मूगवड्या

यात मेथि पण घालतात. चान्गलि लागते.

आता ह्या वापरुन भाज्या कशा करायच्या तेही लिहा ना....
(माझ्याकडे एक विकतचे पाकिट पडलेय बरेच दिवस, काही केले नाही त्याचे...)

आम्ही (म्हणजे आई ) साधारण अशाच ह. डाळीच्या वड्या करतो. लग्नकार्यात पण ह्या वड्यांनी सुरुवार करतात- गृहयज्ञच्या दिवशी सकाळी. का ते माहिती नाही. पण ह्याची भाजी लै भारी लागते. मी जराशा तेलात परतुन कढीत पण घालते आणि "आमच्यात" पकोडा-कढी अश्शीच करतात असं खपवते

मुगवड्या करायला अगदी सोप्या. पण करून अगदी कडकडित उन्हात वाळवाव्या लागतात. >>>
हे कसे करायचे इथे उत्तरेकडे?

छ्या... हा पर्याय काही आवडला नाही आपल्याला त्यापेक्षा फ्लोरीडावासी सुगरण मैत्रीणींकडे उन्हाळ्यात एक ट्रीप करावी आणि उन्हाळकाम करावे हे जास्त छान वाटतय.

त्या दुकानातल्या पटकन शिजायचे कारण त्यात कायच्याकाय सोडाखार टाकलेला असतो. मी देसी दुकानातून आणून जेव्हा तेव्हा भाजी केली तर पोटाला हमखास त्रास झालाय माझ्या.

त्यापेक्षा फ्लोरीडावासी सुगरण मैत्रीणींकडे उन्हाळ्यात एक ट्रीप करावी आणि उन्हाळकाम करावे हे जास्त छान वाटतय >>> वा वा हे मस्तच. मी पण येइन. तुम्हाला तीखट-मीठ कमी जास्त सांगायला नको का कुणी साबुदाण्याच्या पापड्या आणि बटाट्याचा किस पण करणार असालच. अर्धा कच्चा एकदम टेश्टी लागतो

या वड्या वापरून वांगी बटाटा भाजी छान लागते.
या वड्या तेलात परतून घ्यायच्या. मग वांगी बटाटा यांची आपल्या पद्धतीने भाजी करायची. त्यात या वड्या सोडायच्या. या वड्या कडकडीत वाळवलेल्या असल्याने शिजायला बराच वेळ लागतो. भाजीत थोडा रस ठेवावा. कारण मग या वड्या रस शोषून घेतात व फुगतात.
या वड्या अनेक प्रकारे करतात. इतर डाळीही मिसळतात. उडदाची डाळ थोडी तरी घालतात.

या वड्या वापरून वांगी बटाटा भाजी छान लागते>>>
हो आणि नुसत्या बटाट्याची कांदा-टोमॅटो घालुन केलेली रसभाजीही छान होते.
अश्याच उडदाची डाळ आणि कोहळा घालुन केलेल्या वड्या आमच्या कामवाल्या अम्माने मला करुन दिल्या आहेत.शिवाय 'अमृतसरी वडियां' म्हणुन दुकानात मिळतात. फार प्रसिद्ध आहेत उत्तर भारतात.
~~~~~~~~~~~~~~~~~~~~~~~~~
नवीन वर्ष सर्वांना सुख-समृध्दीचे ,भरभराटीचे ,समाधानाचे आणि आनंदाचे जावो , ही शुभेच्छा!

खान्देशात सगळ्या डाळींच्या अशा वड्या करतात (लसुण्-मिरची घालून). त्यांना आम्ही 'कर्‍होडे' असे म्हणतो. यांची नुसती कांदा-लसुण्-तिखट घालूनही छान भाजी होते. शेंगदाण्याची चटणी वाटूनही पातळ (आमटी सारखी) भाजी करतात. ती तर माझी अतिशय आवडती आहे.