'बाप्पा तू गजानना .. '

परदेशी स्थायिक झालेल्या बहुतेकांची मायभूमीची ओढ त्या माती इतकीच आपल्या आप्तेष्ठांची, सण-वारांची, परंपरांची आणि संस्कृतीची असते. यातील कोणी आपल्या स्वतःच्या आनंदासाठी तर कोणी व्यावसायिक कलाकार म्हणून विविध कलोपासना करणारे असतात. त्यांना या प्रगल्भ क्षेत्राचा थेट संपर्क तुटल्याचे खूप जाणवते. असे अनेक जण आपली कला साधना निष्ठेने चालू ठेवतात आणि आपल्या संस्कृतीची पाळेमुळे दूरदेशी ठामपणे रुजवतात. पण आमच्यासारखे तानसेन नसून कानसेन असणाऱ्यांची मात्र थोडी कुचंबणा होते.