कोकम (रातांबा) सरबत

मस्त रंग आलाय. इथे गारेगार वाटलं.

ठाण्यात राजमाता की काय वडा पावच्या दुकाना शेजारीच खास कोकम सरबत मिळते. कोकम सरबत + सोडा आणि वरुन चाट मसाला. खूपच भारी लागते ते.

या सरबतात थोऽऽडी जिरेपूड घालायची. उन्हातून आल्यावर असं सरबत म्हणजे स्वर्ग!

लई भारी ! हल्ली उन्हाळ्याचा रोज कोकम सरबताचा मारा करतेय स्वतःवर. पण ते विकतचं, पाणी घालून प्यायचं सरबत आहे. असं घरगुती सरबत आई करायची आम्ही गिरगावात असताना. गच्चीतल्या कडक उन्हात घरोघरच्या बरण्या ठाण मांडून बसलेल्या असायच्या. सोबतीला सुपांमध्ये सांडगे मिरच्या, साड्यांवर पापड, प्लॅस्टिकवर बटाट्याचा किस आणि चिकवड्या पसरलेल्या असायच्या.

पहिल्यांदा पाहिले जागू.
तुझे आभार. कृतीही सोपी वाटते आहे.कुठे दिसले तर करुन पाहीन नक्की.

ही पाककृती एकदम अस्सल आणि नैसर्गिक वाटतेय. टिकवणारा पदार्थ फक्त साखर!

पाकृ आवडली.

बाजारात मिळणारी सरबते उकळवून आणि टिकवणारे पदार्थ (सायट्रिक अ‍ॅसिड वगैरे) मिसळून केली जात असावीत. त्यामुळे स्वाद तर जातोच शिवाय पोषणमूल्येही कमी होत असावित.

अगं जागुतै..लाळेने तोंड भरंल अगदी, ते रातांबे आणि राताआंब्याचे काप पाहुन. सरबत बाजुलाच

जागू , कोकमं आणि सरबत मस्तच दिसताहेत . आईच्या / आजीच्या रेसिपीची आणि त्यांच्या हातच्या सरबताची आठवण झाली .

अगं जागुतै..लाळेने तोंड भरंल अगदी, ते रातांबे आणि राताआंब्याचे काप पाहुन. सरबत बाजुलाच >>>

तोंपासू

पुन्हा यम्मी यम्मी !!

पहिल्यांदाच ताजे कोकम कसे दिसतात हे कळले आणि त्याला रातांबा म्हणतात हे पण. मला ते आलु बुखार/बुखारे सारखे दिसताहेत. मी नेहमी स्वयंपाकात वापरतात ते वाळवलेले कोकमच बघीतले आहेत किंवा मग विकतचे कोकम सरबत, आगळ.

रातांब्याची(?) कोवळी पानं मस्त लागतात खायला. किंचित आंबट...त्यामुळे जपून खायची. आमच्या शेजार्‍यांनी लावलं होतं झाड. लहानपणी आम्ही कधीतरी(च) कोवळी पानं आणायचो हळूच, नि धुवून खायचो. ते वैतागायचे. कोवळी पानं खुडली तर झाड धरणार कसं म्हणून...

जागुले... मस्तचं गं ताजे रातांबे बघुन जीव सुखावला

मे महिन्यात कोकणात भरपुर रातांबे नुसतेच किंवा साखर-मिठ घालुन खायचे आणि येताना मुंबईला घेऊन यायचे आणि मग आई त्याचं सरबत करायची... खुप आवडतं असं सरबत एकदम उन्हाने तळावलेल्या जीवाला थंडगार वाटतं

आता इथे फक्त देशातुन येताना आणलेल कोकम सरबत्/आगळ प्यायच ताज्या सरबताची चव, स्वाद नाही त्याला...

सिंडे, हो कोकम सोडा ......आहाहा काय चव असते त्याची.

जागु, सोप्पी पद्धत सांगितलीस की गं..
हे तयार झालेलं सिरप वरती ठेवायचं की फ्रिजात? किती दिवस टिकतं? पण पुणे मुंबईत कुठे इतकी सुंदर कोकमं मिळतात? माझी काकू त्या कोकमाच्या बिया असतात ना त्या वाळवून बरणीत ठेवते आणि कधी कधी आमटीत घालते. शिवाय सिरप काढून ह्या कोकमाच्या वाट्या उरतात त्याच्या बारिक फोडी करून्/मिक्सर मधून काढून जॅम... मला नाही आवडला पण तो प्रकार.. जरासा आंबट लागतो.

मस्त जागू

आजी कोकमाच्या बियांचं हिरवी मिरची बारीक कापून, मीठ, साखर आणि पाणी घालून सरबत करते. ते आंबट, गोड आणि तिखट सरबत एकदम भारी लागतं.

कोकणात हे कोकम सरबताचं मोठ्या प्रमाणावर उत्पादन करण्यासाठी टाक्या बनवलेल्या असतात. एकेक टाकी भरली की त्यावर लेबल लावून ठेवतात आणि विशिष्ट दिवशी उघडतात. तयार झालेला पाक गाळण्याची कृतीही एकदम बघण्यासारखी असते.

आत्ताच देसाईंच्या दुकानात पाहिले हे रातांबे.. उद्या आणते

अरे व्वा! कोकम सरबत...

मुखात अगदी "ट्ट्ट्टा" असं झालं.

[हा प्रतिसाद सरबतासाठी ]

फोटो पाहून डोळे निवले जागू. आमच्याकडे अगदी असेच करतात सरबत!

जागू, आम्ही लहान असताना, आई हे सर्व करायची. त्याची आठवण झाली.

ठाण्यात राजमाता की काय वडा पावच्या दुकाना शेजारीच खास कोकम सरबत मिळते. कोकम सरबत + सोडा आणि वरुन चाट मसाला. खूपच भारी लागते ते.

येस्स.. एका अगदीच मिनी ठाणे गटगला मी हे प्यायलेय.. एक ग्लास रिचवल्यावर परत एक घेतला

पहिल्यांदाच ताजे कोकम कसे दिसतात हे कळले आणि त्याला रातांबा म्हणतात हे पण. मला ते आलु बुखार/बुखारे सारखे दिसताहेत

माझ्या आईने मुंबईत पहिल्यांदा आलुबुखारे पाहिले तेव्हा तिला मुंबईची माणसे रातांबे अशी ढिगानी का विकताहेत नी विकत घेताहेत हा प्रश्न पडलेला आमच्या गावी रातांबे रानातनं तोडुन आणतात. कोणीही विकत नाही किंवा विकत घेतही नाही.

आमच्या गावी रातांबे रानातनं तोडुन आणतात. कोणीही विकत नाही किंवा विकत घेतही नाही. >> इथे देसांईकडे ८० रुपये किलो आहेत

वर्षा तु कुठे राहतेस गं??

आणि तसेही आंबोलीला कोकमसरबताची गरज पडण्याइतपत उन्हाळा अजुन पडलाच नाहीय. आंबोलीतले लोक रातांबे कोकमं करण्यासाठी तोडतात, सरबत करण्यासाठी नाही

वर्षा तु कुठे राहतेस गं?? >> पुणे
पाठवणारेस

अगं गावी गेले तरच शक्य होईल.. मुद्दाम इथे मुंबईत कोण पाठवणार रातांबे? पण गेले तर मात्र तुझ्यासाठी नक्कीच घेईन. येताना मला पुण्यातुनच यावे लागते. तुला बोलावेन चांदणी चौकात रातांब्याची डिलिवरी घ्यायला.