्ही सांगितलेली रेसीपी आम्ही करदीच्या ऐवजी जवला वापरुन करतो छान लागते.(कोथिबीर आणी कोकम न घालता)

"सुकी सर्दी"

मी हे गेल्या कित्येक दिवसांपासून सुकी सर्दी असं वाचतेय. आज पाकृ विभागात चक्कर टाकली तर तिथे पण "सुकी सर्दी". मग पत्ता लागला सर्दी नाही कर्दी आहे ते.

>>>> अग निंबुडा, मी पण अगदी हेच लिहायला आले इथे. सुकी सर्दी!

निंबुडा, मामी, मीपण तसेच वाचतिये इतके दिवस. आज म्हटले बघुया तरी काय लिहिले आहे सर्दीबद्दल

<< निंबुडा, मामी, मीपण तसेच वाचतिये इतके दिवस >> डोळे,कान व जीभ यांची आंतून खूप जवळीक असते; त्यामुळे जीभेला जे आवडत नाही तें डोळे व कान पण दुर्लक्षित करत असावेत ! उदा. ""सुकी सर्दी"वर उपाय म्हणून मी म्हटलं "कुर्ल्यांचा रस्सा लई ब्येस ", तर कांही कान ऐकतील " कारल्याचा रस कां नाही घेत " !!

ज्यांनी ज्यांनी हे शीर्षक "सुकी सर्दी " म्हणून वाचल ती सगळी शाकाहारी असणार. >> ह्म्म नाहीतर करंदी हा प्रकार माहीत असलेले मांसाहारी (खास करून कोंकणातले...) विरळाच. सावंतवाडी साईडला याला करदी म्हणतात. जागू ने सांगितलेली रेसिपी पाणी न घालता कैरी टाकून अगदी तोंपासू होतं. मी छोटा बटाटाही घालते, फारशी चव नाही बदलत कारण बटाट्याला स्वतःची चव नसते, मर्ज होतो रश्श्यात. आणि पुरणागत शिजवला की रस्साही थिक होतो.

रच्याकने, कोणी हे सुक्या करंदीचे सारण असलेले समोसे किंवा भजी केलेय का?

जवळ्याची भजीं आम्ही करतंव, चांगली कुरकुरीत होतत. करंदीची नाय करूंक.